لوني اسمر..........

**سوسو20** · 2010-09-09, 01:02

حبيبتي مايخصه ياكثرهم البنات الى عندنا فالجامعه
سمر بس جميلات وملامحهم حلوه صح مب كلهم حلوات بس بعد في الشين وفيه الزين
وبعد البيض فيه الحلوات وفيه الشينات يعني الكل نفس بعض بس كل حد وطريقة تفكيره

**اشراقة أمل** · 2010-09-09, 01:13

مشكورات خواتي على الدعم المعنوي

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.

سبحان الله يمكن لو كنت انسانة بيضة او على قدر عالي من الجمال يمكن يكون نقمة مش نعمة وسبب لي مشاكل
ويمكن لا

بمعنى اخر ليس من المهم تمام المقاصد في الدنيا على قدر اهمية الجهد الانسان يعني الدنيا نصيب

وماعندي تعليق اخر غير

حسبي الله ونعم الوكيل اللهم أجرني في مصيبتي واخلف لي خيرا منها

**جريئة** · 2010-09-09, 02:36

فديتج انا سمرا و افتخر

اذا الاجانب يدورون ع الوانا وهم بيض !!!!! ليش نحن نستحي و الله ما فيها شي

و اللي ما يبغاني نعامة ترفسه !!!

خلج ملكة

خلج وااااااصقة من نفسج ^^

و ان شا الله ايي نصيبج و تعرسين ^_______________^

و يااااااااااااااااااااااماااااااااااا بيض حلوين ما حصلوا نصيبهم و قاعدين ف بيوتهم ^^

كل شي قسمة و نصيب

و لا تنسين تعزميني ع عرسج ها ^^

**مهجه** · 2010-09-09, 02:41

وانا بعد سمرة عادي عند ربيعاتي

عيشي حياتج فديتج

**أم اليازيـــة** · 2010-09-09, 15:44

ما عليج من الناس ... كل انسان الله خالقنه بجماله ما فيه انسان مب حلووو ...

**اشراقة أمل** · 2010-09-09, 19:46

الله يخليكن لي

**موزاني 22** · 2010-09-21, 02:19

ترا بعظهم وصلووا مرحله التخلف ولااا يعرفوون الدين قسم بالله شووو تبينهم انتي خليهن يرمسن لين يسدهن اهم شي انتي تكوونين مقتنعه وزهلي كلامهم

**أم سارونه~~** · 2010-09-21, 03:41

الله يوقفج ^___^ يا حبوبهـــ

و يهدي يميع يارب

**♥..Tschüß** · 2010-09-21, 05:37

بعض الخلق ماتخلي حد بحاله لا الاسمر ولا الابيض ولا الدب ولا الضعيف بس تبا تعيب على الخلق ..

بقولج عن مواقفي عسب تعرفين ان كلنا مرينا بهالمواقف ..

انا سمرا سمارتي شرات الممثلات الهنديات .. شرات كاجول لوتعرفينها .. وماسلمت من التعليقات

يوم كنت صغيره كنت اغمج بدرجه .. ويتني بعض التعليقات وهالشي اثر على ثقتي بنفسي لاني حساسه.. وكنت ازعل بس عقب اطنش ..

ف مره يوم كنت صغيره كنت ارمس وياربيعتي بالتلفون واخوها يسالها ترمسين منو قالت له فلانه قالها هذه السوده !! هههههه .. والحين تزوج وحده اسمر عنه !! .. ابوها وامها ومرت ابوها يتمنوني اخذ حد من عيالهم .. والغريب ان ربيعتي واختها ربيعتي بعد .. يوم ابوهم اييب طاري انهم يبوني لاخوانهم ابد مايقولونلي حتى ولو بمزاح !! واصلا انا اعتبرهم اخواني مستحيل اوافق ..اما يوم يبون يتقدمون لوحده دايما يقولون لي بنخطب فلانه وعلانه .. دايما توصلني الاخبار من حد ثاني واستغرب ؟؟! شو السبب ياترى انهم مايخبروني ولو بمزاح ؟ لاني اسمر عنهم ؟؟ بس لوني عادي هههههه ! هذا وهم ربيعاتي

ووحده تتمدح فيني والثانيه تمشي على رايها بالجمال على حسب اللون .. الاهل ماهتمو باللون والعيال يهتمون ؟ سبحان الله

دخلت الجامعه وفتح لوني بدرجه او درجتين .. ومره شافتني ام ربيعتي لاول مره .. قالت لها حلوه لكنها سمرا !! حسستني انه فيني عيب !! مع ان ربيعتي الي هي بنتها سمرا بعد لونها من لوني واختها اسمر عني ! قلتلها تراج انتي سمرا لونج من لوني غريبه امج .. شفتي كيف تفكيرها مع ان بناتها من لوني ؟؟

ومن سنتين تقريبا .. وبالقريه العالميه والقريه اللبنانيه بالتحديد .. كانت وياي وحده من اهلي حنطيه .. وقفونا هالبياعين المغثه الي غصب يخلونج تجربين كريمات التبيض وخرابيط .. وقفنا .. قالها انتي مايحتاج لج شي ويتمدح فيها .. واشر عليه قال انتي يبالج !! عاد هي مستانسه تتبسم .. عطيته نظره وسرت ..

و بنفس الوقت في ناس تعيبهم سمارتي ويتمدحون بجمالي ..

شفتي كيف ؟؟ حد يذمني وحد يمدحني ! بس والله عااادي ولا يهموني .. انا مقتنعه بشكلي وبجمالي وبلوني

والله مب مجامله .. ماشاءالله في سمروات غامجات حلوات وكشيخات !! والله اقعد اطالعهم .. الله خلقنا جميعا باحسن تقويم ..والناس اجناس ولكن له تفكيره وهالشي يرجع له ! متى هالناس بترقى بتفكيرها ؟؟ الله يهديهم ..

تعدلي واكشخي وماعلييج من حد .. والله يوفقج يالغاليه

**mao** · 2010-09-21, 06:14

بالعكس السماآر وايد نايس

انا بيضا لكن خاآطري اجرب اكون سمرا سمار حنطاوي

صدقني حلو انتي حبي نفسج بس وماآ عليج من حد

^^

**نم نم مي** · 2010-09-21, 08:26

رضى الناس غايـة لا تدرك

وفقك الله عزيزتي ،،،

**اهلين و سهلين** · 2010-09-21, 08:29

انا حنطية و باجي اهلي بيييض بس خالي دوم يقولي بشرتج تو مج حلوة ^..^

خلج واثقة من نفسج و اهتمي ف شكلج مب عيب

و طنشيهم لا تاخذين الامور بحساسبة

**ريم سميث** · 2010-09-21, 09:23

هلا حبيبتي
فديتج أنا سمرة مثلك بس بنية وكنت اعاني من نفس مشكلتلك المجتمع ما يرحم
عدنا السمر كأنهم عبيد والبيض ملوك انا صراحة كنت وايد أهتم بهالموضوع لدرجة اني فكرت أسوي خلطات تبييض وغيره بس بعدين حصلت نفسي ما مهتمة فجأة بالمجتمع حطيت في بالي ان بكون مثل ما خلقني الله
والي عاجبنه أهلا وسهلا والي ما عاجبنه جدامه الرحمن
المهم لا تركزي على الموضوع كثير طنشي الحمد لله في الماضي كانوا يعايروني بسماري واليوم أثبتلهم أني أفضل دخلت الجامعة بمعدل امتياز وبنات البيض مال جارتنا جلسن في البيوت والكل حاسدني على هالتميز والخطاطيب مرة واقفين جدام بيتنا كلهم خايفين عن اتخرج وأحصل وظيفة معاشها عالي
الي حلو فيني ربي عطاني سمار وحلاوة كل الي يشوفني يحسبني أحف لكن الحمدلله بروحن ضابطات وعيون مثل عيون القطة ومن اكحلهن البنات يموتن غيظ جتلك لا تهتمي بالناس وأهتمي بنفسك وبس وربي يوفقك

**حياتي انجاز** · 2010-09-21, 09:34

خلج واثقة من نفسج و ما عليج من حد و رب العالمين خلقة الإنسان في أحسن تقويم و يوم القيامة ربج ما يميز الناس هذا ابيض و و هذا اسود لا التقوى هي المعيار
ما عليج من حد و امشي ملكة انتي الصح و هم الغلط

**المجهووولة** · 2010-09-21, 09:37

الحمدلله والشكر .. صج ها البنات مب صاحيات شو يخصهن بلوونج ؟؟؟ هاي خلقة الله .. الله يهديهن بس

الموضوع: لوني اسمر..........

أدوات الموضوع

عرض

المواضيع المتشابهه

اختي سمرا + زوج اسمر= العيال؟؟

اخذوا البنت منه لانه اسمر البشرة

رجلي لونين من فوق ابيض ومن تحت اسمر !!!!!!!

يا عيني عليك.............. يا اسمر اللون رمشك سحرني