TOM & Mark والدكتور !!!

**روووز ماااري** · 2010-08-29, 14:38

شحالكم حبيباتي !!.

حبيت اكتب هاي القصه اللي سمعتها وفيها نوع من الغرابه وفي نفس الوقت .......... مابقول

اليين ما تقروونها بروحكم

كانت عائله مكونه من ثلاث افراد الام وولدين ..!

الاخ الكبير اسمه Mark والاخ الصغير اسمه Tom ...

ويبلغ Tom احدى عشر شهرا ! .. و Mark في الاعداديه .. المهم في يوم من الايام سافرت الام

وتركت Tom عند اخوه الكبير ....وكانت الام مسافره لعدة ايام وبترجع !!

فكان Mark واااااااايد مشغول بالدراسه والامتحانات عن اخوه الصغير !

وفي يوم ما ، لاحظ Mark كثرة بكاء اخوه الصغير !!؟ حاول يسكته بس ما قدر ..

قرر ياخذه ويوديييه عند الطبيب !

كشف عليه وما لقى شي !؟

والنتايج طلعت كلها سلييمه !!

هنييه استغرب الدكتور وسأل Mark..!!

الطبيب : Mark ماكنت مشغوول بشي عن اخوك ؟؟

Mark : لا .... انا معاه طوول الوقت !!؟

الطبيب : ماكنت تلعب بشي معين او سويت حركه جدامه ؟؟؟

Mark : سكت شوي وتذكر !!؟ صح كنت العب معاه لعبة السحر ..!

أمسك يورو وأمثل انها تختفي من ايدي وتطلع من خشمي !!؟

الطبيب قعد يفكر ويفكر .. ورجع يفحص Tom مره ثانيه .. تخيلوا شو سوا ؟؟!!

دخل ملقط في خشم Tom وطلع منه جندي بلاستيكي صغيروني !!

وفرح Mark بعد ما عرف سبب بكاء اخوه ..

ورجع البيت .. وفي اليوم الثاني قام يبكي Tom ونفس الشي ماقدر اخوه يسكته ..

فرجع عند الطبيب وكالعاده بدء يفحص Tom !!

والنتيجه مالقى شي..!

هنييه سأل الطبيب mark !!

الطبيب : هل انته متأكد انك ما كنت مشغول عن Tom ??!!

Mark : هييه متأكد وما غاب عن عيني ولا لحظه !!

سكت الطبيب وقعد يفكر ويراقب صياح Tom وحركات ايده !!؟

لاحظ الطبيب انه Tom يضرب خشمه !!؟

مسك الملقط ودخله في خشم Tom وطلع منه سيارة اسعاف بلاستيك صغييره !!؟

ورجع Mark البيت وهو فرحان على سلامة اخوه ..

وفي اليوم الثاني قام Tom يبكي بكاءه المستمر !!

وحاول Mark يسكته بس ماقدر ..!

ورجع مره ثالثه واخذ اخوه وراح عند نفس الطبيب !

وقام الطبيب يفحص Tom والنتيجه ما يشكي من اي مرض !!

قعد يفكر ويراقب صياحه وحركات ايده !!؟

ونفس الشي لاحظ انه يضرب خشمه ويصيح !؟!؟

دخل الطبيب الملقط وطلع شرطي بلاستيكي صغييير !!

وبعدين معاك يا Mark !! ليش ما تنتبه على اخوك ؟؟

ورجع Mark البيت ونفس الشريط انعاد علييه !!

واخذ اخوه وراح عند نفس الطبيب ! ونفس الشي راقب حركاته وصياحه دخل الملقط وطلع قطوه

بلاستيك صغيرووونه !!!

ومن بعد ما طلع الدكتور القطوه!! سكت Tom ورجع يلعب ويضحك وانتهى الصياح !!

والحيين يا حبيباتي بسألكم شو قصة الجندي وسيارة الاسعاف والشرطي والقطوه ؟؟؟

^
^
^
^
^
^
^
^

^
^
^
^
^
^

المزيد من آخر المواضيع من نفس القسم:

**روووز ماااري** · 2010-08-29, 14:39

^
^
^
^
^

البيبي طلع اذكى من اخوه والطبيب !!؟؟

تدرون ليش؟؟؟

لانه اول ما دخل القطوه دخل بعدها الشرطي عسب الشرطي هو اللي يطلع القطوه

بس الدكتور بعد ماطلع الشرطي مادرى انه في قطوه داخل >> عشان جييه في اليوم

الثاني دخل البيبي سيارة الاسعاف في خشمه عسب تظهرالقطوه وفي الاخير دخل

الجندي عسب يظهر القطوه

ولو كان الدكتور ذكي تشان اكتشف المشكله من اول مره

بس سبحان الله كيف تفكيير اليهال الصغار >> يعني البيبي كان يفهم انه الشرطي

والاسعاف والجندي حق حالات الطوارى والانقاذ ..

والمغزى من القصه

^
^
^
^
^
^
^
^
^
^
^
^
^

لا يغركم حجم البيبيات !

هم دائما اذكى مما تتصوروون !

**^الدماني^** · 2010-08-29, 14:53

"إنها حقا عائلة محترمة !

مغزى القصة :

الأم هايتة وهادّه الياهل على تجلا أخوه الياهل

الياهل خريش ما خلى شي ما خشاه في خشمه

الأخو مهمل مسؤولية تربية أخوه

,الدكتور ما لقى كل هالبلاوي من أول مرة ؟!!!!!!
هذا أكيد جراح هوليوود المزيّف اللي كان في دبي

**زم_قمر_ان** · 2010-08-29, 14:54

قصه حلووه وغريبه

والاطفال الصغار سبحان وااايد أذكياء

ويعرفون شو يبوون وبعد التربيه لهاا عامل كبير

**زم_قمر_ان** · 2010-08-29, 14:59

المشاركة الأصلية كتبت بواسطة ^الدماني^

"إنها حقا عائلة محترمة !

مغزى القصة :

الأم هايتة وهادّه الياهل على تجلا أخوه الياهل

الياهل خريش ما خلى شي ما خشاه في خشمه

الأخو مهمل مسؤولية تربية أخوه

الدكتور ما لقى كل هالبلاوي من أول مرة ؟!!!!!!
هذا أكيد جراح هوليوود المزيّف اللي يا دبي

ههههههههههههههه

ماخليتى حد في القصه الا وعطيتيه حقه

الام الهايته على رااسهاا لوكانت تعرف شو بتقولين عنهااا

كان فكرت الف مره قبل لالا تطلع

والاخو المهمل حليله شو ذنبه قاعد يدرس

والياهل الخبل الى ما خلى شي الا ودخله خشممممممممممممه

اما الدكتور المسكين شو تبينه يسوى حليله ما يعرف ان الياهل ذكى

**روووز ماااري** · 2010-08-29, 15:05

المشاركة الأصلية كتبت بواسطة ^الدماني^

"إنها حقا عائلة محترمة !

مغزى القصة :

الأم هايتة وهادّه الياهل على تجلا أخوه الياهل

الياهل خريش ما خلى شي ما خشاه في خشمه

الأخو مهمل مسؤولية تربية أخوه

,الدكتور ما لقى كل هالبلاوي من أول مرة ؟!!!!!!
هذا أكيد جراح هوليوود المزيّف اللي كان في دبي

هههههههههههههههههههههههههههههههههههه

لازم فديتج تعيش حياتها !

والضحيه يا حليلهم Mark الغلبان !

والعبقري الصغير Tom !

زين ما حط شلق في خشمه وشغله !

خخخخخخخخخخخخخخخخخخخخخخخخخخخخخخخخخ

**βĔŇt ûǻĘ** · 2010-08-29, 15:07

حسيت اسلوبج فالكتابة نفس الدماني
لول
عيبتني القصه ^^

**روووز ماااري** · 2010-08-29, 15:09

المشاركة الأصلية كتبت بواسطة βĔŇt ûǻĘ

حسيت اسلوبج فالكتابة نفس الدماني
لول
عيبتني القصه ^^

هعععععععععععععععععع

هيييييه تراني انا والدماني استوينا طبجه !

**هنهون** · 2010-08-29, 15:10

رووز ماري مب انتي اللي حاطة صورة الجلب بو سير مقطوع خخخخ انفضحتي

حبيت خروفتج خخخخ

**هنهون** · 2010-08-29, 15:10

وين تقرير رحلتج بالنتظار

**^الدماني^** · 2010-08-29, 15:11

المشاركة الأصلية كتبت بواسطة روووز ماااري

هعععععععععععععععععع

هيييييه تراني انا والدماني استوينا طبجه !

يا "طبجة" الخطوبة عقبالنا كلنا !

ونبني طوبة طوبة فعش حبنا

**روووز ماااري** · 2010-08-29, 15:13

المشاركة الأصلية كتبت بواسطة هنهون

رووز ماري مب انتي اللي حاطة صورة الجلب بو سير مقطوع خخخخ انفضحتي

حبيت خروفتج خخخخ

هيييييييييييييه انا

خخخخخخخخخخخخخخخخخخخخخخخخخخخخخ

تسلمين يا هنهونتي !

**^الدماني^** · 2010-08-29, 15:20

المشاركة الأصلية كتبت بواسطة هنهون

رووز ماري مب انتي اللي حاطة صورة الجلب بو سير مقطوع خخخخ انفضحتي

حبيت خروفتج خخخخ

لووووووووووووووول

وزيادة في الفضيحة بأرد أحط ردي هنيه

http://forum.uaewomen.net/showthread.php?t=779536

المشاركة الأصلية كتبت بواسطة ^الدماني^

أنا الصراحة لا طاحت عيني على الفيونكة ولا على اللسان

أنا ما شفت من الصورة غير ...
^
^
^
^
^
^
^
^
^
^
^
^
^
^
^
^
^
^
^
^
^
^
^
السير اللي شوية وبينقص

بغيت السير منقص
والجميل يرابع وراج على كبر "ربوع" النمسا

وبهذه المناسبة أبغي أهدي الحبيب مَثــَـلْ :

"ديل الكلب لم يتعدل ولو علقوا فيه قالب"

**روووز ماااري** · 2010-08-29, 15:21

المشاركة الأصلية كتبت بواسطة زم_قمر_ان

قصه حلووه وغريبه

والاطفال الصغار سبحان وااايد أذكياء

ويعرفون شو يبوون وبعد التربيه لهاا عامل كبير

صح ! حتى انا استغربت يوم سمعتها من الدكتور

تسلمين حبيبتي واسعدني مرورج ..

**alo0oya** · 2010-08-29, 15:26

هههههههههههههههههههههههه

نايس مجهز العده توم

اسعاف وشرطي خخخ

الموضوع: TOM & Mark والدكتور !!!

أدوات الموضوع

عرض

TOM & Mark والدكتور !!!

المزيد من آخر المواضيع من نفس القسم:

المواضيع المتشابهه

ولدي والدكتور

palmers antistrech mark >> ?

stretch mark

منو جربت mark