تجمع الي ما فيهم دم

**meme111** · 2010-08-26, 19:52

السلام عليكم
بنات ساعدوني انا عندي مشكله و خايفه منها و هي انه فيني نقص الدم و لاني اضعيفه ....
بنات فيه احد مثلي لاني تعبت الصراحه كل يوم يخوفوني على البيبي من ريلي و اختي و اخواني و بنات عمي حتى الي ما اعرفهم ..

صدقوني بنات احاول اكل قد ما اقدر بس هذي طاقتي ان زيدت بنفجر انا بعد بشر مو بالونه حتى البالونه تنفجر ..
وبغيت اعرف صج ايأثر على مخ البيبي ارجوكم طمنوني و الدكتوره ما اتقلي شي بس اكلي و اذا ما ارتفع عندي الحديد بيعطوني ابر ...؟؟؟:

اها وانا في الشهر السابع

المزيد من آخر المواضيع من نفس القسم:

**وردتبسم** · 2010-08-26, 20:18

الله يعينج اختي كثري من اكل الفواكه والخضار وكثري من الطماط وشربي ماء زمزم

**ام مـ2003ـايد** · 2010-08-26, 20:19

اولا بغيت اعلق على العنوان اللي مافيهم دم ^^

قصدج اللي عندهم انيميا عسب ماحد يقولنا دنتو بلا دم هههه

ونا بعد عندي انيميا وانا الحين على وشك ولاده ان شاءالله بأي لحظه ودمي تقريبا كان 8 ونص تخيلي واضطريت انقل دم لان الدكتوره قالت لي محتاجه دم لان ماحد يظمن ممكن تكون عمليه وتدرين اللي تربي وايد ينزل منها دم عسب جيه

وانتي بعدج بالسابع يعني عندج فرصه تكثرين الدم

انا قالي الدكتور الباطني اللحم يعني مب الدياي او السمك لا اللحم نفسها لو تاكلين كل يوم كل يوم بيكثر الدم والجرجير

قالي هالشيئين اللي بيكثرون الدم بس لان ماعندي وقت عسب جيه ركبت دم

ولا تنسين الفيفول تاخذين حبتين طبعا لو وصفت لج الدكتوره حبتين

وان شاءالله ربي يسهل ولاداتنا ويقومنا بالسلامه ويكثر دمنا ^^

**وفية حق زوجي** · 2010-08-26, 20:49

كلي فواكه الغالية وزيدي شوي من أكلج .. عشان البيبي حاولي تاكلين وجبات صغيرة كل فترة
والله يسهل عليج اإنشالله .. بالنسبة للحديد المفروض يكون عندج حبوب حق الحديد ونقص الدم أو شراب
كلي أكلات غنية بالحديد ..

**أمورة** · 2010-08-26, 20:58

الغاليه نقص الحديد في الجسم مب بس ضار للبيبي ضار للام بعد

لانه الام تنزف عند الولاده و اللي فيهم نقص حاد خطر على حياتهم

بخصوص البيبي ما يتعب وايد ان شاء الله لانه هو ياخذ مخزونج من الحديد

و النقص سكون في الام اكثر شي

و مب مهم كمية الاكل اللي تاكلينه حاولي تركيز على نوعية الاكل

يعني حبوب الحديد بروحها ما تنفع لازم تاكلين بعد الاكل اللي فيه حديد

مثل السبانخ كثري منها (خليهم يسوولج فطاير بالسبانخ مثلا)

سويلج سلطه شمندر مع روب مثلا (الشمندر معروف انه مصدر زين للحديد)

همممم

عندج بعد الجبده و البروكلي و الاوراق الخضرا مثل الخس و غيره

و اللحوم الحمرا

و غيره (سوي سيرج في غوغل)

مافي داعي تاكلين كل شي في وجبه وحده

لا جيه اكيد بتلوع حبدج و بتنبطين هههه

خلي في كل وجبه اكله غنيه بالحديد

بشكل يومي و بالتدريج بيزيد عندج الحديد و بيرتفع دمج

بس كثري من الفواكه و الماي و السوايل بعد عشان ما يصيبج امساك

و شي مهم ما تاخذين شي فيه حديد مع شي فيه كالسيوم لانه يبطل مفعول الكالسيوم

و ان شاء الله بيزيد دمج اهم شي نفسيتج ما تتعب لانه النفسية تأثر على استرداد العافيه

**meme111** · 2010-08-26, 21:35

مشكوراااااااااااااااات خواتي على الردود ...
بس عندي مشكله صغيره انه انا وايد استحي وانا ساكنه اف بيت اهل ريلي يعني بلمختصر استحي اقلهم سولي شي وو اتشرط عليهم مع انهم فديتهم طيبين وما بيردوني بس انا وايد استحي و هم اغلب اكلهم معجنات وما ايحبون السلطات ...وانا ما احب اللحم ..
عكس اهلي بس المشكله اهلي ف ايماره ثانيه غير ايمارت ريلي ...؟؟

**Dubai designer** · 2010-08-26, 21:47

حبوب الحديد تنفعج اختي اذا ما كنتي تاكلين .. انا وصفوا لي حبوب الكالسيوم لان فيني نقص بالكالسيوم و ما اداني اشرب حليب طازج على هذا الحمال ..
كلي خفايف اختي لا تكثرين .. وشوفي الدكتورة بشو تنصحج

**أم عبير..** · 2010-08-26, 22:35

اكلي الخضار والفواكة ألي تكون لونها حمرا وكثري من البنجر واايد
والمفروض الدكتورة توصف لج حبوب الحديد تاخذيتها مرتين باليوم

**حلوات الاهداب** · 2010-08-26, 23:08

بقولج على شي يرفع الدم بسسسسسسسسسسسرعه انا من زماااااااااااان كله 9 دمي والحمدلله قمت اكل البنجر الاحمر اكيد تعرفينه ووصل 11 ونص انصدمت بس ودرته الحين
لالالالالالازم سلطات وتبوله لازم على الغدا والعشا اذا تستحين خلي ريلج اييبلج من برع يشتريلج تبوله ,,, والبنجر عااادي الاكل ما فيه مستحى حبيبتي شو ي خاطرج دشي المطبخ وسويلج بروحج ما فيها شي ...

**أم محـمـد** · 2010-08-26, 23:48

المفروض تعطيج حبوب حديد الدكتوره ... لازم
حتى الحوامل اللي ماعندهم نقص ياخذون حبوب حديد

تعرفين تمر الفرض هذا كله حديد من ريحته بعد سبحان الله ...كلي منه بعد كل وجه تمرتين او ثلاث وان شاءالله يفيدج ... بس لا تكثرين اذا فيج سكر الحمل

**meme111** · 2010-08-26, 23:55

مشكورات فديتكم ..على المعلومات الحلوه ..
و عن احبوب الحديد وصفتلي اياه بس بعد مامنه فايده و بحاول اكثر من السلطات..

**ام رآشد** · 2010-08-27, 01:00

ما شاء الله الخوااات قالوا كل شي ابا اقووله وما قصروا ربي يعطيهم العافيه

حتى انا عااني من نقص الدم والدكتوره خوفتني ><
بس ربي يسهل الامووور

الموضوع: تجمع الي ما فيهم دم

أدوات الموضوع

عرض

تجمع الي ما فيهم دم

المزيد من آخر المواضيع من نفس القسم:

المواضيع المتشابهه

دايت دوكان dukan... تجمع .. تجمع .. تجمع ..

تجمع محبات الكروشيه والتطريز بالخيط وشرائط الساتان....تجمع دردشه ودروس

تجمع الي عيالهم فيهم توحد

تجمع للحوامل اللي فيهم سكري

تجمع حق ال MoMies الي عندهن بيبي بو 5 شهور وUpيالله نهتم فيهم مع بعض:التغذية:التربية