انصحوني...

[شعش]

اولا السلام عليكم ورحمه الله وبركاته..

انا اختكم ريم من الامارات واطلب النصيحه منكم واتمنا المساعده

انا متزوحه من 6 اشهر الان ومن اول اسبوع اكتشفت ان زوجي يعرف بنات وعنده علاقات,, لكن ما واجهته وقلت اكيج بيتغير لاني اعرف انه يحبني ويموووووت فيني.,, وانا نفس الشى,,

ولكن مع الوقت ولما شفت الموضوع زاد عن حده وشفت انه بينه وبين هاي البنت اتصالات ومسجات حب وغرام ما قدرت اتحمل وواجهته.. وبحكم انه يشتغل ف التحريات فالي انه هاي وحده من الشغل وانه اللي بينهم كله شغل وكلام الحب عباره عن شفرات سريه.. والصراحه ما صدقت.. ولكن طوفت السالفه..

بعد فتره لاحظت انه ما ييلس فالبيت وانه يحط رقم سري لجواله ودايما يغيره.. حتي علاقتنا السريريه اتغيرت واحنا تونا معرسين وهو ما يتقرب مني الا 7 مرات فالشهر او اقل.. ولما كنت اساله يقولي انه باجر دوام ويبا ينام مثلا ويراضيني بحضن وينام...

قبل شهر راح دوره عسكريه حجز 45 يوم وفى فتره غيابه لقيت جوال ف سيارته وشفت فيها مسجات قديمه من البنت اللي يقول انه بينه وبينها شغل.. وشفت صور وكلام حب وغزل وعرفت انها وحده من الماضي ولكن للاسف ما زالت موجوده ف حياته..



ما قدرت اواجهه من الصدمه وتركت له رساله والصور ورحت بيت اهلي ولكن ما شكيت لحد منهم ويلست بروحي افكر.. وبعد كم من يوم اتصل فيني وسالني شو صاير وشكله الاخت كانت مخبرتنه وقلت له من ترجع البيت بتعرف شو السالفه..

وفعلا.. اول ما قرا الرساله طرش لي مسج وقال انه هاي بنت من الماضي واحين ما بينه وبينها الا الشغل..
قلت له وكلام الحب اللي بينك وبينها؟؟؟ قال شفرات سريه
والصور؟؟ قال قديمه وما يدري انها موجوده
قلت له وتسجيلات الحب اللي مطرشنها حقها... قال ما اتذكر
ووووووو

قلت له متزوج غيري؟؟ قال انتي ما تعرفين كيف عذاب الضره (يقصد الزوجه ال2) ولكن هذا في علم الغيب ومحد يدري شو بصير..

شفتوا كيف ردوده؟؟؟؟ انصدمت فيها واااايد وعرفت انه كذاب ومراوغ وما عارفه كيف اتعامل وياه.. انا رجعت بيتي وهو رجع الكليه وبيرد البيت يوم الخميس وما عارفه كيف استقبله احس مالي نفس اشوفه او حتي اسلم عليه..
هو بيرجع من الكليه يوم الخميس وانا ما عارفه كيف استقبله.. هل اعامله بطريقه عاديه او اطنشه,,
انصحوني يا بنات..

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[غلآيهـ الشؤؤق]

السلام عليج ..

اختي طنشي الموضوع و لو حسيتي انه يجرحج اكثر بعد طنشي و اصبري الصبر زين و اذا شافج امطنشه اكييد بيستغرب و بيراجع نفسه انتي ليش امطنشتنه وليش وليش وليش الخ ..

اتحملي و اذا سألج عن شي مثلا ليش متغيره و جذه قوليله عارف تصرفاتك و راجع عمرك و اذا رجعت لي زوجي اللي انا اعرف انه يحبني صدق و ما يشوف ف الدنيا غيري انا برجع شرات ما كنت و احسن ..

اتمنى اني فدتج صح اني ما امعرسه بس الواحد يستفيد من الحياه ..^^

وربي يوفجج و يسخره لج و يخليكم لبعض ..

[* ام خماس *]

الله المستعاان00عزيزتي الرياال الي له مااضي يبااله وقت

يودر سواالفه 00المهم انه ماايخونج لان الزناا من المحرماات 0

نصيحتي لج انج تصبرين وبشر الصاابرين 00لا تخربين بيتج عسب مااضي

اعذريه مرة واثنين اذا صدق شغله في التحرياات لان متطلباات الشغل غريبه وسريه0

وكلي امرج لله عز وجل والله يأجرج ع صبرج ان شااء الله 0

واستغفري قد ماا تقدرين وادعيله سبحاانه والله يبعد عنه بناات الحرام0

الله يسخره لدينه ولج ويسعدج دنياا وأخرة ياارب

[البدوااوية]

ربي ييسر امورج

[سكره الامارات]

اسميني فطست ظحك لما قال عن كلام الحب انه شفرات بينه و بينها


شوفي مبين انه يحبها و ما ادري شو تعرفين الرياييل يحبون اللي مو عندهم يعني في قول ماثور عن علي بن ابي طالب بما معناه انه الريال لو كل حريم الدنيا صارن حلاله الا وحده بيشتهي هالوحده وبيعوف الباجي مع انهن حلاله


ف انتي تعرفين انه يروح لها سويله اكبر طاف و ادعي الله يهديه و يودرها و سوي اللي عليج حقوق و واجبات خليه ما يسترجي يروح لها او يتصل بها

لا تجيكين ع فونه تراهم ما يحبون ولا هو ب ياهل بيقول انا ريال البيت انا مب ماخذنج عشان تنبشين و ما ادري شوو

و الله المصلح و شوفي

اغلب البنات كل البنات رياييلهم يغازلون االا من رحم ربي

خليه بيعوفها بيرد لج !

[UmKhaloof]

"اللـه يهديــــه
اللـه يهديــــه
اللـه يهديــــه
اللـه يهديــــه"

[حياة القلوب]

اقولك شي بيكفي انه ساب الكل وتزوجك انتي معناها بده اياكي وهاي التانيه انتي بعقلك وحبك نسيه اياها وبهيك مواقف المناقشات والطوش وووو بتساعد الرجل يهج ويلاقيها ذريعه بس العذاب النفسي اقوى بكتير فاهمتيني لما يلاقي انك ما بتستاهلي اللي بيعمله فيك بيرجعك وما بيفكر في حد غيرك توكلي عالله وعذبي ضميره حسسيه انه ظالمك حسسيه انك بتحبيه وانه هو مقصر معك وادعي ربنا يهديه يارب موفقه

[فتاة ليبيا]

اصبري وصبرك بالله


وفي الشهر الفضيل ادعيله بالهداية وان يعصمه الله عن الحرام والفواحش

[فرح راكـ]

بس انتي ليش طلعتي من البيت كيف تطلعين من بيتج
حتى لو كان موجود

تقدرين تخلينه يتم متعلق فيج ويحبج بجنون

عندي لنك لوحده من الخوات اذا حصلته بحطه

برب

[فرح راكـ]

تفضلي اختي

http://forum.uaewomen.net/showthread.php?t=779682

[دلووعتهم]

الله يهديييه ان شاء الله

[نجمة الفجر]

الله يعينج......أصبري ترأ الصبر زين.

والله يهديه

[شعش]

والله يا بنات انكم ما قصرتوا ومشكوررررررين وااااايد على ردودكم اللي اتريح النفس.. وفعلا انا ناويه اطنش واشوف شو اخرتها.. والله يصبرني ويهدينا جميعا..

وردا على الاخت اللي علقت على موضوع تفتيشي لجوال زوجي فانا اشوف انه هو السبب اللي خلاني افتش وراه.. وما فيه دخان بدون ناااااااااااار..
ولكن من اليوم ورايح ما راح افتش والله يصبرني ويصلحنا..

اختكم ريم

[silent soul]

الله يعينج و ييسر امورج

[دوا العوق]

---استغفرالله---
---استغفرالله استغفرالله---
---استغفرالله استغفرالله استغفرالله---
---استغفرالله استغفرالله استغفرالله استغفرالله---
---استغفرالله استغفرالله استغفرالله استغفرالله استغفرالله ---
---استغفرالله استغفرالله استغفرالله استغفرالله استغفرالله استغفرالله---
---استغفرالله استغفرالله استغفرالله استغفرالله استغفرالله ---
---استغفرالله استغفرالله استغفرالله استغفرالله---
---استغفرالله استغفرالله استغفرالله---
---استغفرالله استغفرالله---
---استغفرالله---



الله يكون بعونج والله ><

والله يصلح ريلج ويهديه