صدمة ربيعتي

[شوج القلوب]

بنات اب احكيلكم سالفة ربيعتي ...فديتها تموت على ريلها وتحس وايد يحبها وتحسد نفسها علية وفي يوم من الايام قاعدة ع النت وخطر في بالها تسوى مقلب فية وتختبرة على الايميل المهم طرشت لة ايميلي ان هى وحدة تعرفة وتبا تتعرف عية الصدمة شو رد

اوكي الغالية حاب اتعرف وتم يطرش ايميلات ان ما ممرتاح مع زوجتي واحسد اخواني على زوجاتهم وياليت اتعرف عليج عشان انا كم مرة هددت زوجتي ان ازوج عليها والمسكينهة مصدومة من هالكلام هو ما يعرف انه يراسل زوجتي

المهم قررت انه ما تخبرة بس لما رجع من الدوام ما قدرت تستحمل انفجرت في وجة تصيح وصارحتة بالموقف انصدم وصارت خلاف بينهما لو مارحمت اللله كان بيوصل للطلاق المهم تموا فترة ما يكلموا بعض والاحين تراضوا بس بعده الموقف مب راضية تنساه


شو رايكم بالموقف يمكن هى غلطت انه اختبرتة بس هو غلط انه ما رحم زوجتة وبصراحة تقولي ما صارت تصدق كل كلمة حلوة يقوللها ...

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[حلوه وقموره]

حرام والله موقف صعب بس اكيد الكلام الي قاله مب صحيح بس جذبه

عشان يستدرج البنت الي يبا يتعرف عليها فلا تحط ببالها بس كان يلعب على الثانيه باكاذيبه

وغلطتها انها واجهته وماستمرت وعرفت لوين يوصل وكيف تصلح وتكرهه بهالطريج بطريقتها الخاصه

وايد غلطت بالمواجهه مرات توصل للطلاق وخاصه لو بوقت غلط تخسرين كل شيء

وهي تعرف ريلها تاب ولا بعده وتحاول تنسى الماضي وكل انسان يغلط ولاتحرم عمرها من السعاده وتصدقه

[ALDALOA]

يحليلها الله يعينها الرياييل ما انعرف شو يبون ومايحمدون ربهم بالي عندهم .

هي صح غلطت انها قالت لو صبرت احسن .. بس بنفس الوقت من قهرها الله يعينها .. وان شاء الله يردون نفس ماكانو واحسن ...

[فطمطم2008]

يالله صدق صدق صدمة الله يهون عليها وينسيها الموقف وان شاء الله زوجها يكون تعلم من هالموقف

[أم توتة]

الله يعيييييينهاااااا

[Pheno-m-enon]

كم مرة نقول خل الحريم يودرون عنهم هالحركات
دام الريال يحبها و يعاملها زين..!
و هي تفتح عيونه ع اشياءه يمكن مب ف باله..!
و الله شي حريم عقلهم صغير

[Miss.MOD]

هي غلطانة المفروض انها ماكانت تختبره ... شو استفادت اللحين ؟؟؟

الله يهديهم ويرد شملهم شرات قبل ان شاء الله

[Pearl jumeira]

حرام والله موقف صعب بس اكيد الكلام الي قاله مب صحيح بس جذبه

عشان يستدرج البنت الي يبا يتعرف عليها فلا تحط ببالها بس كان يلعب على الثانيه باكاذيبه

وغلطتها انها واجهته وماستمرت وعرفت لوين يوصل وكيف تصلح وتكرهه بهالطريج بطريقتها الخاصه

وايد غلطت بالمواجهه مرات توصل للطلاق وخاصه لو بوقت غلط تخسرين كل شيء

وهي تعرف ريلها تاب ولا بعده وتحاول تنسى الماضي وكل انسان يغلط ولاتحرم عمرها من السعاده وتصدقه

[* ام خماس *]

لا اله الا الله00تدرين ان اغلب الرياييل ماا عندهم هالسواالف

لكن تصرفاات الحريم تخلي الشيطاان يغلب الرييااال ويغلط0

الله يهديهااا هي ادرى بريلهاااا ومعااشرتنه فماا أضني من مقلب

رااح تهدم بيتهاااا الحرمة اذكي من هالحركاات ^_^

الله ايسر امورهاا ويسخرهم لبعض ياارب

[دلوعه فزاع]

الله يهديهم ويسخر لها ريلها ويمكن ماكان قاصد يقول انه مب مرتاح الا عسب يجذب اهتمام البنت وتتعرف عليه

[قلبي نفسي]

والله الشيطان قص عليها وخلاها تسوي هالمقلب

وكلام زوجها طبيعي لان الريال دوم يطلع عمره مظلووووم

يا انها تنسى ...او تراجع نفسها وتشوف اذا تقدر تعيش من دونه ..,,؟؟؟ بس انها تشك وما تصدق تراه يحس
ودامه
الريال زين ...لا تخلي الشيطان يدخل من بينهم لانها في الاول والاخير هي الي دورت وراه

يمكن كان اول مره يرد على وحده وياه فضول ..لا تخلي لشيطان مجال من بينهم

[العوف]

الغلط منها

[أكسر الخاطر]

لايستوي عقلها صغير

ترى المتزوجين جيييييييييه

يوم ايون يتعر فون يقولون نحن مب مرتاحين ويا حريمنا وانها مقصره فيه وايد وايد وايد وانها ماتهتم بعمرها ولا فيه

ومن هالكلام

عشان البنت تصدق وتحبه ويلعب عليها ويفرها عقب يوم ايي موضوع الزواج


لاتزعلين ولا شي

اصلا انتي الغلطانه

حركتج تزعزع الثقه بين اي زوجين لانج فتحتي باب شك ولانج سويتي حركه يمكن هو يسويها من عقبج ولانج عطيتيه اشاره انج راعية سوالف وحركات يعني انتي الغلطانه اميه بالميه

ولازم تصلحين غلطتج معاه وتكونين اوكي وعاد لاتقصرين بسوالف الحريم عل وعسى ينسى والله يسخركم لبعض

[Perfetto]

بصراحه .. حريم هالأيام طالعين لنا بطلعات غريبه !!
شو استفادت الحينه يوم اختبرت ريلها .. دامها تحبها .. ليش ما تثق فيه !!
عيشه بدون ثقه مستحييييل تكون مثاليه .. مايحتاي أنا أيلس أدور من وراه .. وكل همي أستوي مخبرة جنائيه عشان
أنبش في جانبه الثاني عشان يطمئن قلبي .. ياما حريم دمرن حياتهم بإيدهم ..
يقولون الغيره القاتله من الريال تذبببببح .. إنزين وإلي يسوونه بعض الحريم شو .. مب غيره قاتله من خاااطر !!


الله يهديها ربيعتج .. ويوفقها في حياتها ..

[أسامي88]

اكيد الي قاله جذب !! و مب صدق

يعني دايما الحوارات الي تستوي ما بين الفتاه والولد !!

يخرطون على بعض

يقول عمري ال25 يطلع شيبه مال 40 ولا يطلع عمره ال16 سنه

يقول عندي بوورش كااين و يطلع عنده كامري موديل يدي

يقول بيتنا ما 3 طوابق هناكــ ما عندهم حتى حوش بالبيت .!

ونفس شي البنت !!

ونفس الشي ريل ربيعتج
خرط ،، بس عسب يستدرج البنت
حشى من اول مره
قالها والله مب مرتاح وماعرف شوو من هالرمسه
عيل من المره ال2 شوو رده فعله !!

وربيعتج الله يهديهها ،، وين وين عايشه تستخبره !!

حد يستخبر الريال بعد الزواج !!

لو نقول قبل الزواج،،! ترتبط ولا ما ترتبط فيهاا

قوليها شو استفدي عقب الاختبار

و اقط اللوم عليج اختي كوونج ربيعتها

وين كنتي و ليش ما نصحتيها !!


شوو اقول بس

مرات والله متزوجات يفتحون عليهم بيبان ما يرووموون يسدوونه


انتوا الحينه معرسات و لكم خبره !!

لازم اتون تعلموونا نحن كيف نتصرف بالحيااه مب نحن علمناكم
الله يهديكم بس

و ياليتها كتمت الغيظ ما خبرت ريلهاا !!

نبينا يعقووب يووم شلووه ولده عنه !! سوا شي كفخ عياله ذبحهم جتلهم !! سكت

ابيضت عيناه وهوكظيم ،،!!!

وكل امره لرب العالمين ،،


متى بتعقلوون ياا حرييييييييييييييييم

متىىىىىىىىى !!