بنات زايد فزعتكم

**سموالاميرة2200** · 2007-06-11, 13:57

:22 (13):

حبايبي بنا زايد انا احب الامارت حيل واموت فيها وخصوصاً شيوخهم الله يطول في عمارهم

انا جايه الامارات في الصيف بس جوله في دبي وابوظبي والشارجة والعين

انا كل شئ يخص السوق ....مثل محلات عبايات مصممات اماراتيات للعبايات

خييايط واخر موضات الجلابيات عندكم ومحلات الاقمشة الفخمة مثل فيرونا في مركز الغرير

احذيه فساتين شنط عطورات بخور اكسسورات محلات ساعات مستعمله استعمال خفيف مثل رولكس

وآبل الماصات اماكن ترفيهيه للعائلات

وانتم طبعنا ماتقصرون

المزيد من آخر المواضيع من نفس القسم:

**بنت بوظبي** · 2007-06-11, 16:18

اختي حياج الله بيننا
محلات العبايا الحلوة في معظم المراكز مثل بوهيل وعندج حناين وإليت ومنى الشامسي
محلات القطع فيرونا وهتون وشارع الرقة
الجلابيات عند بيناس والبيت البحريني
هذا اللي اتذكره حاليا واتمنى البنات يفيدونج

**سموالاميرة2200** · 2007-06-12, 09:54

هتون و بيناس والبيت البحريني في وين حياتي ؟

**سموالاميرة2200** · 2007-06-12, 10:30

آف يابنت زايد !!!!!!!!!!!!!!!!!!

**f6aim** · 2007-06-12, 10:58

هلا حبيبتي وحياج الله بينا..

انا بعطيج معلومات عن دبي وبنات الامارات الثانيه ما بيقصرون معاج انشاء الله..

شوفي حبيبتي اذا تبين محلات عبايات مالج الا مركز بوهيل في الغالي وفيه الرخيص انتي وذوقج
وفي مصممات مواطنات منهم مها خان ابتسام الدرمكي ونوره الهاشمي وميثاء العبار وماشاء الله البنات النبدعات وايد.. واذا عن ارقامهم تقدرين تدخلين مواضيع البنات في وايد حاطين معلومات عنهم..
وبالنسبه للخيايط اختي اذا تقصدرن للجلابيات ( المخورات ) وايد في في منطقه في ديره اسمها فريج المرر هذي كلها خيايط للمخورات وفيه في سوق نايف بعد.. بعد في نفس المنطقه بتلقين محلات للقطع بس اذا تبين شي غالي مالج غير مركز الغرير هذا تخصص قطع لجميع المناسبات وفيه بعد محلات اكسسوارات و نعول الله يكرمكم وايد واختي بالنسبه للاشياء الثانيه تراها متوفره في كل مركز فدبي مول الامارات برجمان ستي سنتر دبي فيستفال ابن بطوطه ( هذا صدق بتوهين فيه ) ^_^ وفي كل مركز بتلقين مراكز ترفيهيه ولا تنسبن انج بتين في فترة المفاجات يعني بتلقين التسليه في كل مكان.
انشاء الله قدرت افيدج واذا عند اي استفسار ما ايردج الا كيبوردج ^_*

**مجهولة الهويه** · 2007-06-12, 11:18

الغالية

في الشارجة عندج مصممات عبي وايد
مثل نجلا الغانم، أم سلطان، أمينه عسكر.
وفي عندج محلات في السوق الجيديم تقدرين تشترين جاهز أو تفصلين وأسعارهم رخيصة.

أما محلات الأقمشة فبتحصلينها في السوق المركزي وفي مركز السور.

أما بالنسبة للمخاوير عندج في المنطقة اللي ورا سوق المجرة عند مسجد بن درويش.. وفي بعد عندج في السوق الجديم تفصيل وخياطة.

السناتر اللي موجودة في الشارجة شوي:
مركز صحارى وبتحصلين فيه كل اللي تبين من نعول وقطع و شنط ولبس جتهز وغيره....

مركز الميغا مول مثل صحارى بس فيه محلات أكثر مثل:
مانغو وزارا والجعيدي و باريس غاليري و ناين ويست ونعومي ولاسنزا واليشمك و محلات الفساتين الجاهزة ومحلات ألبسة الأطفال وغيرها.....

السفير مول فيه شوية محلات وهي محلات عادية وبتضيعين وقتج فيه عالفاضي..

مركز التعاون نفس السفير مول..

مراكز ترفيهيه ما عندنا وايد....
عندنا منتزة الجزيرة وألعابه عادية ومن زمان ما غيروا في الألعاب.... عندنا متاحف وايد وعندنا مركز الاستكشاف والمتحف الصحراوي (مركز حيوانات شبه الجزيرة العربية)....

هذا كل اللي يحضرني الحين.....

**سموالاميرة2200** · 2007-06-12, 11:23

حياتي انا جيت دبي اكثر من مرة وجد وايد احبه وتشرح الخاطر

ابو الهيل ماعجبني وايد عباياته والغرير محل فيرونا راقي وايد

والمجمعات معروفه انا اقصد مثل مصممات مااعرفهم ممكن دزين

رقمهم على الخاص وفيه محل اسمه سنشري للفساتين ابي اعرف

في وين بدبي وابي محلات راقيه للاطفال

**ام_سيف** · 2007-06-12, 11:40

الامارات كلها حلوه

**سموالاميرة2200** · 2007-06-13, 13:01

فديتكم يابنت زايد .................................. وينكم

**روعة الوجدان** · 2007-06-13, 15:27

مرحبااا فيج حبيبتي إذا تبين فساتين جاهزة بتحصلين في مركز البستان بدبي

ومركز صحارى بالشارجة والأقمشة الراقية بتحصلين بشارع الرقة بدبي

ومركز البستان بدبي والعطورات والبخور بتحصلين عند محل اسمه علياء القمر

ومحل الياسات بسوق الحمرية بدبي .. ومحلات الأطفال بتحصلين في كل المراكز

الإمارات مول ومركز برجمان ..

مدينة العين مافيها غير مركز الجيمي ومركز العين مول بتحصلين فيهن

كل المحلات تحت سقف واحد ..

في محل اسمة (( موزان )) بشارع خليفة عندهم شيل وعبي حلواات ..

**سموالاميرة2200** · 2007-06-17, 11:49

موزان في وين حياتي

وسمعتي عن محل اسمه سنشري في دبي

الموضوع: بنات زايد فزعتكم

أدوات الموضوع

عرض

بنات زايد فزعتكم

المزيد من آخر المواضيع من نفس القسم:

المواضيع المتشابهه

فزعتكم بنات زايد

فزعتكم يا بنات دار زايد

فزعتكم بنات زايد