أبا أساعد بس مب مطمنة

[قصة]

السلام عليكم


في موضوعي هذا أنا أبا رايكم ومشورتكم يا متزوجات

زوجي نوعا ما اتكالي
ما يشتغل حاليا كونه يدرس
دخل سوق الأسهم بمبالغ بسيطة يبيع ويشتري (يلقط رزقه يعني)
حاول يتسلف مبلغ 200 ألف من كم من شخص على انه يرهم له عقب سنة
انا خلال فترة شغلي ولين اليوم جمعت لي مبلغ بسيط وحاطة في بالي أسوي مشروع صغيييييير لأني احتمال استقيل واتفرغ للبيت وفي نفس الوقت أبا يكون لي دخل خاص فيني دون الحاجة لزوجي
هالمبلغ أفكر أعطيه زوجي بس متردده وايد
لأني وايد سمعت عن الأزواج اللي ساعدوهم زوجاتهم آخر شي خانوهم سواء بأخذ الفلوس والاحتفاظ فيها على اساس ان المال واحد، أو انهم ما قدروا تعبهم ووقفتهم معاهم وتزوجوا عليهم،
ترا قهر إذا أنا أوقف وأكافح وأصبر عليه وآخر شي عشان زلة مثلا مني او شي ما عجبه فيني يتزوج علي ،، يعني أهون الزوج يتزوج على الوحدة لو هي ما وقفت معاه وصبرت عليه،

عموما أنا أبا رايكم هل أعطيه المبلغ اللي انا جمعته بدل رفض الناس تسليفه؟؟ أو أطنش ما أخبره؟؟ هل أغامر أو أعطيه وأنا متطمة؟؟

أكيد وايد منكم بيقولون زوجج وانتي أدرى بطبيعته بس انا متأكدة ان في حريم عايشين سنين ويا رياييلهم ولا يدرون ان ريايلهم يخونون او ما يعرفون كل شي عنهم ،، فشوا رايكم يا صاحبات الخبرة؟؟

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مـبدعة طموحة]

امممممم صح انه مالي في هالامور .. بس من لي اشوفه واسمعه انا برايي لا تعطينه .. مع انه مفروض انه ريلج وتساعدينه .. بس العوق انه يبا البيزات عسب لاسهم والاسهم يوم تحت ويوم فوق واذا يت هالبيزات في يده بيلعب فيهن ويمكن تستوي اشيا انتي ماتبينها !
انا اعرف وحده عندها مشالله وريلها طط .. المهم حبت اتساعده وماقصرت شرتله سياره وعطته بيزات بس شو !! ماتزوج عليها بس بدى ياخذ من بيزاتها كل شهر ويعطي حق هله ويلعب ويسهر في القهوى وقام يطنشها !!!! لبسها ! ولا قدر هالشي ابد واغلبية الرياييل جيه ! هوب كلهم بس الاغلبيه
بالبادي يراوييها انه ما بينسالها هالجميل وخلاف .........................،
شو رايج انه معاشها احينه ياخذه كله ويعطيها مصروف منه !!!!!!!!!!!!!!!!!!!!!!!!!
يعني يوم اقولها ليش ما تاخذيلج بوك ماركه ولا شي هالشهر شرات قبل لا تعرسين ؟ تقول الحاله صعبه !!!!!! اي صعبه ومعاشها 10 ؟!! تقولي مصروفي خلص الشهر الياي انشالله !!!!!!!!!!!!!!!!!!
تخيلي ؟!!!
والحينه ماينفع الندم عندها عيال وخلاص عودته على هالشي

تبين نصيحتي لا تعودينه .. واذا تبين تعطينه لا تعطينه كل لي عندج .. والسموحه منج

[نــــوره]

الخوف مب من الزوج

الخوف من السوق

الأسهم يوم فوق و يوم تحت

و لا أنتي لج الأجر بمساعدتج زوجج إن شاء الله

أختي صلي صلاة الإستخاره و الله بيسر لكم الي فيه الخير بإذنه سبحانه

[3ali_mustwaha]

مادري اختي بس الصراحه لو انا مكانج صح مابعرف شو اسوي لو انه ريلي بس لازم افكر شو بيصير عقب .. واللي اسمعه واشوفه من الناس ان الريال لو عودتيه على هالشي باجر مابيسويلج سالفه وكله بيطلب منج فمن البدايه لا تعودينه وتعورين راسج وعقب مايفيد الندم ولو انج واثقة فيه بس والله الرياييل ما منهم امان موول مش كلهم بس انا اقولج

[ليالي_العين]

مرحبا اختي ... انا ما عندي خبرة بس بقول رايي

انتي بتعطينهم ريلج اللي يباهم للسوق

السوق ماله امان واللي يعق فلوسة بالسوق .... لا يتريا انهن ينردن


يعني انت حطيت فلوسك بالسوق لازم تكون فلوس زياادة عندك مب محتاجها او مبلغ صغيير .. لأن احتمال ينردن واحتمال لا


فحرام شقى العمر يروح بيوم وليلة مع الاسهم ... سويلج مشروع صغير انتي وريلج والله يوفقكم ويطرح البركة بفلوسكم وتزيد

[المتفائلة]

وعليكم السلام و رحمة الله وبركاته
أختي العزيزة أول شيء أنتي لازم اتعرفين ريلج هل هو محل ثقة أو لا و شو هي طبائعه و أهم شي في هذه الأمور الثقة الحقيقية لأن انتي أكيد متزوجة من سنوات و مجربتنه في عدة أمور و إذا هو مب محل ثقة و اتكالي مثل ما اتقولين و يلعب بالفلوس لا تعطينه و أحسن لج اتسوين لج مشروع تنتفعين منه .
الله يوفقج و يديم السعادة بينج و بين ريلج و يوفقه لعمل الخير

[أم سيفوه]

بالعكس يالغاليه هذا زوجك اعتبريه امج ابوج صديق وكل شىء شرات ماحافظ عليج من كل شىء ماخلج تطلبين من اي حد عطيه الغاليه ..صدقيني لاتحطين ابالج موب كل الازواج شرات بعض انتي يمكن عطيته هالمبلغ البسيط يسويلج كل اللي انتي بتطلبينه اصلا اغلبيات الازواج يستحون يوم يأخذون من عند حريمهم ...فانتي ياختي كوني أحسن عنه .صدقيني هذا زوجج اذا مابتعطين حق زوجج بتعطين حق منووووووووووو ...يرضيج يطلب من حد

[لعيون الغالي]

احسن لج وله ولزواجكم انج ما تعاطينه ولا تخبرينه انه عندج فلوس اصلا ...مب عشان شي بس ها ياثر فعلاقتكم ونفسيتكم انتي وهوه بعدين...وها قاريتنه عند اخصائيه اجتماعيه

[قطوه_دلوعه]

انا من راايي لا تعطييينه مب عشانه هو...لا طبعا....بس لإن السووووق 70% خساااره


وحراام تضيعين فلوووسج ف ثانيه

^_^

[P u r e]

لا تعطينة ولا تخبرينه إنه عندج فلوس

صدقيني بتندمين مووووووووووت

وعقب ما بينفعج الندم

[3yo0on_Al_Maha]

نصيحه مني بيزاتج داري عليهن ..الرياييل ما منهم أمان..
لأني أعرف وحده ريلها مر بضروف ماديه عصيبه لدرجة أنه باع سيارته..وطبعا هي ما قصرت ..باعت اللي وراها وجدامها عشانه وخذتله سياره من غير مصروفه اللي تعطيه لأنه هو مديون...


وألحين بشو يجازيها..















يكلم بنات ويواعدهن..ويكلمهن من بيزاتهاااا....كل مره يقولها طرشي لي رصيد.....


المهم جكته وعرفت كل شي عنه وعن سوالفه....


فالحين طنشته وماتعطيه شي...وويالسه اتوفر بيزاتها....نصيحه الريايل مامنهم امااااااااااااااااان ...يودي بيزاتج احسن لج والمستقبل جدامج ماتعرفين شو يترياااااااااااااااج

وهذي تجربه واقعيه..وانا اقولها عشان كل وحده تعرف وتدارك الامر..

[el_nood]

انت تقولين زوجج اتكالي00 انت جذي تساعدينه يكون اتكالي أكثر00 وعلى فكرة كثير من الرجاجيل يكره ان حرمته تكون أنجح منه بدون ما هو يحس 00 وأوضح علامة لتفوقج عليه هي انج تساعديه ماديا00 يعني انك تكونين اليد العليا عليه حتى لو قال لج شكرا00 والدليل أن الله خلى الحرمة تابعة لزوجها في كل شئ إلا الأمور المادية00 هذا رأيي والله و أعلم

[غزلونه]

حبيبتي ما لج إلا صلاة الاستخاره، والله وياج

[Om 7aMda]

انت مب مجبورة تعطين زوجج الفلوس ولاحتى فالشرع يقدر زوجج ياخذ الفلوس ولا يمد اييده على ربع
اذا انت حابه تساعدينه كان بها بس اذا انت منب حابه خلااااص
وبما انه هو اتكالي ويدرس نصيييييييييييييييحة لاتعطينه لأنه بيتعود على الاتكاليه دايما
و هالكلام اقولج اياه عن خبره لأن واحد من الأهل نفس الشي

والاتكاليه هاي ما نفعته

وخليه يشتغل عشان يحس بمعنى العمل والشغل والتعب
مب ياخذ الفلوس على البارد
وفلوسج خليهم لج حق اليوم الاسود..

والله يفرجها

[أمووون]

انا مب متزوجة بس بصراحة وايد امثله جدامي تخليني يوم اعرس مافكر اساعده أبدا...

احسن لج لا تعطينه.... ولا تطريله... هاي بيزاتج ومن حقج... لو عرف انه عندج بيزات واستبخلتي عليه بينقهر وبيقول انا يوم عندي ماقصر (مب بكيفه يقصر لأنج ملزومه منه) بس يوم ما بيعرف خلاص... الشر راح..

لا تسوين حق نفسج موضوع من لا شيئ.... ريحي اعصابج

ان شاءالله الله بيسهل عليه وبيخلص دراسة وبيشتغل... ومجرد تفكيرج بمساعدته هذا يبين معدنج وطيبة قلبج...

خلي الأمور المادية بعيده عن علاقتهم لأنه عقب صدق بتتحسس علاقتكم.... وبيتم هالشي مثل الجدار ويمكن يسوي شرخ في علاقتكم....

انا قلت رايي وانتي عليج التفكير بجدية... لا تفكرين بمشاعرج فكري بعقلج...

الله يوفقج ان شاءالله