مشكلة أمي؟

[فصول]

السلام عليكم ورحمه الله وبركاته

انا عرضت كذا مشكله فالمنتدى ولله الحمد لقيت الخوات ما يقصرون عسى ربي يحفظهم.

علشان جذيه ابا احط اليوم مشكلة أمي ( عسى ربي يهديها) - امي يا بنات مادري كيف اقولها لكم بس تستعبد الخدم يمكن تحسون اني ابالغ بس والله معاملتها للخدم مب تعامل بشر: يعني لازم على الساعه 5 الفجر يكونوا قايمين الرقاد يكون تقريبا على الساعه 12 بالليل (هذا بعد محاضره من اخوي علشان تسمح لهم انهم يرقدون) - والله يا بنات مع ان بيتنا ما فيه يهال يعني كلنا كبار وانا وخواتي ما نحب ان الخدم يدخلون غرفنا حتى اخواني الاولاد يعني ما في شغل بس تقومهم من الراقد حتى لو ما في شغل عندهم او يسونه بس بتخترع لهم شغل من تحت الارض - من ناحيه الراتب والاكل امي مب مقصره بس اللي يذبحني فيها تعاملها معهم - تهزبهم على اتفه الاسباب مع ان الشي ما يسوا بس امي تسوي السالفه كبيره ومرات تزعل وتروح بيت خالتي ليش لاننا رمسنا معها او دافعنا عنهم - مع انها تداريهم اذا مرضن تحثهم على انهم يصلون الصلاه بوقتها اشترت تيلفون خاص بس علشان يعرفون يرمسون أهلهم

أحكام أمي:
طبعا الخدم ممنوع يقعدوا ويانا ( اذا كنا بنات أو اولاد)
ممنوع يقعدوا يشوفوا التلفزيون ( معنا أو بدونا)
ممنوع يسولفوا ويانا
ياويلهم اذا سألتهم امي عن شي أو غرض وما عرفوا الجواب (حرب عالميه تصير)
ممنوع يغسلون ملابسهم بالغسالات ( على ايدهم)
ممنوع الوحده منهم تتطول فالحمام (الله يعزكم) أكثر من 10 دقايق


مثال ( امس كلنا كنا في المطبخ (بدون الخدامات) سألت امي وينهم ما جاوبتني سألت اختي قالت ان امي قالت لهم يظهرون برع استغربت ليش ؟ قالت اونه ما تباهم يقعدون معنا لان المطبخ بارد ( علشان المكيف) وهي مخلتنهم برع بالحر حتى انها لما تظهر تبند المكيف علشان ما يتبردن عليه الخدامات - لما واجهة امي قالت لي والله في بلادهم ما عندهم حتى مروحه ليش نحن نبزيهم - ولما قلت لها ان اللي قاعده تسوينه حرام وله حساب عند رب العالمين زعلت حتى ما رضت تفطر

والله يا بنات اني دوم اذكرها بأحاديث الرسول صلى الله عليه وسلم وقول الله عز وجل بس تقتنع ساعة وبعدها ترد على عادتها

لا تتخيلون ان امي وحش كاسر والله العظيم مافي احد بطيبة قلبها بس ليش تعاملها جذيه مع الخدم مادري

دخيلكم يا بنات انكم تلاقولي حل لأمي - والله ان قلبي يعتصر لما اشوفها بهذي الحاله
انصحني شو اسوي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[(فراوله الحب)]

الله يهدييها بس ويخليها لكم ممممممممممم والله مااعرف شووو اقولج مهما كان هذي امج ماااتقدرين اتسوين اكثر من النصاايح لهاا حااااولي اكثر نج تذكرينها بالاحاااديث اووو قصص وقولي لها انهم هذيل ناس مثلا يحسوون والله بيعطيج اجر ع التعاملج الزين والطيب لهم

والله يهدييها ان شاء الله

[بنــuaeــت]

والله يا اختي ما اعرف شو اقول لج

الله يهديها ويحنن قلبها على الخدم

دام انها مب مقصرة وياهن في أي جانب

بس هالجانبو اايد مهم

شوفي هي تتقبل الكلام من منو ؟؟؟؟

كلموهو خلوها يرمس امكم بالاسلوب الحلو

والله يهديها ^_^

[ام سالم 79]

اويييييييييه ..وايد ...

انصحيها اختي ...واذكريلها قصة انس بن ملك خادم الرسول ..الذي قال عن الرسول

قَالَ: فَخَدَمْتُهُ عَشْرَ سِنِيْنَ، فَمَا ضَرَبَنِي، وَلاَ سَبَّنِي، وَلاَ عَبَسَ فِي وَجْهِي.

[ام مـ2003ـايد]

ياربيه معقوله في حد جيه

ياختي مهمن كانو هاييلا بشر من لحم ودم قولي لها تخلي نفسها مكانهم يعني هم يايين من حايه ومن ظروف صعبه تاركين عيالهن واهاليهن ومتحملات التعب والشغل والكرف ليل نهار عشان شو !!

ذكريها بقصص النبي وتعامله مع الخدم انه ماعمره قالهم ليش ماسويت وليش سويت وكيف كان يحن عليهم وكان هو يساعدهم

يعني والله من كلامج غريبه هي طيبه وحنونه مع ها قااااسيه ياختي والله حراااااااام حرااام عوروا قلبي هالخدم

الله يهديها ان شاءالله انتي كل اللي عليج تشترين كتب عن تعامل الرسول عليه الصلاة والسلام والصحابه مع خدمهم وانه كلكم راع وكلكم مسؤول عن رعيته وعلى ماظني مسلمات يعني المفروض تحن عليهن وترحمهن وتتقي الله فيهن

والسموحه منج

[cute uae]

ياربيه معقوله في حد جيه

ياختي مهمن كانو هاييلا بشر من لحم ودم قولي لها تخلي نفسها مكانهم يعني هم يايين من حايه ومن ظروف صعبه تاركين عيالهن واهاليهن ومتحملات التعب والشغل والكرف ليل نهار عشان شو !!

ذكريها بقصص النبي وتعامله مع الخدم انه ماعمره قالهم ليش ماسويت وليش سويت وكيف كان يحن عليهم وكان هو يساعدهم

يعني والله من كلامج غريبه هي طيبه وحنونه مع ها قااااسيه ياختي والله حراااااااام حرااام عوروا قلبي هالخدم

الله يهديها ان شاءالله انتي كل اللي عليج تشترين كتب عن تعامل الرسول عليه الصلاة والسلام والصحابه مع خدمهم وانه كلكم راع وكلكم مسؤول عن رعيته وعلى ماظني مسلمات يعني المفروض تحن عليهن وترحمهن وتتقي الله فيهن

والسموحه منج

الله يهديها ويحنن قلبها على الخدم

[دمعة غـلا]

نفس المشكله كانت عدنا ف البيت ... بس الحين الحمدلله انحلت ...
يمكن اقولج شي بس ما بتقتنعين بكلامي ... ترا الغيره اتسوي جذي ... يوم امج اتشوف انكم ادافعون عنهم ...
واتسوون للخدك كل شي ... وفي نفس الوقت انتو مب مقصرين مع الوالده ...
قتلج هالكلام لان هذا الي كان حاصل ف بيتنا بس الحمدلله انحلت المشكله ...

[فصول]

تسلمن والله يالغاليات عسى ربي يوفقكم للخير يارب

ومن ناحية الاخت اللي قالت اشتري لها واحكي لها قصص عن الرسول وكيف كان تعامله مع الخدم والله اني سويت شي مثل المكتبه الصغيره بس علشان افهم امي واوضح لها ان اللي قاعده تسويه مب زين بس هى حاطه في بالها ان هذا كله بزا للخدم

[monana]

مساكين الخدم يتركون اهاليهم وعيالهم وريايلهم ويون يدورون الرزق وفي ناس يستعبونهم....ليش كل هالحوادث وغيرها من بلاوي..تراها من حوبة الفقير ... خافوا الله ياناااااس...خافوا الله

[سكره الامارات]

شي وايد ناس جذي و ان رمستي ما عيبتهم الرمسه

خلي حد يرمسها حد فاهم عاجل عشان ما تتحسس بعد ...

[ام سالم 79]

كلمي امج بطريقة غير .............يعني قوليلها :انا اقول هالشي عشانج امي ..الشغالات يولن ..برايهن ..بس عاد اذا جي عاملتيهن انت الي بتأثمين ...واحنا هذا الي يهمنا ..مب الشغالات ما يهمونا في شي .......انت تاج راسنا وانت كل شي في هالبيت .......(رتبوا كلام من عندكم ولا تحسسونها بشكل سلبي .....
والله يوفقج ......

[فصول]

عسى ربي يوفقكم يارب

وتراني قاعده احاول فيها وربي يلين راسها يارب ورق قلبها عليهم

[اللبوة البيضة]

عزيزتي ماشا الله عليهن البنات ما قصرن والرفق واللين مطلوب في التعامل مع الخدم بس هذا ما يمنع وجود ضوابط وموانع عسب ما يتمادون ويعرفون حدودهم فاالبيت الصراحه شو بعد يقعدون معانا!هي يايه تشتغل وهب يايه تقعد عالتلفزون وشخصيا خدامتي تغسل ملابسها عاإيدها انا شو يضمني انها مافيها حساسيه اوغيره بس تعاملي يكون بحدود المعقول بعيد عن المبالغه والله يهديها امج شوي مبالغه لو تخف عالخدامات بس بحدود وضوابط ترا مامنهم امان واللي نشوفه ونسمعه يكفي ماله داعي يعرفون كل شي عن اهل البيت وعوايدهم هذا رااااايي الشخصي والله يهدي الجميع

[غلا شهوب]

الله يهديها ويحنن قلبها عليهم

[غلا شهوب]

الغالية حاولي تاخذين سيدي فيه محاضره عن التعامل مع الخدم
وخليها تسمعه