بليز ابا حل لمشكلتي

**مس اناقه :)** · 2010-08-20, 04:54

شحالكم بناتات...

انا وايد مضايقه لأني اعاني من نزيف الرحم غير الطبيعي و مول ما محطيه ف بالي اسير مستشفيات. عرسي جرب و ما عارفه كيف اصارح ريلي..عطوني حلول غير المستشفى..

الدوره ابدا مب منتظمه وياي من اول مرة يتني لين الحين و ما عارفه اميز نزيف الرحم من الدوره

مب مستوعبه يتم وياي النزيف على طول كيف بتكون ردة فعل ريلي..

مضاايقه حيييل بليز ساعدوني الكل نصحني قبل اسير المستشفى عسب تنتظم الدوره و انا شاله من راسي هالفكره و الحين ندمانه..احاتي والله و نفسيتي داااااااااااون

المزيد من آخر المواضيع من نفس القسم:

**روح سلطان** · 2010-08-20, 04:59

منْ دون زعــل ..

شـِـو تتوقعيِـنِ الحل غِـير المســتشفى الغــاليه بالعقل هذي صحــتج و مستقبــلجِ ..

شو تترينْ تسوء الحــاله و توصل لشـِـي خطير مستقبلا ... و يمكــنِ تروحينِ و
يظهِـر شي بسيِـِـط .. و تتعــالجينْ منــه ,, بلا وسواس و سيري المستشفِــِى

و لا تجربيِــنِ اي شِــي من دون استِــشاره طبيه .. عن تندمِـِـينْ مستقبِـِـلا ..

**it's-Me** · 2010-08-20, 05:58

حلج المستشفى الله يهديج لاتهملين عمرج انا كنت نفسج قبل ماعرف واهملت نفسي وقبل ماعرس بشهر رحت لدكتوره وقالت فيني تكيس .. ف حرام لاتهملين عمرج وروحي لااي دكتوره شاطره واذا مستحيه من الفحص ترى بس ع بطنج بتحط الجهاز وبتشوف الخلل وين وبتعطيج دوا وان شاء الله مافيج الا العافيه وطمنينا عليج ..

**ام_ابراهيم** · 2010-08-20, 08:02

*_*

ما تبين المستشفى ....

ليش ان شاااااااء الله ..
ومنو نحن عسب نعطيج الحلول
الصراحه انتي طلب غريب
من دون نقاش سري المستشفى وشو يخص ريلج اصلا ... سيري واتعالجي وان شاء الله تخف ويعروفن شو فيج بالضبط ,,,

ها له اثار ثانيه الحمل والتهابات وسوالف ,,,

و بالعقل .. و الله يهديج

محد بفيدج ,,,,

**وفية حق زوجي** · 2010-08-20, 11:31

الغالية لازم تراجعين دكتورة محد بيفيدج إلا هي .. سبحان الله الوحدة تبي تتطمن ع نفسها ..سيريلها والله يسهل عليج انشالله والله يوفقج أختــي ... ومبروك ع العرس

**غصب البان** · 2010-08-20, 13:28

انا ادري انتي ليش لتقولين ماتبين المستشفى لأنج تستحين من الفحص ؟؟ اصلا الدكتوره مابتشوفج من تحت نهائيا بس بطنج فقط .. وبتعطيج دوا ,,

**وردتبسم** · 2010-08-21, 22:41

--------------------------------------------------------------------------------
---استغفرالله---
---استغفرالله استغفرالله---
---استغفرالله استغفرالله استغفرالله---
---استغفرالله استغفرالله استغفرالله استغفرالله---
---استغفرالله استغفرالله استغفرالله استغفرالله استغفرالله ---
---استغفرالله استغفرالله استغفرالله استغفرالله استغفرالله استغفرالله---
---استغفرالله استغفرالله استغفرالله استغفرالله استغفرالله ---
---استغفرالله استغفرالله استغفرالله استغفرالله---
---استغفرالله استغفرالله استغفرالله---
---استغفرالله استغفرالله---
---استغفرالله---

**بنوتة اماراتي** · 2010-08-21, 23:20

الغاليه لا تهملين نفسج ترا المتضرر الاول و الاخير انتي
اهتمي بصحتج
و مثل ما قالو لج البنات ترا الفحص بيكون بس ع بطنج يعني لا تخافيين و لا تستحين
و لازم تهتمين بنفسج و يزيد اهتمامج لانج ع ويه عرس
تسد الدوره ،، بعد اتمين تنزفين ايام الشهر ،، شو بيسوي الريل لوووول
سوري بس اتحملي و اهتمي بنفسج
و ان شاء الله يكون ي بسيط و تتعافين بسرعه
و مبروووك و الله يتمم لج عرسج ع خير ^^

**ملكت روحي** · 2010-08-22, 08:42

اختي شربي مرقدوش

ودعواتج اليه بالذريه الصالحه

**ياقوته** · 2010-08-22, 09:32

حبوبه

انتي مقبله على عرس

واكيد تبين يهال

اذا انتي من الحين رافضه تروحين المستشفى
الله يهديج بتزيد المشكله اكثر واكثر
ومب زين الغاليه
دام النزيف عندج يطول

روحي وتوكلي على الله ولا تستحين ما راح تفحصج الا من فوق
وتسي لج فحوصات وسونار بس

وربي يعافيج ان شاء الله

**MAHA21** · 2010-08-22, 09:39

شو تترين روحي اقرب مستششفى

شو تصارحين ريلج ما تصارحينه تتوقعين شويعني بيقولج عادي لا طبعا
مب متزوجنج يطالعج بس

الله يهديج لا تتاخرين

**مس اناقه :)** · 2010-08-23, 06:20

مشكورين ع الردود

ان شالله بسير ..الله يوفقـــ الكل ان شالـلــه

**it's-Me** · 2010-08-23, 06:23

سيري حبوبه وطمنينا عليج .. انتي ف اي اماره ؟ عشان اقولج الدكاتره الاوكي

**سوارة** · 2010-08-23, 06:44

استغفر الله
استغفر الله استغفر الله
استغفر الله استغفر الله استغفر الله
استغفر الله
استغفر الله
استغفر الله
استغفر الله

الموضوع: بليز ابا حل لمشكلتي

أدوات الموضوع

عرض