أخوي كاسر خاطري .....................

[Asoomah]

السالفه من العنوان باين انها سالفه اخوي

الله يسلمكم اخوي اكبر واحد عرس من فتره .......بس سالفته سالفه

اول شي بخبركم عن اخوي ربي يحفظه والله و قسم بالله مب عشانه اخويه بس ماشاءالله ماشاءالله ما اظن شي شراته وايدين ...الله يحفظه وسيم و متفوق في دراسته و مكمل ماستر و غير شغلته وايد زينه ..كله هذا في صوب واخلاقه و دينه في صووب مع انه مب اكبر واحد( انا البكر) بس كله ينصح اخواني الصغار بالصلاه و ما يرضى علينا فديته والله .. دوووووووووم اهلنا ايقولون يا بخت الي بياخذها ويضربون فيه المثل لاخلاقه الله يحفظه يااارب

بس الي ذابحني حرمته......يا ناس هالانسانه ماشفتها الا شهرين في بيتنا.......بعد هالشهرين كله بيت اهلها .....ما تقعد عندنا ..اول شي كانوا مستانسين مع بعض ...بعدين ايقولي اخوي الحرمه ما تخليني حتى ارمسها!! تصد و ما اتطيقني... وانا لاحظت انها ما اتصد صوبه بالمره لو قعدنا مع بعض معاهم ..نتغدى ولا نتعشى يوم اتسولف معانا عادي بس هو يوم يدش في السالفه اتبوز و اتطنشه ....... اخوي مقطع قلبي والله العظيم ايقول انا شو سويت لها!! مخلنها ع راحتها!!
تخيلوا هذا اخوي ينصحنا اتغشوا و جيه يوم تطلعون ..بس هي ما تتغشى و مره نصحها ....بوزت و عصبت و الاخت اتحط فوووووول ميك اب ..احنا ما عندنا سوالف الفول ميك اب و تطلع مكان عام ..بس سكت اخوي عنها.. هي احسها شوي شوي تبتعد عنه و كله بيت هلها ..ولو عزمناها تي بيتنا و في نفس اليوم طيران بيتهم ..حتى ما تبات عندنا.......
لين ما مصختها قعدت بالشهور عند بيت اهلها الوالد و الوالده قالوا شو السالفه مصختها!!
يوم سآلنا امها قالت ما ادري شفيها بنتي..حاولت تسآلها المهم الزبده قالت شو ها ما يهتم فيني اونه!!!!!!!!!
شو مايهتم !! والله كل شي سوالها اياه اصلا ما انشوفه معانا كله يحاتيها و يطلعها و مسكين سفرها كم مره! فوق هذا بطرانه الاخت....تخيلوا لو طلعها (بالغصب بعد اتطيع تطلع معاه) يقولي اخوي تركب في السياره ورا؟؟؟؟ مب عداله؟؟؟؟؟؟؟شو هاااااا
لا وغير جذيه بينما هي عند اهلها اخوي مسكين يحاول يطرشلها مسجات هي طااااااااااااف ولا ترمسه ...اقوله انزين اسآلها خلها اتفضفض ..قال لي كم حاولت و ماشي فايده ما ترمسسسسس اتقول مافيني شي انا عاديه؟!؟!؟

اخوي تعب والله اشوفه ضععععععععففففففف مسكين ومهموم من السالفه ايقولي ختيه انا شي فيني غلط؟؟ اسلوبي يزعل مثلا؟ اقوله لا فديتك مايعيبك شي والكل شااااهد بس حسبي الله و نعم الوكيل!!
والله يا بنات انه مب غاصبينها ع العرس .......اصلا هالناس امي تعرفهم من قبل لا تيبنا كلنا تعرفهم من اول ما عرست ..وهم وااااااااايد معانا والبنت كانت بتين من الفرحه انها بتعرس ..بس ما ادري شبلاها انجلبت فجأه ...... وكارهه اخوي.. والله يابنات ساعات احس انه يضحك معانا ما يبا يبين انه متضايق بس يوم يسير بروحه احسه يصيح حليله اخويه حساس فديته
كاسر خاطري والله الحين صار لهم ع هالحال ٥ شهور......ولين الحين ما تينا ولا جنها اصلا عروووس موووووول
اففففففف انقهر منها والله !!!!!!!!!!!!!!!!!!!! قاهرتني!! شو ها
امي مهمومه عليهم واتقول اكيد سحر! و كم مره ساروا لمطوع ايقول ما شي فيكم اونه!!
ما ادري احس دوم بيتنا جذيه ...ولا مره اتوفقنا في عرس ولا خطوبه!!

ما ابغي منكم غير تدعون لاخوي و حرمته

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية