ساعدوني اريييييد حل؟؟

**شيخة الامارات** · 2007-06-10, 22:15

السلام عليكم ورحمة الله وبركاته

شحالكن يا حريم؟؟

عندي مشكله وابا حل

مشكلتي هيه اني كل مره احمل اطيح صارلي 5 مرات هالشيئ ولا اعرف شو السبب وكل الكاتر ما عرفو السبب يعني بس يتم شهرين ولا ثلاثة وينزل وطبعا اخذ مثبتات ولا فاد..!!

والحين من اربع سنوات ما حملت واخاف اذا حملت اطيح

والحل؟

اللي عنده حل يساعدني وجزاكن الله الف خيييييير..

المزيد من آخر المواضيع من نفس القسم:

**شيخة الامارات** · 2007-06-10, 22:32

وييييييييييييييييييييييييييييينكن ؟؟

خويات شما تراني اترياكن

**نور ندى** · 2007-06-10, 22:38

الله يصبرج يا اختي عليج بالدعاء ثم الدعاء وقراءة القران في جوف الليل
ادعي ان الله يثبت لج الحمل وشوفي النتيجه باذن الله

**ام شيوخة** · 2007-06-10, 22:42

حاولي تستشيرين أكثر من دكتورة ولا تمين على وحدة ((((استشارة فقط ))))

واذا حملتي بعون الله حاولي انج ما اتعبين عمرج يعني كله ريحي على ظهرج ، انا اسمع امي الله يذكرها بالخير انها دايما اتقولنا نامو على ظهركم ورفعي رجلك على مخدة او اي شي المهم تكون أعلى من مستوى جسمج.

وسبحان الله مش كل حمل مثل اللي قبلة اتني حملي واتوكلي على رب العالمين وخلي ثقتج فيه كبيرة انه يثبت حملج ان شاء الله . ويرزقج بالذرية الصالحة

امين

**شيخة الامارات** · 2007-06-10, 22:44

انا رحت عند اكثر من دكتووور ولا عرفو السبب؟؟؟

**دار الحي** · 2007-06-10, 23:41

اكثري من الدعاء وقراءة سورة البقره
وانشاء الله خير

**بنوتة بلادي** · 2007-06-10, 23:50

يالله يارب انج تحملين ويثبت عندج

شوفي اختي في وحده حرمه كبيره في السن (دايه)

تعرف لهاي السوالف صدقيني انا اللحين حامل و بين فتره ينزل عندي دم اسير العياده بس عسب اجيك على البيبي وعقب اسير عند هاي الحرمه عسب تشوف بطني يعني مساح بسيط لان المساح الوايد للحامل مبب زين

الحرمه اتخبرنا عن وحده شراتج كل ما تحمل يطيح من مسحتها قالتها شو فيها الحرمه اللحين ماشاء الله حملت وبخير

ماشاء الله عليها وااااااااااااااايد زينه
فانا اقولج اتسيريلها ابركلج ..وحطي في بالج ان رب العالمين ان شاء الله بيرزقج بالذريه الصالحه يارب وكل شي بيد الله
اذا تبغين رقمها طرشيلي رساله على الخاص عسب اطرشلج رقمها

والله يبلغج بالذريه الصالحه(واكثري من الاستغفار)

تحياتي لج

**في قلب زوجي** · 2007-06-11, 00:35

الغاليه لو انتي من الشارقخ اقدر اساعددج

**لمياء44** · 2007-06-11, 00:46

اختي انا بنت خالتي نفسج كله تحمل و عقب كمن شهر يموت الياهل سارت عد كذا دكتووور و ما يعرفون شو السبب ف مره كانو امسافرين لندن و كانت حامل ف مات الياهل و يوم ساروا الدكتور قالها انتي اول مره تحملين و يموت الياهال؟قالتله لا انا يمكن ثلاث مره و كله يومت الياهل قالها ان عندها الحبل السري ما يوصل الاكل و التغذيه حق الياهل اظن جي المهم المشكله من الحبل السري قالتله شو الحل قال لازن لول ما تحملين تين عدنا و يوم حملت سارت عندهم و كل يوم تمو يضربونها ابره عشان يتغذا البيبي و الحمدالله يابت احلا بنوته اتنور حياتها و بس الصراااحه عقب الولاده واايد تعبت وااايد

**cute me** · 2007-06-11, 02:15

الله يرزقج الغاليه بالذريه الصالحه .. وادعي ربج في الليل واقري سوره البقره

**قوقعه** · 2007-06-11, 02:49

مرحبا اختي شوفي توكلي على الله واحملي واول ما تعرفين انج حامل كل يوم اقري سورة البقره وادعي من خاطرج انه الله يرزقج بالذريه الطيبه وانتي عندج يقيين تام بان الله ما بيردج وبيستجيب دعائج وصلي قيام الليل وادعي وكثري من الاستغفار وادعي اذكار الصباح والمساء كل يوم
صدقيني الله بيرزقج عن تجربه

**دلع بوظبي** · 2007-06-11, 02:53

الله يعينج اختي

ان شاء الله الحمل الياي ..... ايقني يقين انه الله بيثبته لج وبتخلصين اتسع شهور على خير...

اذا احسنتي الظن وتوكلتي على الله .. الله بيعطيج الي تتمنينه .. ان شا ءالله .. ولا تفكرين انه الجنين بيطيح .. لانه النفسيه تلعب دور كبير ..

والله يوفقج

**العوووش** · 2007-06-11, 03:24

السبب من ربج يالغاليه

وكلها كتبه من عنده العلي القدير

فلا تيأسين من رحمته ... و تاكدي انه الخير فيما كتبه الله لج

و الله يرزقج يا ربي بالذريه الصالحه لي تملي عليج البيت يا رب

**العوووش** · 2007-06-11, 03:29

http://uaewomen.net/showthread.php?t=70328

شفت هالموضوع و حبيت انج تشوفينه يمكن يفيدج

و ربي يوفقج اختي

**شيخة الامارات** · 2007-06-11, 13:17

جزااااكن الله الف خيييييييييييييييييير

الموضوع: ساعدوني اريييييد حل؟؟

أدوات الموضوع

عرض

ساعدوني اريييييد حل؟؟

المزيد من آخر المواضيع من نفس القسم:

المواضيع المتشابهه

اريييييد مساعدتكن

اريييييد انــــام =(

اريييييد اكفلي خيااااطه