خطبتي هههههههه

[smo0oy]

بسم الله الرحمن الرحيم
تم في يوم اليمعة في تاريخ 2-7-2010 م الساعة الثامنة مساء حضور فارس الاحلام مع عائلته إلا منزلنا <<خخخخخ

الله يسلمكم بخبركم قصتي في هذا اليوم المميز والذي يجب ان يذكر فالتاريخ
نشيت الصبح الساعة 8 << النشاط زايد وااااكككك
وسلمت على باباتي وماماتي <<الحمد الله والشكر ردت ياهل البنت
وشوي الا يشرف خالي وحرمته وعياله وعاد يلسنا شوي وسوالفنا والكل يقولي محلوة ومبيضة <<مب منج من اللي بيي اليوم ههههه

ويلست ف البيت لين الساعة 1 تقريبا وصليت وقريت قرآن <<والله ارتاح بالي بالقرآن
وبعدين طرت للصالون اسوي سشوار لشعري لان احنا عندنا البنت لازم تفتح شعرها لاهل خطيبها
ورديت البيت وتكشكشخت بذيك الكندورة المخورة بس ما حطيت مكياج وايد بس رسمت عيوني وقلوس وتعطرت

يت الساعة 8 والناس وصلو وانا قلبي درقن درقن وانا فالغرفة يالسة بعدين لين ما خلصو فوالة يت اميه : يالله
انا : وين تو الناس ؟ما بطلع الحين
اميه : يالله تحركي عيب الناس برع يتريونج
انا: انزين انا ما ابا خلاص هونت
اميه : غربلاتج يالله تحركي ولا بييب الخيزرانة يالله
انا :اوكيه اوكيه بس لا تسوين فيني حركة نذالة وتخليني بروحي
اميه : امشي يا بنت امشي ما بياكلونج
وطلعت انا وسلمت عليهم واشوف خواته وامه يشوفني ويركزن على كل شيء فيني
بعدين عاد تأقلمت عليهم وتدق سوالف وياهم الآنسة <<هذي انا ..لاني من النوع اتأقلم بسرعة واسوالف هههههههه
وتعشوا وروحوا

انزين ما سألتوا ليش ما شفتيه ؟؟؟
خخخخخ

بقولكم ويا فارس الاحلام بالباجر تاريخ 3-7-2010 عسب يشوفني لاني انا طالبه اني ايلس وياه لانا ما نعرف بعض طبعا ابوي واميه كانوا يالسين ما اباه يشوفني جدام الناس

ونفس الحالة بالباجر لساعة 8 اهو ف الميلس يالس ويا ابوي وقلبي درقن درقن هههههه
ودق ابوي رنة لاميه عسب انا نسير الميلس وسرنا
وسارت الآنسة خخخخ
خطيبي : السلام عليكم عموتي شخبارج ؟؟؟ولف علي السلام عليكم *****؟
انا : وعليكم السلام
ابوي : هذي خطيبتك
خطيبي: هيه خبروني عنها ما توقعتها جي احلى بوايد الكلام اللي قالوه ما يقرب صوبها
وانا احمر واصفر واخضر
تم ابوي واميه يسولفو وانا ساكتة
خطيبي : اشو بلاج ساكته ارمسي ابا اسمع صوتج
واميه تضحك علي وابوي بعد
انا : اشو تباني اقول يعني <<شوي شوي بتضربيه
خطيبي : خلاص آسف آسف عن تضربيني بعد
انا : واككككككككككك
خطيبي: ياربي عمي خلنا نعرس الحين دخيلك
ابوي واميه : اشووووو؟
خطيبي خلاص خلاص بس تحمست من سمعت ضحكتها
وبعدين طلعت خخخخخخخخخخخ
وهذا اللي استوى

هيه نسيت اخبركم ياب لي هدية مندوس فيه عطور وهالسوالف وطقم ألماس وباقة ورد خخخخخ
الكل تفاجأ واستغرب

للعلم اهو ما شافني الا مرة ف المدرسة بعد بسرعة يوم كان منزل بنات اخوه عندنا خخخخخ
سبحان الله صحيح الكلام اللي نقال الزواج قسمه ونصيب

توتة توتة خلصت الحتوتة

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[فرح راكـ]

سبحان الله نصيبج

زين زين مبرووووووووووووووووك


والله يتمم عليج بالخير يارب

[انثى غيور]

ما شاء الله

تستاهلين كل خير اختيه
وعقبال الفرحه العوده يا رب

^__^

[بنت العقيد]

الله يتمم لج ويتمم لي على خير الغلاااااا ^^

[فطامي_الدلوعة]

هههه
الله يتمم لج على خير ان شااء الله

[دلوعة رشودي]

مبروووك اختي
وعقبال ما تعرسين +باجي العزابيات وانا منهم^^
وربي يعطي الكل ع قد نياته
آآمين

[* نور الهدى *]

الله يتمملك بخير وسعادة
مبارك عليك يا الغلا

[fayfay]

الله يتمم لج على خير

[lamiae ammari]

سخىهؤ

[lamiae ammari]

سقلعبلببببببببببببلعاااتالؤنالعنهتااارءرءؤرنن
عغغفف4

[eljoory]

والله انج عيشتين الموقف
الله يوفقج معاااه تستاهليييييين حبوبه

[+ميثه+]

/

/

السلام عليكم ورحمة الله وبركاته

آلف آلف مبرووووك غاليتي

والله يتمم لج أموورج على خير ان شاء الله



/

/

[اماني سيف]

الله يتمملج ع خير فديتج وعقبال ماتبشرينا بيوم العرس ان شاء الله

[بن UAE وتت]

هههههههه

ذكرتيني بعمري والله

بس الحمدلله عديت ها اليوم وعقبال الباجي ان شاء الله

ومبرووووووووووووك الغلا

والله يتمم على خير

والله يسعدنا ويفرحنا جميعاااااا

وعقبال العزابيه

[S A R S H A]

ماشاء الله
الله يتمم على خير ان شاء الله