ليش تبين تدرسين ماستر؟

[Asoomah]

السلام عليكم

خواتي عندي سؤال لكل الي يبون يدرسون ماستر

ليش تبين تدرسين ماستر؟؟ شو الهدف؟؟

خاطري اعرف؟

انا مش ضد العلم ..بالعكس

بس بكل صراحه بخبركم شي

لاحظت انه الماستر استوى موضة عند البعض .."للخقة " يعني لو صح التعبير

و في منهم متزوجات عندهم ابناء و يقضون وقتهم في الدوام بعدين يروحون الجامعه عشان عندهن "كلاسات" بينما الاطفال موجودين في البيت تربيهم الخادمه .."امحق" من تربيه للاسف

والاب طبعا لاهي في ملكوته

و ع فكرة ..
هالنوع تصرررررر ع الدراسه (الماستر خصوصا) مع انها ما تعرف الهدف منه ابدا
والمشكله انها تعتبر انسانه متعلمه و مثقفه ..و ما اعتقد "المثقفه المتعلمه " الواااااعيه ترضى خدامه اجنبيه تربي عيالها ع كيفها!!

تنويه : انا مش ضد "الامهات" الي يدرسن البكاليريوس .. لو هي في حاجه له للحصول على وظيفه!


الحين خبروني يا حلوات

ليش تبين تدرسين الماستر ؟؟ شو الهدف الاساسي ؟

المزيد من آخر المواضيع من نفس القسم:

• استفسار عن جامعه
• استفسار عن جامعات رخيصة
• كلية الأفق جامعية ؟ شو رايكم فيها
• طردوني من كليات تقنية سؤال في مجال أرجع؟
• الجامعة الامريكية في دبي
• علوم البيئة أو التصميم الداخلي (((جامعة...
• بنات جامعة زايد وجامعة الشارقة استفسار
• طالبة وبتخرج .. استفسار ضروري
• Syria
• قبول الاجانب في معهد ابوظبي للتدريب

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الروح }--]

هلا اختي ..

سوالج حلو وفي محله .. انا وحدة ان شالله بدرس الماستر بعد ما اتخرج بالباجلر ان شالله
الصراحة هدفي للماستر هو اني اتعلم اكثر واستفيد اكثر في تخصصي وحلو الشخص اذا درس شي
معين يكمل فيه في حال ان الظروف سمحت .. ثاني شي والاهم من كل هذا شهادتي وخبرتي في هذا المجال
أو اخلاقياته انقلها لأسرتي نفسها بين ريلي وعيالي ترا لها تاثير كبير على السلوكيات والنمطيات الحياتية
مستقبلا .. لاني ما افكر اشتغل بعد الماستر الا اذا الزمن والظروف جبروني .. لان ابي اركز على تربيتهم
باللي تعلمته .. وثالث جي بما اني ماراح اشتغل والزمن كل ما مر صار الواحد يصعب عليه ان يحصل ع وظيفة
بالشهادة الثانوية ولدرجة ان الصعوبة وصلت للمتخرجين بالباجلر بعد .. فاتوقع ان الماستر ممكن يسهل
عليه حصولي ع الوظيفة بسرعة لان الدولة تحتاج لهذي الفئة النادرة ..... ومافي اي مشكلة في حال
اني لقيت فرصة ثانية عشان اكمل الدكتوراة ممكن ليش لا

يمكن هالفكرة بالنسبة لبعض الناس القرييبين مني يعتبرونها مجنونة اني ادرس وادرس واخر شي ايلس في البيت
بس والله انا اشوف العلم ومع يلست البنت في بيت ريلها وتربية عيالها افضل واحسن من شغلها برع البيت
واهمالها لواجباتها الاساسية اللي في وقتنا الحالي صارت من الثانويات عند اغلب الحريم او البنات..!

[هند سلطان]

للرفع

[أسامي88]

امم يمكن بعدني ما فكرت بفكره 100 % اني اكمل ماستر

لأنه وراي ادرس بعد باجلر ،، سنه ونص ،، بحكم عندي دبلوم عاالي

انا ادرسه ياختي ،، من باب تزود بالعلمــ ،، و 2 شي
يكون خير سلاح لنا نكسب وظايف ممتازه في مناصب الكبيره ،،

انتي ما تدرين كيف الدنيا صايره

قبل يقبلون بالاعداديه ثم الثانوي
ثم الجامعي والجامعي مراتب ،،

انا من طبعي جيه ،ما احب اكون اقل من غيري ،، اذا قادره اتسح بها السلاح ليش ما اخوضه ،، بس


مستحيل ثم مستحيل

ادرس ونا متزوجه و لي عيالي ،،
مستحيل عيالي فوق كل شي

حتى لو بتين تسالين داخليا

بتقولين اسامي ،، اذا خيرووج ما بين وظيفه حلووووه و لا تربيه عيالج

بكون عيالي ،، مستحيل افرط فيهم،،

لني انا ما تربيت على يد الخدمـ , ومابا عيالي يتربون بايد الخدم،،


ههه قصه طويله




شكرا لج

[عيمانيه]

انا خاطري اكمل ماستر

لانه احس هالشي ممكن انه يرضي طموحي ( ممكن مب أكيد )

و لانه اشوف شي بيزيد من معرفتي فمجال دراستي

و لاني احب اتعلم

و دام انه عندي القدره على الدراسه فليش ما ادرس

و لو كان عدي عيال كنت بحطهم عند امي و بسير الجامعه

ما فيها شي الا هم كمن ساعه

[مليت عاد]

شوفي عن نفسي الدراسه شي حلو لكن العيال اهم و التربيه اهم