حسن الاختيار!!

**e5t el8mar** · 2010-08-10, 11:41

السلام عليكم
شحالكن خواتي؟ فالبداية اباركلكم الشهر الفضيل والله يعوده علينا وعليكم بالصحه والعافيه

في موضوع ربيعتي استشارتني فيه وبصراحه انا روحي محتاره فحبيت آخذ رايكم فيه

البنت متقدم لها شاب محترم واخلاقه وايد عاليه وماعنده خرابيط ومكون نفسه وحالته ميسوره وباني بيت بيخلص عقب كمن شهر...هي عمرها 24 وهو 27 يعني الفرق بينهم حلو ومناسب

بس في مشكله وحده خلت ابوها يرفض! ان الولد هب مكمل تعليمه! يعني عنده ثاني ثنوي بس ويداوم فالشرطه وهي دارسه وعندها ماجستير ومنصبها زين

هي ماعندها مانع من حيث المبدأ دام الريال واهله زينين بس في نفس الوقت راي أهلها الاهم

شو رايكم فالموضوع؟ توافق عليه وترمس اهلها ولا تاخذ براي ابوها؟ هي طبعا في كلتا الحالتين مابتعاند اهلها بس تحاول تكلمهم اذا في مجال!

وهي تقول عقب بينها وبينه بتحاول تقنعه يكمل اذا اضطرت ظروفهم! خاصة انها وايد مرتاحتله عقب الاستخاره

وهم متمسكين فيها ومستعدين يخطبونها اكثر من مره

باب النقاش مفتوح خواتي

وشكرا

المزيد من آخر المواضيع من نفس القسم:

**همس الفجيرة** · 2010-08-10, 11:53

والله ما ادري شقول ..~
بس لاازم يحترموون راي البنت ..~
والله ايوفقهاا ..~

**بنوتةالعين** · 2010-08-10, 11:59

والله اقول انها تصلي استخاره ودام انها ارتااحت يعني تتوكل لانه الحمد الله دام انه الريال زين ..وبعدين يت ع التعليم ؟؟؟ !!انا اشوف انها تقدر تقنعه يكمل شي بسيط بصراحه والله يوفقها ياااااااااارب .. ياما اعرف بنات اقنعن ازواجهن يكملون عادي ^^ لازم يكون عندها اسلوب الاقناع 100% @_@ والله يقدم اللي فيه الخير

**غواني الخليج** · 2010-08-10, 12:45

التعليم مب عيب و ما تم شي عنده يعني ثاني ثنوي بس بيتمله سنه و بيخلص ان شا الله والله قوليلها اهم شي فالريال الاخلااااااااااااااااااااااااااااااااااااااااااااا ااااااااااااااق,,, خل تصلي استخاره و الله بييسر اللي فيه الخير

**براءة1** · 2010-08-10, 12:48

السلام عليكم..
دام ان الريال زين حمدلله وحالته زينة بس المشكلة فالتعليم.. بيكمل تعلميه ان شالله بعد الزواج
خصوصا ان حرمته بتساعده فالتعليم..
والراي رايها ولازم يحترمون رايها..
والله اعلم ويوفقها يارب

**βĔŇt ûǻĘ** · 2010-08-10, 12:52

عاادي
شو يعني لو مب داارس ؟
والله الناس تفكيرهم سطحي جدا
يعني لو مب مكمل جامعه يعني هو
مب متعلم ؟مب متربي ؟مب محترم

والله استغرب من هالناس وايد

**e5t el8mar** · 2010-08-10, 12:56

هلا خواتي

تسلمن ع ردودكن الطيبه

انا معاكم انه هالشي سطحي واهم شي المضمون

الله كريم وادعولها

**شهد الظاهري** · 2010-08-10, 13:02

من رآآيي إنهــآ إتكلـــم أهلهــآ .. وربــي يســر إن شــآءاللــه .. ))

الموضوع: حسن الاختيار!!

أدوات الموضوع

عرض

حسن الاختيار!!

المزيد من آخر المواضيع من نفس القسم:

المواضيع المتشابهه

فقه الاختيار

ساعدني في الاختيار؟

ساعدوووني في الاختيار