شكل الجنين

[مياري]

استغفر الله العظيم
اختي انتي ها الكلام اللي تقولينه ما يجوز من الأساس
انتي تتكلمين عن طفل عايش داخل حشاج ما طلع للدنيا
وخير ان شاء الله اذا الله راد انه يكون أسمر أو أسود على قولتج انتي شو بتسوين حزتها؟؟؟

بتتبرين منه مثلاأ أو انج بتعقينه في الزباله؟؟؟؟ هذا عطية من رب العالمين حرااام تقولين جي
وبعدين حتى كلامج عن اخو ريلج مب زين شو قصدج انه خسف وأسود انتي ترضين أحد يقول هذا الكلام على اخوج
الصغير أو على ولدج مثلاً والله ما بترضين.....
وبعدين انتي من البدايه وافقتي على الزواج من ريال أسمر واتوقعي انج تييبين يهال من صوب أهل ريلج بالشبه أو البشره.........

أتمنى تراجعين كلامج اختي ترا نعمة الضنا هذي كثيرين محرومين منها....والمفروض تستغفرين ربج وتحمدينه ليل ونهار وتدعين بينج وبين ربج ان الطفل يطلع سليم ومعافى تام الخلق والخلقه وأعتقد هذا أهم من اللون والشكل..

والسموحه اذا قلت كلام ضايقج ...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[زجاجه شفافه]

مايحتاي اقراه مره ثانيه ورد الخوات كلهم نفس الشي قالولج استغفري ربج
ويوم بتتنرفزين من الردود ليش تكتبين الموضوع يعني نحن بنغير خلقة الله مثلااااااااااااااا
الحمد لله والشكر

والله انا ماكتبت هالموضوع عسب تهجمين علي بردج ....؟ كل إللي كنت اقصده كان إمبين هو سؤال

إذا جابلتي حد خسف واسمر بيطلع شراته .......؟؟؟

وانا لا سبيته ولا شي ... وانا اتزوجت الريال مب اخوه ...وماجد شفت اخوه قبل .....وكذا مره مره قلت اني مااعايب على

شكله استغفر الله .... وبما انه هذااول حمل لي أكيد اي وحده مكاني تتخيل كيف طفلها بيكون ..يوم بتولده

وانا كان بإمكاني اطرد اخوه من حجرتي..... بس بعد اقول حرام ...امجابلني اكثر من ريلي يطلع الدوام

الساعه 1 الظهر وهذاك ايي عندي من 1 ونص لل 9 ولا 10 فليل ....ليش ماتبيني اوسوس ....؟
وفي شي اسمه اسلوب للكلام ... ليش الباجيات ماكلموني شراتج ....؟

[زجاجه شفافه]

اممممممممممممممممممم هذي وساوس حمل الغلا
وبعدين السمر تراهم هب سود تختلف الوان بشرتهم من اسمر واسمر غامق للاغمق للاسود بس يظلون من فئة السمر اللحين ريلج من فئة السمر والا بس لون بشرته جي ما فهمت عليج يعني
اذا اهو من فئة السمر يعني انتي اتعرفين من الاول عن هالشئ ولازم اتكونيين راضية لانج وافقتي على الزواج ومتوقعة هالشئ لان العرق دساس وهالشئ معروف الغالية..
اما اذا هو اسمر بس من الشمس وهالسوالف ترا عادي وبنتج لا اتطلعينها بالشمس
ع فكرة انا عندي اخوان نصفهم وبالذات الصغار اللي دومهم بالسياكل والشموس واللي بالجيش سود هب سمر من الشمس واللي ما يضهرون اللي بالسيارات وشغلهم بالمكتب بيض.,

وفي النهاية وابصراحة اللي لازم اتحاتيه ان الله يرزقج بالطفل الصحيح السليم المعافى وابعدي عنج كل تفكير سلبي لراحتج وراحة البيبي وخلي عنج سوالف الحريم والامهات ترا والله نصف رمستهم خريط ومعتمدين على الموروث الشعبي هب قسمة الله ونصيبه

- عيل تدرين حريمنا شو يقولون اونه اللي تشوف صورة قرد وهي حامل ولدها يطلع شبيه القرد استغفر الله العلي العظيم اونه ييعني خسف
- والله تشوف الافعى ولدها بيتم يدلع لسانه ع طول شرات الاهبل استغفر الله العلي العظيم
- واللي تقتل ضفدع وهي صغيرة عيالها كلهم يطلعون بكمان ما يرمسون
والسوالف وااااااااااااااااااااااايد وما تخلص
بس ا لحمد لله على رضا ورحمة الله ورأفته بالعباد الحمد لله رب العالمين
توكلي ع ربج ولا تفكرين ابدا ابدا بهالموضوع.. وترا هالولد اللي ترمسين عنه والله مهما كان خسف الا ما يكون فيه شئ مميز والله ميزه وعطاه اياه عن غيره وان ما بان فيه اللحين يبين خلاف والله القادر على كل شئ..

والحمد لله رب العالمين على كل نعمه التي لاتعد ولا تحصى....

مشكوره اختي عالرد ... وريلي اسمر فاتح قمحي مايعتبر اسود ..او ممكن اتقولين عنه حنطي ... مثل مابينت ..اصلا لو هو اسمر وااايد ولا اسود ... والله والله والله العظيم انه اهلي مابيوافقون عليه ... لو شوه مااستوى الراي رايهم مب رايي انا... وحتى انا ماارضى اني آخذ وااحد اسود .... بس ريلي لونه عادي جدا طبيعي .. بس انا قصدي في إللي امجابلني 24 ساعه ( اخوه )بو 11 سنه وانا مااحب اطرده او ازعل حد ...؟

[زجاجه شفافه]

الغالية انا ما ادري انت باي شهر الحين بس تحملي تتخيليين بنتج في صورة انت ما تحبينها ودايما تخلييها في صورة حلوة وتيقني انها بتكون مثل ظنج لان الانسان يحصل الي يؤمن فيه ويصدقه وتفاءلوا بالخير تجدوه

شكرا عالرد الطيب (:

[Asooma]

ليش خذتي ريال اسمر من الاصل يوم ما تبين عيالج يطلعووون سمر
حبيبتي موضوعج حله عند رب العالمين مب عند البنات لان اللي ف بطنج ربج ادرى شو بيكون وكيف شكله وشو لونه
واذا ربج عطاج ولد اسمر او اسود انتي شو بسوين ابا اسمع جوابج بتعقينه الزباله مثلاااااا
استغفري و احمدي ربج على النعمه والسمر والبيض خلقة رب العالمين

[زجاجه شفافه]

إقتباس: Asooma
الرسالة الأصلية كتبت بواسطة بنت المرحوم

ليش خذتي ريال اسمر من الاصل يوم ما تبين عيالج يطلعووون سمر
حبيبتي موضوعج حله عند رب العالمين مب عند البنات لان اللي ف بطنج ربج ادرى شو بيكون وكيف شكله وشو لونه
واذا ربج عطاج ولد اسمر او اسود انتي شو بسوين ابا اسمع جوابج بتعقينه الزباله مثلاااااا
استغفري و احمدي ربج على النعمه والسمر والبيض خلقة رب العالمين

اتقوليلي ليش خذت ريال اسمر ... هو اسمر فاتح ...قمحي ...ومايعتبر اسود .... لو كان اسمر واايد مثل إللي في بالج ... مثل ماقلت وكتبت ... اهلي مابيرضون فيه ولا بيزوجوني إياه .. وانا اصلا مابرضى فيه بس .... حاولي تفهمين الرمسه .. وإذا بغيتي اقري الموضوع مره ثانيه .... انا قلت اخوه بس ...

[BinT suLTan]

تفائلو بالخير تجدوه ..^^ لا تحطين هالافكار في بالج خير شر ..

[زجاجه شفافه]

تفائلو بالخير تجدوه ..^^ لا تحطين هالافكار في بالج خير شر ..

إن شاء الله ........شكرا عالرد ..

[قطوة العين]

الله المستعان

[النووف]

الله يهديج

كلنا عبيد الله مافي فرق
استغفر الله
ولا تيسين أتقولين جيه أهم شي صحة الياهل
ويا ما ناس قالوا وع شو سمر بس سبحان الله يوم يابوا ياهال كلهم سمر

استغفري ربج

[noaimy_88]

كلها خرافات اختي لا تصدقيها و الولد يطلع على امه ولا ابوه

استغفري ربج و اذكريه في كل وقت و حاولي تقرين سور قرآنيه كل يوم عشان يريحج

[lola moon]

قل العقل مصيبة الللله يهديج بس

[عسولة99]

الله يهديج

اول مرة اجوف حد يرمس جي

احمدي ربج ع نعمه العيال اختي

غيرج تراه والله محرومات من هالنعمه ،،

[دلوعة حبيبي]

ههه والله من صجج اختي !!!