أبا أتعلم السنع !!

[" الخجولة ،]

السلام عليكم و رحمه الله و بركاته

\\

بدون اي مقدمات ..

ابا اتعلم السنع و الذرابه و الذوق
و خصوصاً لما حد ييي بيتنا صدق اتوهق
اعرف 100 % انهم بيظهرون و بيحطون علي
شهالبنت اللي ماتعرف تضيف
و لا تعرف تقهوي و لا تعرف شي
صدق احس اني افتقر لهالاشياء
و ماعرف وين اكتسبها
قلت لامي و ابوي انااااا ماعرف لهالسوالف
و افتشل يوم حد ييينااا
بس ماعبروني

ابغي اكون بنت سنعه و ذربه
سواء برمستها او حركاتهاا
مب وحده عبيطه ماتعرف شي !!!!
انا لو قالولي دشي المطبخ سوي شي
بوقف متصنمه .. لاني عالزيرووو
ماعرف حتى اسوي جاااي !!

و الله مقهوره
و ماعرف شو اقول ..

بس شي بنات شراتي و عقب تسنعو و لا !
و كيف تسنعووو !!


بس ياليت تساعدوني و تنصحوني ..
و أخيراً تعلموني
و اطلع سنعه على ايدينكم ..

ملاحظه :
انا البنت الوحيده بين شباب
و اصغر وحده ..

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[<<إماراتية >>]

أختي انتي طالعي عالبنات والحريم يوم اتزورينهم كيف تكون معاملتهم للضيوف أكيد بتتعلمين شوي شوي أكيد ماحد ينولد في هالدنيا متعلم لازم يكتسب المهارات من المحيط ..

أكيد الوحده منا كل مايمرعليه الوقت تتعلم شي يديد..

بخصوص الطبخ أسألي عن الطبخات أو نزلي من النت و وأبدي طبخي لا اتمين اتأجلين وذوقي أهلج أو ربيعاتج جذيه بتتشجعين ..لا تقولين لا ريحتي بتخيس ما بطبخ..

الله يوفقج

[موزة_الشارجة]

بسيطه

تعلمي من امج اذا راحت المطبخ روحي ،، طبخت شوفيها شو بتسوي وكيف يسوونه ،،

اذا يولكم ضيوف شوفيها كيف تضيفهم وتعلمي ،،

انا احس كل شيء ايي مع الممارسه

[غاليه الحمادي]

اممم ، مثل ما قالوا الاخوات قبلي
اظهري مع الوالده ، سيري يمين يسآر معاه <--- اقصد بيت ربيعاتها
امممم ، ادخلي معاه المطبخ ، خلج لاصقه بالوالده ، و شوي شوي تعلمي منها


هالزمن صعب شوي تحصلين بنت تعرف تطبخ او تقوم بالواجبات المنزليه
خلج مع الوالده و تعلمني منها ، و ان شاء الله تتعلمين ^_^

[جفن الغدير]

حالي من حالج يا اختي الخجولة والبلوه اني امعرسه الحين صارلي سنة ونص
لدجة اني اقعد مع عمتي 4انو 5 ساعات بدون ما اتكلم ولا كلمه بس انطالع التلفزيون
افتشل بس ما اعرف كيف وعن شو اسولف وياها

سوري دخلت موضوعي بموضوعج

[فديت ابوي]

عادي انا كنت شراتج في يوم من الايام

بس لا تتهربين ابدا وواجهي الحريم اي حد اييج

سيري قولي حق البشكارة مب لازم انتي اتسوين اذا امج مب موجوده

منو بيجابل الحريم ومنو بيسويلهم فخلي البشكارة اتسوي واتيب وانتي

ايلسي و حطي القهوة والتمر وجي وجي ويلسي بس قولي

شحالكم وشحال االاهل ؟ وشخباركم ؟ماطلعتو مكان في الاجازة؟
وزودي من هالكلام ... وتمي مبتســــــــــــ ^^ ـــــــــــــــــة طول الوقت

واذ ام وحده من ربيعاتج تمي اسالي عن ربيعتج شحالها وشخبارها وين تدرس الحين

شو سوت في الاجازة وهيييك

والله الحريم مساكين بس يبالهم كم كلمة وخلصنااا هي بروحها بتمل وبتطلع
لان الحريم يحبون بعضهم بتقول حرام ضايجت على البنت

ويوم بتطلع قولي وييين بعدج مايلستي ويانا بعدنا ميبنالج شي

واذا قالتج خلااص ماعندي وقت انا يت اسلم على امج واطلع

خلاص عيل سلمي على البنات وتعاليلنا مرة ثاني


ههههههههههههههههههههههههههههه والله اانا واايد اتفلسف صح خخخ

بس والله هاشي يسكت الحريم بعد شو تسوين

ان شاء الله استفدتي بعد المحاضرة الطويلة العريضة

[ابتسامة قمر]

هههههههههههههههههههههههه

الحال من بعضه لوووووووووول

[نبضة أمل]

ان شاء الله خطوة بخطوة بتتعلمين السنع

شوفي اسهل شيء لج واتعلمي

يعني انقول الاسبوع الاول اتعلم كيف اسوي القهوة

الاسبوع الثاني كيف امسك الفنيال والدلة ومن اي يد رمسي ماماتج

الاسبوع الثالث اتعلم شيء غيره

والرابع شيء غيره

خطوة بخطوة يحتاج تكتبين في ورقة وهاتي دفتر وقلم وخططي اليوم اتعلم شوه بالضبط

وجان على السوالف شوفي سوالف امج وحاولي تضيفين ثقافتج الخفيفة في الدفتر

وادربي تقولينه بينج وبين نفسج

مثلا: ادربي تقولين مرحبا الساع يا حياكم شوه المفاجأة الحلوة هاتي من اللي تسمعينه من امج

وحطي في لسانج (الله يحفظكم) ترى له مفعول السحر في قلوب الحريم

اشويه اشويه..والافضل تسجلين في الدفتر...واتعلمي بينج وبين نفسج كيف تقطعين الفواله بطريقة حلوة

وحاولي تبادرين في تقطيع الفواله في صحن لكل ضيفة خاصة العزيزات على امج مع ابتسامه حلوة خجوله

هذا كل اللي عندي الحينه

وبالتوفيج

[أغليـــــــك]

الصراحه انااا يوم اييونا ضيوف او شي ممم البشكاره اتسوي وانا ايلس وياهم عادي اسولف . .

ويوم الفواله بيحطونها عادي اقطع واصب وجي يعني . .

مايبالها شي حبوبه كل شي شوي شوي وبتتعلمين . .

ممم واذا ع المطبخ جوفي الوالده كيف تطبخ ولا نزلي طبخات من النت واطبخي . .

[احلى سمراء]

ههههههههههههههههههه شراتي فشله

[خواطر الانثى]

ههههههههههههههههههه شراتي فشله

[العيووووون]

الحلو فيييج انج تبين تتعلمين ،‘

لما تروحون بيت ناس شوفي كيف يتصرفون الحريم ،،‘

انا قبل لما حريم مثلا ً ايون وامي محد ما اعرف شو اسوي اكون متوتره ><

ولكن خلج طبيعيه وواثقه من عمرج و خلج حركيه

لاتمين يالسه وتزاقرين البشكارة تعالي هاتي ودي لااااااا عيب

انتي شلي وحطي خلج لبقه شلي وحطي ،

يعني اول ما اين الحريم جهزي العصير

وقدميه لهن ابدي من اليمين لليسار

مب اتييبين الصحن وتحطينه في الوسط وتروحين لاااااااااا

انتي قربي العصير لهم وحده وحده ولو في ياهل عطيه قلاص عصير نصه

وعقب روحي يهزي الفواله

وهاتيها ولو قدرتي تقصين الفواكه كان بها ما قدرت ِ وامج بتقص خليها

وروحي هاتي الغسول والكلينكس

ومن يخلصن الحريم فوالتهم سلي الفواله

ولا تخلين ولا حرمه تشل وياااج الصحون

قوليلها لا لا لا استريحي خالووه عنج عنج وشلي عنهن

خلج لبقه حركيييييييييييييييييييييييه

وعقب الفواله بشوي

روحي جهزي الدخون والعطر وهاتييييه

^.^ ويوم تودعون الحريم خلج مع امج سلمي عليهن وقوليلهن مشكورات ع الزيااااة وحياكم الله ومن هالكلام


مع الايام بتتعلمين ،‘ ^.^

[Sweet ♥ Heart]

حببتي أنا شرااتج ههههههههههههههههههه مطبخ البيت والله ماعرف شكله

بس عادي وقت الجد أمج بتعلمج
أنا اقول لأمي علميني الطبخ تضحك علي اتقولي روحي منااك ههههههههههههه

[أوتار المحبه]

والله نفس حالتي
والسبب اني استحيي
يعني لين ايوون بيتنا ضيوووف بالضرابه اطلع اسلم عليهم
واذا طلعت اقعد نفس الصنم على قولة امي صمن بكمن خخخ
والله خاطري اسولف ويا الضيوف وارحب بهم وجي بسسسسس الخججججججل مو مخلني بحااالي
يعني انا اعرف كيف الناس تستقبل الضيوف وشو الكلام اللي اتقوله حققهم بس استتتتحي بالذات اذا كانو امي وابوي قاعدين ويا هالضيوووف يزيد المستحى عندي ماااعرف ليييييييييش والله مرات اضاااايق من عمري
بس ماعرف شو اسوي :$

[كشكوشة منفوشة]

إلـــــصقي بأماااااتـج