أبا أتعلم السنع !!

**حياتي انجاز** · 2010-07-31, 01:10

انا في بيت اهلي كنت مووول ما اطبخ و لا اسير المطبخ بس كانت امي يوم تسوي طبخة و تعجبني اسألها كيف سويتيها و تجاوبني لكن ابدا ما اطبق خخخ المهم عقب ما عرست اكتشفت الموهبة الدفينة اللي فيني طلعت اعرف اطبخ و انا ما ادري كنت اطالع وايد برامج الطبخ و اشتريت كتب طبخ و ساعات أألف و الحمدلله مشيت حالي و لله الحمد

**ميره ابوظبي** · 2010-07-31, 01:14

فديتج حبوبه

خلاص انا بعلمج الطبخ من ا الي ي من عيوني

**" الخجولة ،** · 2010-07-31, 01:23

ششششكراً للكل عالمرور و الردود الحلللوه شراتكن ..
حمستوووني وااااايد
و تعلمت كذا شي
اتصلت فربيعتي و يلست تعلمني من اللي تعرفه

بس بعد حاااز الموضوع فخااطري
و محتاجه شويه لباااقه
احس عمري مب حركييييه
و ماعندي السوالف اللي قالتها مثلاً : اختي العيووون
محتاجه شويه ممارسه
بس المشكله محد ييي بيتنا يعني نادر و جي
و نحن نادر مانزور حد ..

و عن الطبخ
قسم بالله سالفه ثانيه ..
ماحب ادخل المطبخ و اطبخ
لان احس مايبغوني ادخل المطبخ
احيد رمضان اللي طاف دشيت اسوي سويت
جان ابوي يشوفني قالي انتي شو تخبصين اظهري برع
تضاااااااااااااااااااايجت واااايد
و قلت مستحححيل احدر المطبخ مره 2 ..
بس يوم اشوف ربيعاتي كل وحده تعرف تسوي لها سوالف و طبخات
و انا حتى البيض ماعرف اقليه .. اتضايج

احس اني احب الطبخ و ابغي اطبخ
بس مايعطوني فرصه يتحروني كسوله مب ويه طبخ

ميره بوظبي
فدييتج ماتقصرين
يبالي آخذ من عندج كورساات ..

**زمرده3** · 2010-07-31, 01:59

هلا غناتي

حاولي تتعلمين تسوين اي شي بالمطبخ حتىلو تبدين بالجاي والسويتات

يمكن تلاقين لج نغزات من بعض الناس انه للحين ماتعرفين تسوين جاي

بس ما عليج من حد خلج واثقه من نفسج

واذا تبيني استوي ربيعتج واساعدج باي شي انا بالخدمه يالغاليه

**Ayesha** · 2010-08-01, 14:34

الحال من بعضه..ونحنا من النوع الي مايينا الناس..فيوم ايونا نبتلش!؟؟

ماعرف اجامل و ما اعرف اسولف ويا حريم كبار..وخصوصا الي ماعرفهم.

**دلوعة 2008** · 2010-08-01, 15:10

حبيبتي السنع والذرابه يكتسبونها من المحيط الموجودين وياج يعني مب في يوم وليله يعني هذا الشي يكون في التربيه من يوم وانتي صغيره وتكبرين وتكبر هالمبادء وياج

**loolh** · 2010-08-01, 15:17

المشاركة الأصلية كتبت بواسطة <<إماراتية >>

أختي انتي طالعي عالبنات والحريم يوم اتزورينهم كيف تكون معاملتهم للضيوف أكيد بتتعلمين شوي شوي أكيد ماحد ينولد في هالدنيا متعلم لازم يكتسب المهارات من المحيط ..

أكيد الوحده منا كل مايمرعليه الوقت تتعلم شي يديد..

بخصوص الطبخ أسألي عن الطبخات أو نزلي من النت و وأبدي طبخي لا اتمين اتأجلين وذوقي أهلج أو ربيعاتج جذيه بتتشجعين ..لا تقولين لا ريحتي بتخيس ما بطبخ..

الله يوفقج

انا معاهااا واماراتيه ماقصرت
دووم شوفي غيرج عسب تتعلمين منهم ومرات تكتسبين الشي لا ايرادي من كثر ماتطالعين
وعن الطبخ جربي حبه حبه سوي اشياء انتي تحبينها وفخاطرج وعقب انتقلي للاكلات الثقيله

دووم قهوي وامج وابوج عسب تتعلمين بسرعه وتتعودين
وان شاءالله خيير يارب السنع فييج بس يبالج تظهرينه برع
ربي يوفقج يارب

**AL-Doomah** · 2010-08-01, 15:19

مرحبا ختيه

تعلمي من الوالده او حد من هلج

عمتج . . خالتج . . يدتج

ما يقصرون الاهل

وربي يووفقج

**دلوعه عمرها** · 2010-08-01, 16:45

على الممارسه يتتعلمين كل شى

**مينا القلب** · 2010-08-01, 17:09

انا شراتج بس تميت اروح عند ختيه العوده ويوم ينها حريم اراقبها كيف اتصرف وكل شي ومرة عند حرمة اخويه واحيانا افرض نفسي عليهم هههه والحمدالله اتحسنت شوفي والدتج الله يحفظها كيف تسوي والصقي فيهااا اول شي بتمين ساكته بس شوي شوي بتحسنين ان شالله

**أحلا ورده** · 2010-08-02, 10:59

الاخت (فديت ابوي) ما قصرت ...

ما فيه شي صعب فالدنيا ... بس حاولي مره و مرتين ...

الموضوع: أبا أتعلم السنع !!

أدوات الموضوع

عرض

المواضيع المتشابهه

( ماتعرفين السنع!؟ ) @_@

يوميات الرجل السنع بالصور.....

الشاي السنع