عندي سؤال بسيط

**love rak** · 2010-07-30, 18:09

السالم عليكم
إشحالكم خواتي ؟؟
خواتي أنا حامل وبشهر السابع وللحين كل ما أسير لدكتورة إتقولي ما أعرف جنس البيبي
أنا إلي أسمعه إن إعرفون جنس البيبي عالأقل من الخاامس إذا طول
ما خليت عيادة ولا مستشفى في راس الخيمه ووبعدين مليت لاني سمعت إن تصوير البيبي وايد مب زين
ألحينه أنا خايفة شو السالفه
رحت عند عيادات معروفة وحده قالت يمكن ولد وما إيبين والمراجعه الي بعدها طول الوقت كانت تتكلم على أساس بنيه وريلي قفطها وقالها إنتي قلتي ولد جان إتغير كلامها وتقول ما إيبين
والثانيه قالت الله أعلم
والثاثه قالت الأجهزة ما ركتها LG وما تبين
وآخر وحده إنقهرت منها أمس قالت يمكن بس الأفضل تترين للمراجعه اليايه وبخبرج يعني بالشهر الثامن
شو رايكم خواتي شو اسوي أتريا

المزيد من آخر المواضيع من نفس القسم:

**أم اشجان** · 2010-07-30, 18:12

والله ماعندي علم يا الغاليه ان شاء الله بنات راك يفيدونج .. نحن فالعين يقولون فالثالث وونصهن فالرابع ولخامس

**أم اشجان** · 2010-07-30, 18:14

والله يحفظ لج الي في بطنج وينولج الي بخاطرج انتي وريلج

**أسيرة حزني** · 2010-07-30, 18:17

ربى يحفظه لج انتى وريلج

**روح كلباء** · 2010-07-30, 18:19

حبيبتي هذا عادي بعض الاحيان ما ينعرف جنس البيبي اللا في الشهر الثامن او التاسع
واحيانا في بداية الشهور ينعرف

**أم عبير..** · 2010-07-30, 18:32

ما عرفتو يمكن لانه مسكر ريوله طول الوقت
انتي اشتري اغراض البيبي بألوان البرتقالي والاصفر والاخضر
يناسب البنت والولد

**حلى العين** · 2010-07-30, 18:37

على حسب وضعية الجنين .. يمكن كان مسكر ريوله عشان جيه ما عرفوا ....

**وفية حق زوجي** · 2010-07-30, 18:47

مدامج أمس مسوية اتريي جي اسبوعين وروحي عيادة زينة وانشالله تعرفين أختي
الله يسهل عليج انشالله

**love rak** · 2010-07-30, 21:06

تسلمون خواتي

**PEACH** · 2010-07-30, 21:09

ليش مستعيله .. إن شاء الله بتربين بالسلامه وبتعرفين ..

أحيانا وضعية الجنين ما اتساعد .. أنا على ثاني حمل قالت لي الدكتوره مب واضح بعدين قالت تسعين بالاميه ولد ..

ولما ربيت يبت بنوته فديتها مخبلتني (الله يهديها ويحفظها) .. قلت الحمد لله ما سمعت كلامها واشتريت ملابس أولاد كنت بتوهق ..

والحين قالت لي الدكتوره شو عندي بس أخاف أصدقها مع انها كانت واثقه جدا من الصوره ..

ادعي ربي يقومج بالسلامه ويرزقج بالذريه الصالحه المعافاه .. وإن شاء الله بتتيسر أمورج ..

**بنت المسافر** · 2010-07-30, 21:35

للرفع

**ام فصووولي** · 2010-07-30, 21:47

والله ياختي ماعرف شسالفه يعني ماقالولج انه مسكر ريله مثلا يعني بدون سبب يقولون لج مايبين ؟؟؟

**رؤوس الجبال** · 2010-07-30, 21:55

غريبة بالعادة يعرفون من بداية الشهر الرابع رحتي ل نارميلا وايد زينة في تحديد الجنس ودكتورة عايدة بعد اوكي

**بنت-المها** · 2010-07-30, 22:35

أنا فالشهر السابع و نفس الشي للحين ما عرفت شيكت فالشهر الخامس و السادس و ما بين يقولون مسكر ريوله و مو بنفس الدكتورة و التانية قالتلي احتمال 70% بنت على أساس أغلب لي مسكرين ريولهم بنات و الله أعلم و أخر زيارة قبل أسبوعين ما سألت و الحين عندي موعد بعد أسبوعين و الله كريم يرزقني لي فخاطري و فخاطرج بصحة و عافية يا رب

**خيماووويه** · 2010-07-30, 23:28

الغاليه هذا امر طبيعي لاتسوين جذه بعمرج تلفين العيادات عشان جنس الحنين انا في عيالي يوم خلصت السابع ودخلت الثامن قالو لي اهم شي صحتج انتي بالاول والجنين يكون طبيعي والله يحفظه يارب

الموضوع: عندي سؤال بسيط

أدوات الموضوع

عرض

العرض المتطور