تجربتي مع عملية شفط الدهون

[wadha@ae]

بنات السلام عليكم اشحاااااااااااااااالكم
انا سويت عملية الشفط اخيرا الحمدالله سويتها يوم الاحد دخلت المستشفى الساعة 7ونص جهزوني حج العملية يتني الدكتورة السحر شخطتني بالماركر في كل مكان وعقب ماخلصت قالت ودوها العمليات
طبعا دخلت الفرفة الساعة 9 وربع ودخلت على اساس انه بنج موضعي والله يابنات اني ماحسيت بعمري الل وهم يوعوني (مداااااااام مدام عملية كلاص) جان انش من البنج واستغربت شو العملية خلاص عيل اي بنج موضعي ثرى الجماعة عطوني بينج كامل وانا مادري .
المهم تميت في غرفة الافاقة وياي كم من ممرضة ويتني الدكتورة تعبت واااااااااااايد بعد العملية وايد جسمي كان يعوني وايد والمشد الي ملبسيني ياه وااااااااااايد راص واحس اني ماروم اتنفس ولا اتحرك
المهم تميت متحرجص اباهم يشلون القصطرةالي حاطينها بعد فتره لين شلوها عني ويتني النيرس وعطتني شوي ماي اشرب والله ماكملت شوي الا وانا مرجع كل البنج
وووووووووووووووواع
المهم ماخبرتكم انا ظهرت من العملية الساعة 2 الاربع وطلبت منهم يراوني الدهون الي شلوها عني يابولي الدهون وصورتها بالتليفون ساحبين عني 4,5 ليتر من الدهن شكل صدج وااااااااااع
وبعدين خلوني امشي شوي وسرت الحمام كرمك الله بس طبعا المشد يخلي الوحده مب رتاحه ابدا تحسين في شي غلط.
سرت البيت وطبعا ما اقولكم ع العواااار والله اني تميت اصيح واجول شو لي سويته في عمري ما يسوى عليه ها التعب كله والعوار .
المهم عدى اليوم الاول واليوم الثاني احسن شوي وانا في اليوم الثالث اليوم والحمدالله احسن بوايد بس طبعا ريولي متنفخة وجسمي كله مورم بس الدكتورة قالت عادي بيخوز عقب كم يوم.
طبعا الدكتورة عطتني موعد يوم الاثنين الياي عسب تبطل المشد والشاش وكل شي لافتني فيه وانا اتريى ها اليوم بفارغ الصبر.
ولي مايعرف انا مسوي العملية في الارداف وفي المنطقة الخلفية هههههههههههه حتى الدكتورة تجولي انتي متأكدة تبين تسوينها وانا اجولها هيه تعيد وتزيد في نفس السؤال لين قبل ماادخل العمليات وهي تسأل وانا اجول هيه وبعدين جلتلها ليش تسألين كل ساعة جالت لان الكل الحين يبغي يكبر وانتي تبين تصغرين .
وان شالله بوافيكم بالتفاصيل اول بأول

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[نور القمر2000]

الله يقومج بالسلامة
بس مابيبين على طول
لانج بتحسين ماتغير شي في جسمك ولكن بعد اربع اشهر بتحسين بالفرق الكبير

[رعشــ هدب ــة]

كنت أفكر اسويها بس الحين غيرت رايي مافيني على الألم

[برق لمع]

اممم خوفتيناالغاليه انا كنت ابا اتاكد حلال ولا حرام عدل واتوكل واسوي في بطني عقب كلامج لا ما فيني بالمره

[حرم_قناصUAE]

طمنينا بالنتايج

عوار ساعة في العملية ولا عوار كل ساعة وها الاوزان الي شايلينها ويانا

[دهن_العود]

الحمد الله على سلامتج

[ذهرة الفل]

الحمد الله على سلامتج عزيزتي وان شاء الله تستانسيين باللوك الجديد بس ما قلتيلنا ليش ماسولك بنج موضعي وكم كان وزنك قبل العمليه وسلامات مره ثانيه

[wadha@ae]

الله يسلمكم من كل شر
بنات انا مب قصدي اخوفكن بس يمكن انا ماروم اتحمل العوار وغيري اقوى عني شوي ويمكن لما اشوف النتايج احس ان كل العوار كان بفايدة
بس الواحد يتوكل ع رب العالمين وهو بيسهل كل الامور.

[wadha@ae]

الحمد الله على سلامتج عزيزتي وان شاء الله تستانسيين باللوك الجديد بس ما قلتيلنا ليش ماسولك بنج موضعي وكم كان وزنك قبل العمليه وسلامات مره ثانيه

هلا حبيبتي
ليش ماسولي بينج موضعي لان خافو انش في نص العملية لان خذت وقت طويل تقريبا 3 ونص وكان وزني 72 بس انا جسمي صغير من فوق وخصري صغير بس عندي الارداف شوي مليانة .

[برق لمع]

وين سويتيه وبكم وشو اسم الدكتوره

[روان 12]

و الحين شو انتيجه و علي كم كانت العمليه
الحمد الله علي سلامه

[fayroooz]

الحمد لله على السلامة حببيتي ... بالنسبة للعملية انا مسويتها قيل 5 سنوات في سوريا رائعة ... الالم سخيف بصراحة مقابل الشكل الجديد اول شي بصير ازرق محل الشفط وشوية الم ولكن بس اسبوعين وشوفي الفرق انا شفطولي 8 وشوي ... انا كان عندي اراددف مرض بارزة وجسمي ضعيف مابتتخيلون كيف الحمد لله رائعة بصراحة انا اشوف هني وايد غالي ليش حرام اسمع فوق 40 الف خير تعرفون في سوريا ب40 الف تشفطين بيتكم كله...هههههه.. والله تقدرين بهالمبلغ واطباء فهامين مو تجار نفس هني تقدرين والله تسوين خشم وعيون وشد وشفط وغمازة بعد وتزرعين شامة وتسوين اخر شي سياحة في سوريا

[أم اليازيـــة]

انا ما بفتي بس يقولون ويع العملية مثل ويع العملية القيصرية ....

[زهره مرحه]

انا ما بفتي بس يقولون ويع العملية مثل ويع العملية القيصرية ....

ويع العمليه القيصريه اكثر انا مجربه القيصريه مرتين وقبل شهر سويت هذه العمليه والحمدالله فرق شاسع بين جسمي قبل والحين

[bellegirl]

الحمد الله على سلامتج عزيزتي