منو اتمنت شخص و ماكانت بينهم علاقة قوية و بقوة الدعاء و اليقين الله رزقها ؟؟؟

**طامحة للرشاقة** · 2010-07-25, 01:39

السلام عليكم و رحمة الله و بركاتة

شخباركم خواتي ؟

اليوم عندي موضوع

بصراحة انا محتاجة شوية تجارب منكم او من صديقاتكم

في خاطري اعرس ، مثل اي بنت ، بس انا صغيرة عمري 18 سنه بس

الحمدلله يتقدمون لي بس ارفضض بس كل واحد فيه شيء ما يعيبني او بالاصح ماارتاح من الاسخارة او ماحس ان في نصيب حتنى امي اتقول انا ما ارتحت له وايد يعني جي مب بطرانه و ااااااااااالله لاني في خاطري شخص و احس ان اباه هوو

انا اعرفه بس ما بينا اي علاقة و اصلاا هو ما يعرفني

انا ما بقول اني احبة و الله ما عمري شفته ع الطبيعة بس خاطري اكون حرمته اعرف اهله اخته خالته كلهم و النعم فيهم ما شاء الله

و اعرف عنه و عن حياته يعني معرفه عاادية

و خاطري استوي من عايلتهم

و دووووووووم ادعي و اتصدق و استغفر و اقرر سورة البقرة احاول احفظها

خبروني خواتي منو كانتت تتمنى شخص

وما تربطها به اي علاقة يعني لا اهل و لا شيء

و هو ما يدري عنها و مب قريبه منهم واايد

و دعت و الله يسر لها و رزقها و فررررح قلبها الله على كل شيء قدير

و الله ما يعجزه شيء هو قادر على كل شيء و انا اثق و متيقنه بهالشيء

يلاا عطوني معنوية و اذا في نصايح ^^

لا تضحكون الي تبا اتعلق اتعلق بشيء حلو
ماباكم اتزعلوني و بالعكس انصحوني اذا تبون

المزيد من آخر المواضيع من نفس القسم:

**❥~S** · 2010-07-25, 02:21

أنآ مجربــه هالشي
ولد عمي كآن مجبور يتزوج بنت عمي غصب
وهو يبآني وأنآ أبآه من 8 سنين
بس كنآ نتشآوف ونتلاقى ونعرف هالشي بالعيون
والله وثم والله مابينآ غير السلامَ
بنآت عمي أقرب لي وخوآتي ماعندي غيرهن
كنت دوم أقولهن أحب أخوكن بس دآيمآ يقولن مآشي مجآل
بيآخذ بنت عمي وأنتي مستحيل يآخذج ، والله حسيت نفسي أفكر ف ريال معرس هههـ،
وبنت عمي اتحبــه ، قلت الهن ريلي وبيكون من نصيبي وأرضى أكون الحرمه الثآنيه
وأخوكن يحبني وأنآ متأكده من هالشي ولو مآخذني ع الأقل مطمنه أنه هوه يبآني أنآ
كم اتقدمولي وكم لكني أرفضهم والجواب ــــــــــــــــــــــــــــ مآشي إجآبه تقنع أهلي !!!
بس اتكفي دموعي هههـ،
تميت أصلي قيآم الليل وأدعى أنه يكون من نصيبي ، وكآن عندي أمل
إدعيت ليل نهآر وبنآت عمي يضحكن عليه
وأقرآ القرآن بس مب سوره معينه
أجزاء ، دوم أقول بيآخذني وواثقه
سرت العمره ورديت تفآجأت أنه يزهب لعرسه بس هوه مايبا وبيعرس عشآن يرضي أهله !
قلت يالله يآبنت الحلال انتي استخرتي ومالج فالطيب نصيب
صح قلبي كآن يعورني وفي حالتي بين الحزن والكآبه
بسسسس

( شآء القدر وأنه ماصار نصيب بينه وبين بنت عمي وهوه قال ماباها وابا بنت عمي الثآني
وألحين أنآ خطيبته وإن شآءالله ملجتنا اتكون جريبه وعرسنآ ع السنه اليآيه أو الي عقبهآ إن شآءالله )

قولن مآشآءالله ^^

ودعوآتج لي
وإن بغيتي حد خلي ايمآنج بربج قوي
وإدعي ليل نهآر
بس قبل أي شي استخيري
استغفري ربج

وإن كآن مآلج نصيب ويآه ، فصدقيني الله بيجدم لج الخير =)

**عالية الغالية** · 2010-07-25, 02:29

الله يرزقج ويرزق بناتنا وبنات المسلمين بالازواج الصالحين المصلحين الاغنياء بدينهم واخلاقهم وعلمهم واهلهم واموالهم وكل خير

استمري بالدعااااااااااااااااااااااااااااء خاصة في مثل هالوقت --الثلث الاخير من الليل ---

وبين الاذان والاقامة

اخر ساعة من يوم الجمعة

ادعي من خاطرج وصيحي وقولي يارب ابغي اتزوج فلان اذا كان في زواجي منه خير لي --لان سبحان الله يمكن ما يكون في زواجكم خير وتتبهدلين معاه

(وعسى ان تحبوا شيئا وهو شر لكم )

اي شي تبين تدعين به قولي اذا كان في هالامر خير لي فيسره وعجله لي

كثري استغفااااااااااااااااااااااااااااااااااااااااااار

**برق لمع** · 2010-07-25, 02:31

حبيبتي صدقيني الدعاء يرض القضاء ادعي وان شاء الله الله يختار لج الخير
وان ما كان من نصيبج الله يمكنن كاتب لج الخير مكان ثاني

**(MOON)** · 2010-07-25, 02:34

كل شي قسمة و نصيب و الله يرزقنا الي فيه الخير
الله يرزقكم بالزوج الصالح و الذرية الصالحة آمين يا رب العالمين
ربنا هب لنا من أزواجنا وذرياتنا قرة أعين واجعلنا للمتقين إماما

**سوارة** · 2010-07-25, 02:35

استغفر الله
استغفر الله استغفر الله
استغفر الله استغفر الله استغفر الله
استغفر الله استغفر الله استغفر الله استغفر الله
استغفر الله
استغفر الله
استغفر الله
استغفر الله
استغفر الله

**بنوته كفالي** · 2010-07-25, 02:35

الصراحه

موضوع عجيب و يديد و قوي و حلوووو وايد عيبني ^_^ هههههههه لاني ملقوفه

و بتم اتابعه عشان اشوف ردود البناااااات .....

الله يكتبه من نصيبج يااااااارب عاجلا ليس اجلا ً.....

و S

سبحان الله ... لا يــــرد الـقــضــــــــاء الا الدعـــــــاء ......

ماشاءالله الله يتمم لج على خير يارب و الله يسعدكم ^_^

دعواتـــــــــكـــم

**شووواقي** · 2010-07-25, 02:35

انا ماجان في بالي احد بصراحه بس كل الي اباه اني مااخد احد من العايله
وجنت اتمنى واحد عيناوي مدري ليه احس فيهم روح البداوه والغيره والبساطه وصليت ودعيت بس ماجان في بالي
مجرد امنيه
وتقدم لي عيناوي لا اعرفه ولايعرفني لامن قبيلتي ولا اي شياته الهم اتعرف على اخوي بصدفه وصاروا ربع ومره جافني ويا اخوي وتقدم سيده وفرحت انه عيناوي واخوي جان يمدحه وايد وبصراحه ماندمت طووووووووووول ربي يخليه لي
ادعي واستخيري واقرئي القران ورب العالمين اعلم بنيات وربي يرزقج من حلاله

**روح سلطان** · 2010-07-25, 02:59

اممم انـِـِـا كنت شـِـِــِراتج ..

اشِــِـوفه فالتلفزيـِـِـِـون و اخـِـِـِاف من هيبتـِـِـِه و مــِـِاكنت اتخيـِـِـِـِل انه نحـِـِـِن لبعض هـِـِـو وين و انـِـِـِـا وين شرات الحــِـِِـاكم و انا من العـِـِامه.. و هذو نحـِـِــِن مع بعـــض الحمدالله الاستغفار مفتاح لكـِـِـل الصعـِـِِـاب .. و اذا رب العـِـِـِالمين كـِـِاتب لكم نصيب بتـِِـِـاخذينه .. و بدعي لج من قلـِـِـِـبي ..

**مهاوي الغوى** · 2010-07-25, 03:30

الله يرزقج ان شاء الله

**غزلان البراري** · 2010-07-25, 03:52

استمري ف الدعاء
واذا لج نصيب بتاخذينة

**ماطعت اضعف** · 2010-07-25, 07:30

سبحان الله ف بالي هالسؤال ,, وانا بعد صح اشوفه مستحيل ,, بس دايما اقول ان الله على كل شئ قدير ,, يعني اي شي الله يقدر يسويه حتى لو ما نتخيله والله يرزقج ما تتمنين وانا بعد

**مرسى المحبين** · 2010-07-25, 08:33

المشاركة الأصلية كتبت بواسطة ❥~S

أنآ مجربــه هالشي
ولد عمي كآن مجبور يتزوج بنت عمي غصب
وهو يبآني وأنآ أبآه من 8 سنين
بس كنآ نتشآوف ونتلاقى ونعرف هالشي بالعيون
والله وثم والله مابينآ غير السلامَ
بنآت عمي أقرب لي وخوآتي ماعندي غيرهن
كنت دوم أقولهن أحب أخوكن بس دآيمآ يقولن مآشي مجآل
بيآخذ بنت عمي وأنتي مستحيل يآخذج ، والله حسيت نفسي أفكر ف ريال معرس هههـ،
وبنت عمي اتحبــه ، قلت الهن ريلي وبيكون من نصيبي وأرضى أكون الحرمه الثآنيه
وأخوكن يحبني وأنآ متأكده من هالشي ولو مآخذني ع الأقل مطمنه أنه هوه يبآني أنآ
كم اتقدمولي وكم لكني أرفضهم والجواب ــــــــــــــــــــــــــــ مآشي إجآبه تقنع أهلي !!!
بس اتكفي دموعي هههـ،
تميت أصلي قيآم الليل وأدعى أنه يكون من نصيبي ، وكآن عندي أمل
إدعيت ليل نهآر وبنآت عمي يضحكن عليه
وأقرآ القرآن بس مب سوره معينه
أجزاء ، دوم أقول بيآخذني وواثقه
سرت العمره ورديت تفآجأت أنه يزهب لعرسه بس هوه مايبا وبيعرس عشآن يرضي أهله !
قلت يالله يآبنت الحلال انتي استخرتي ومالج فالطيب نصيب
صح قلبي كآن يعورني وفي حالتي بين الحزن والكآبه
بسسسس

( شآء القدر وأنه ماصار نصيب بينه وبين بنت عمي وهوه قال ماباها وابا بنت عمي الثآني
وألحين أنآ خطيبته وإن شآءالله ملجتنا اتكون جريبه وعرسنآ ع السنه اليآيه أو الي عقبهآ إن شآءالله )

قولن مآشآءالله ^^

ودعوآتج لي
وإن بغيتي حد خلي ايمآنج بربج قوي
وإدعي ليل نهآر
بس قبل أي شي استخيري
استغفري ربج

وإن كآن مآلج نصيب ويآه ، فصدقيني الله بيجدم لج الخير =)

صاجه اختي والي فيه الخير بيجدم لج رب العالمين وانا بعد بس ما كان لا ولد عمي ولا شي بس كان اخو رفيجتي و ماكان بينا شي مع ان ملج على وحده ثانية بس اسبوع و صار بينهم مشاكل و ما صار بينهم نصيب و تقدملي و الحمدالله الحين متزوجين و وعندنا يهال ولد و بنت الله يخليهم لي.

**بنت الهيئة** · 2010-07-25, 09:41

انا اكبر مثاااال اتذكر في ناااس من معارفنا ...اخته كانت تتكلم مع اختي عن اخوها..وصفاااته ...
دعيت ربي في قياام الليل قلت يارب اذا فلان خير لي يارب يكون من نصيبي من كثر ما اخته كانت تتكلم عنه ههه وانا كلي اذان صاغية
دعيت من قلبي وكنت على يقين ....وكنت حاااسة اني بيناسبوني ..

وسبحااان الله صااار من نصيبي. خطيبي.والله يتتمم علينا ..

**اناناسة** · 2010-07-25, 10:53

عجبتيني عجبتيني والله

ليش نضحك عليج؟؟ بالعكس بدعيلج حبيبتي

انا باعتقادي الدعاااء و التضرع الى الله ان كان هالشئ لمصلحتج الله بيحققلج غاليتي

الموضوع: منو اتمنت شخص و ماكانت بينهم علاقة قوية و بقوة الدعاء و اليقين الله رزقها ؟؟؟

أدوات الموضوع

عرض

منو اتمنت شخص و ماكانت بينهم علاقة قوية و بقوة الدعاء و اليقين الله رزقها ؟؟؟

المزيد من آخر المواضيع من نفس القسم:

المواضيع المتشابهه

حركة الجنين قوية قوية قوية....ومؤلمة...ادخلوا يا كروشااااات

منو اتمنت شخص و ماكانت بينهم علاقة قوية و بقوة الدعاء و اليقين الله رزقها ؟؟؟ PART 2

ياز المبارك بينهم لافرق الله بينهم..عاشو بعز و في هنا ينالون الثنين المنى

حاول أن تروضني : الأوامر من غير علاقة قوية تساوي تمرداً