تعبت من علاقات ريلي

[زعفرانة دبي]

والله اني تعبت متزوجه
من 19 سنه وبينا كل حب بس دايما اجكه بعلاقات في التيلفون او المسن مع البنات والله مب عارفة شو اسوي طفح الكيل ..وكل مرة ازخه يتاسف ونكون ابخير لفترة وبعدين من اول ويديد علاقة يديدة ...شو اسوي شو الحل ويه هالريل الي مايحس ولا يتوب مع انه ايعرف ربه ويصلي ويصوم الفروض اللي عليه وزدو بس هالشي مب قادرة اغيره فيه ...ساعدوني والله انه نفسيتي تعبت وعيالي احس اتعقدو من مشاكلنا وجكات ريلي تعبانة وايد والله

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الفراشهـ]

اسئليه انج فشو مقصره وياه .؟ وليش يسوي جي .؟

والله يهديه ..

[راعية الدلوعة]

امكن الان الاخريات والعشيقات يحسسنه برجولته ويمدحنه ويدلعنه ويلقنه باحلى صورة وواحلى اسلووب واحلى سوالف
لان الريال يفتقد هذي الامور وهب معنى انه مايلغيج ويحترمج لا بس هو محتاج لهذا االاحساس

انتي اعرفي شيخصية ريلج هل هو شمالي او جنوبي او غربي او شرقي وبعدها شوفي الحلول اللي تناسب ريلج ونوعيته

شفتي لما الواحد بيسوي عملية كم من الوقت يحتاج يفكر ويحاتي ويختار احسن المستشفيات
او شفتي الوحده لما تبا تفصل فستان وبتصرف مالية فيه وتفكر عند اي مصمم تسويه

هو ريلج يحتاج الى كل تفكيرج واساليبج وابداعج
ولا تنسين فترة 19 سنة تحتاج الى تجديد وابتكار في كل شيء من الالف الى الياء


وبالتوفيق يالغلا

[♥..Tschüß]

يا اختي العيب مب فيج

العيب ف ريلج صار عنده ادمان علاقات تقولين 19 سنه ماتغيير تتوقعين بيودر هالطبع الحين ؟

عليج بالدعاء اختي والله يهديه ويسخره لج

[أم سلامه2006]

علييييييج بالدعاء والاستغفار وان هو ما حس انه لازم يتغير محد بيغيره
والله يعينج

[دمووووع]

غيري من روتين حياتكم

بما انج معرسه من زمان ( ما شاء الله ) اكييييييييد عيالج كلهم كبار
حاولوا تطلعون فالاسبوع مره على الاقل بروحكم

سوي حق ريلج من الليالي الرومنسيه

سوي يوم فالاسبوع ليله مساج مثلا

سافروا فالسنه على الاقل مره بروحكم لو اسبوع والا 3 ايام بدون العيال طبعا

حاولي تغيرين من شكلج كل فتره
سيري الصالون وغيري كل شي >>صبغه والا هايلات _ قصه يديده فالشعر _ اهتمي بعمرج زياده

يعني دوري لج سوالف يديده والنت متروووووووس ترس من هالسوالف

والله يهدي ريلج ان شاء الله

[اناناسة]

ماشاءالله تبارك الله 19 سنه و هو مستمر ؟؟ و ما تغير ؟؟

انا اقولج شئ حبوبة ان في 19 سنه ما تغير ما بيتغير الا اذا هو اقتنع بهالتغيير

و لكن ان من يوم استوى و هو مع بنات هالشئ ما

بترومين تغيرينه

يا بنات مب شرط هو شيبه لانه متزوج من 19 سنه

ممكن كان عمره 20

عندي اسئلة :

هل هو كان جي عادته من يوم تزوجتوا او عقب تغير؟؟

ان ما كان جي و عقب تغير معناته لالالالالازم

تشوفين شو اللي متغير فيج ممكن انتي تكونين

السبب مثلا هو يحب السوالف و انتي عكسه

هو يحب الصراحه و انتي ما تصارحينه

هو يحب تسمعينه كلام دلع و تحسسينه برجولته

و هو حلو و ما شابه و انتي تبخلين عليه

يعني شئ تغير فيج انتي و غيره هو..

انا ما اقصد انتي مقصرة و لكن بعد طول السنين

الشخص يمل سواء الحرمه او الرجل

يعني يملون من يحاولون يغيرون الجهه الثانيه

و يملون من الرووتين و بالذات اذا احدي الطرفين مقصر

مثلا هو يشوف نفسه رئيس البيت و هي تحت امره

او العكس يعني التفاهم يختفي و يتمون عايشين

و ما من بينهم اي علاقه او علاقه من طرف واحد

او من الطرفين و لكن برود دفين في داخل واحد منهم

و بس يتريا شئ يبين نفسه في هالحاله

الحب يموووت من الطرف المظلوم..

الحين انتي ما موضحه موضوعج و صعب نساعدج
بالمطلوب

[دنيا الوله^,^]

امكن الان الاخريات والعشيقات يحسسنه برجولته ويمدحنه ويدلعنه ويلقنه باحلى صورة وواحلى اسلووب واحلى سوالف
لان الريال يفتقد هذي الامور وهب معنى انه مايلغيج ويحترمج لا بس هو محتاج لهذا االاحساس

انتي اعرفي شيخصية ريلج هل هو شمالي او جنوبي او غربي او شرقي وبعدها شوفي الحلول اللي تناسب ريلج ونوعيته

شفتي لما الواحد بيسوي عملية كم من الوقت يحتاج يفكر ويحاتي ويختار احسن المستشفيات
او شفتي الوحده لما تبا تفصل فستان وبتصرف مالية فيه وتفكر عند اي مصمم تسويه

هو ريلج يحتاج الى كل تفكيرج واساليبج وابداعج
ولا تنسين فترة 19 سنة تحتاج الى تجديد وابتكار في كل شيء من الالف الى الياء


وبالتوفيق يالغلا

[أم حمدة2008]

لا إله إلا الله ...

[همس المشأعر]

الله يهديه ويسخره لج

[احلى سمراء]

الله يهديه ان شاء الله

[أم راشد العين]

عليج بالدعاء اختي والله يهديه ويسخره لج

[فديتني حبوبة]

ما شا الله عليها الأخت: راعية الدلوعة

ما قصرت


في حفظ الرحمن

[العوف]

آللہ آلمستعآن

[المـHــآ]

للرفع