الي سارت تركيا تدخل .... ^^

**El Noor** · 2010-07-19, 23:42

هلا ... شحالكن ...

ان شاء الله تاريخ 29 بسير تركيا .. المهم حجزنا في هالفندق sheraton istanbul atakoy hotel على طرف اسطنبول يبعد 15 دقيقه تقريبا عن ميدان تقسيم ..
أنا أبا أعرف الجو عندهم .... و شو أحلى مول و الأماكن الي ماتتفوت هناك و الآوتلت مالهم اوكي ولا ،، نحنا بس بنتم في اسطنبول يعني مابنسير مكان غير !

و ثااانكس ^^

المزيد من آخر المواضيع من نفس القسم:

**3thbeh** · 2010-07-20, 00:02

حلو....... هممم زوري المتاحف والقصور والمساجد ...... بالنسبه للمولات ماذكر اساميهن بس ممكن تقولون للمرشد السياحي الي وياكم وهوه يوديكم ... وسيري السوق المسقف ولاتفوتين الرحلات البحريه

**um-beereg3** · 2010-07-20, 00:06

خاطري اروحلها

للرفع

**ilqa6wa** · 2010-07-20, 02:14

الصراحة من سنيييييييييييييين سايرتنها فما أتذكر للأسف
ان شاءالله البنات يفيدنج

**جزيرة الأمان** · 2010-07-20, 03:16

مرحبا الغاااالية،،،،

نحن إن شاااااء الله رايحين تركيا بس ما بنطول في استنبول يمكن يومين لأن سمعنا إنها حااارة هالأياام

بنروح فيها جزيرة الأميرات ومناطق أثرية،،،

**Mawaz** · 2010-07-20, 09:23

مرحبا اختي

الموجودين في تركيا هالايام يمدحون الجو بس هم مش في اسطنبول بس لحد آخر الشهر بيكون الجو صار احسن ان شاء الله
ثانيا في اسطنبول مثل ما قالوا الاخوات كل المسافرين يروحون زيارة لجزيرة الاميرات صحيح ما فيها شي مميز بس خذيها من منطلق تغيير الجو وجولة بحرية والجزيرة التنقل فيها بالكاريتة(الركشة، الحنطور) او الدراجات الهوائية (رائحة روث الاحصنة مزعجة شوي للبعض)
زيارة القصور والمتاحف بتاخذ منكم يومين اذا قررتوا تزورون اكثر من مكان
من اسطنبول ممكن تروحون رحلة لمدينة بورصا الخضراء وتصعدون بالتلفريك لقمة جبل الوداغ وممكن تصعدون بالسيارة اختصارا للوقت وحتى تمرون على الشجرة التاريخية وهاذي الرحلة لازم تكون بدري حتى تقضون يوم كامل في بورصا وترا الجو فيها حلو
من المولات اللي انصح بزيارتها استانيا بارك(استونيا) وجواهر مول
هذا على السريع

**الفلاحيه 1** · 2010-07-20, 12:00

نحن من يومين رادين من تركيا
الصراااحه تركيا روووعه خاصه للعايله الصغيره الي مافيها شباب يذمروون
انا كنت من البدايه مخططه اروح اوزنجول وهذا مكان كله طبيعه جووو رهيب الجبال الخضراء تحيط بج من كل مكان
تطلع الشمس الصبح شويه وتختفي وتباد الغيوم تنزل ... تمشين ولا تحسين بالوقت لا حراره ولا رطوبه ..الشلالات والنهر والبحيره عالم ثاني ..سبحان الخالق والاهم في هالقريه انهم كلهم مسلمين والحياه عندهم بسيطه يعني لا مولات ولا العاب ولا مكيفات وشقتنا كانت مقابله للمسيد
استنبول حاره شوي بس زينه .. انصحج تزورين منتدى زاد المسافر بتعرفين كل شي عن تركيا واذا تبغين رقم مكتب سياحي برسلج اياه عالخاص.
واخيرا اقووول
بلادهم حلوووه بس الوطن مااااااله مثيل

**أحلى زهرة** · 2010-07-20, 13:34

جو اسطنبول ماتعرفين له فجأة يطيح مطر عندهم حتى المرشد قال لنا 3 اشياء ما تضمنينهم فاسطنبول الجو والماي وشي بعد بس ناسيه....روحي جواهر مول وolivium وعندهم مول للماركات العالميه وروحي شارع الاستقلال جريب من شارع تقسيم فيه محلات وااااااابد وزحمه ورابشين

وروحي مضيق البسفور روووعه وجزيرة الاميرات

هذا اللي يحظرني حاليا

**honest** · 2010-07-20, 17:18

انا توني راده من تركيا و اسطنبول حاااارة و المولات عندهم مول يديد اسمه استينيا بارك اكبر مول على قولتهم ... و جواهر مول بعد و غراند بازار و في بعض المحلات في شارع تقسيم ... و الاماكن السياحية عيبتني جزيرة الاميرات

**قلبي بوظبي** · 2010-07-20, 17:32

شوفي انا توني راده من اسبوع

سيري مطعم اسمه OPA قريب من الجسر اللي يفصل مابين الشق الاروبي والاسيوي روعه وايد راقي حتى بتشوفين الطبقه الغنيه من الاتراك فيه والسااايير الفخمه ووايد حبيت هالمطعم

عندج مول استنيا بارك مول كبير كله ماراكات على فكره مب وايد يختلف عن مولاتنا نفس المحلات بس كذا محل

جواهر مول حسيته عاادي بس يمكن محلات النعول حلووه وفيه محل اطفال حلو ماذكر شو اسمه حلو

متروو موول رووووعه هالمول ستايله وااايد حلووو دائري وفيه سنما تقدرون مره تتعشوف فيه وتشوفون فلم على السريع وعداله مرره مول ثاني بس 3 دقايق مشي بعد حلوو

عندج جزيره الاميرات ماحبيتهاا ابدا يعني جزيره وياخذونج بالحنطوور حولين الجزيره بس ترا هي حلاتها بالرحله البحريه

طبعا المسااجد المسجد الازرق واياصوفيا وقصر ااتورك لازم تسيريله القصر وااايد حلووو

وبعد شي مكان كله مطاعم حلووه على البحر نسيت اسمه

السوق الشعبي مالهم والسوق المصري حلوو

بتستانسييين وااايد ف اسطنبوول وااايد حلووووه بس ياريتكم لو حاجزين ف مكان ثاني غير الشراوتون بعيد احسه شوي بس بتفتكون من عيون العرب المتطفله صح وعندج شارع تقسيم وااايد حلووو ومطعم اسكندر قريب منه

الموضوع: الي سارت تركيا تدخل .... ^^

أدوات الموضوع

عرض

الي سارت تركيا تدخل .... ^^

المزيد من آخر المواضيع من نفس القسم:

المواضيع المتشابهه

اللي سارت تركيا تدخل تفيدني يزاها الله خير

الي سارت تركيا تدخل لو سمحتن؟؟؟

الي سارت تركيا مع عيالها

منو سارت تركيا في الشتاء ....؟

منو سارت تركيا هالسنة؟