خلاص بتتخبل

[ميره ابوظبي]

السلام عليكم

اليوم بحطلكم مشكلة ربيعتي الي هي ويانا فلمنتدى بس ماتبا اتحط المشكله بسمها عشان لاحد يعرفها و الصراحه مشكلتها ملعوزتنها واااايد لدرجة انها صارت تحاول ما تعصب عشان ايها ويع قام فبطنها من العصبيه .


المهم يا بنات ربيعتي عمرها فلعشرينات و ماشاالله عليها حلوه و تربيتها فوق ما تتصورون و شخصيتها وااايد قويه حتى كل حد ايقولها تفكيرج اكبر عن سنج و ماشاالله عليج و حتى الحريم ايقولون حق امها نحسدج على هلبينيه .

المهم سلمكم الله ربيعتي اهلها معتمدين عليها وااايد يعني ايسافرون و يخلون الصغاريه عندها و جي و هي ادير البيت كامل حتى لو اقولكم لاي درجه ما بتصدقون رمضان الي طاف اهلها كانو مسافرين و هي الي مزهبه و مشريه كل شي و يوم اقووول كل شي اقصد فوالت البيت و الصحون و غيره و ماشاالله عليها عمرها ما قالت حق حد ولى اشتكت من هلمسؤوليه الي مسكينها اياها حتى خوانها الصغار ع راسها يوم اهلها ايسافرون و لو اتشوفونها كيف اتعاملهم والله جنها امهم مب اختهم . المهم انه الحين مستوتلها سالفه ويا اهلها هم مسافرين و هي الي ماسكه البيت و اليوم فليل اخوها العود بيوصل من السفر و هي بطبيعتها اتحب خوانها واااايد فسلمكم الله ما خلت شي ما سوتله اياه الي ايحبه والي ما ايحبه و طبعا و هي اتسوي و اتعابل فلمطبخ انتبهت انه تبا اغراض و مب موجوده فلبيت فراحت الجمعيه تشتريهم و دقت حق اخوها و يالسه اتسولف وياااه و عقب ما ردت البيت يلست اتسوي و عقب دق اخوها و قالها انه فخاطره اكله و نفس الشي طلعت عشان تشتري اغراض حق هاي الاكله و عقب ما ردت ويالسه اتسوي فلمطبخ دقلها ابوها و ايشاتمها و انتي وااايد تطلعين و مادري شو و يالس ايزاعج عليها و هي يحليلها كله تطلع ويا اختها ما اتحب تطلع بروحها حتى لو بتسير ويا ربيعاتها لازم اتودي اختها وياها و دقتلي اتصيح و مادري شوو و اتقولي مليت احبهم موووت بس هم ما ايحبوني و كله ايشكون فيني و ما ايخلوني فحالي و كله علي انا اختي ما ايقولولها شي قتلها اذكري الله و هي وااااايد طيبه لدرجة انهم يهزبونها و ايهزئونها و جي و ما تزعل اتقول اخواني و ما اقدر ازعل عليهم .

انا قتلها اذكري الله و اذا هم مب مقدرينج فلبيت لات قدرينهم عامليهم مثل ما ايعاملونج و خليهم ايحسون بقيمتج فما اعرف اذا نصيحتي فمكانها ولى لا بلللليز يا بنات انصحوها والله كسرت خاطري و هي بدش و بتقرا ردودكم . بليييز يا بنات ادعولها اتعرس والله اني احس اهلها ما بيحسون بقيمتها الى لو فقدوها والله العضيم .و المشكله الاكبر من هاي انها يوم اتعصب ما اتبين حق حد تكتم غيضها و من كثر ما اتسوي جي قام ايها ويع فبطنها فضيع يوم اتعصب و محد حاس فيها

اتريا ردودكم يا بنات والله لو سمعتوها يوم اتكلمني و اتصيح بيتقطع قلبكم.

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[نظرة برائة]

الله يرزقها الزوج الصالح إن شاء الله ويسعدها دنيا وآخرة

وهذا ابتلاء من رب العالميين وهي لازم تصبر مهما كان هذيلا أهلها وما بيضيع أجرها

عند رب العالميين والله كريم

وترا العصبيه مب زينه تسبب قولون الله يبعده عنها إن شاء الله

خليها كل ماتعصب تيلس تستغفر وبأذن الله بترتاح والله يوفقها

[شيطونة زغنطوطة]

هلا ميرة بوظبي

فيج الخير ححبوبة

ماما ابوها مازاعج عليها الا لانه خايف عليها وخايف حد يتكلم عليها

دام ابوها بس نازعها ع الطلعه ماتطلع اذا تبا اغراض تخلي اخوها ييب الي ناقص وتحاول يوم تطلع تخبر ابوها

وتفوله سبب الطلعه مافي ابو ولا ام تكره بنتها بالعكس هم خايفين عليها لو مب خايفين عليها جان ماهزبها والله وان شاء الله يرزقها ع قد نيتهااااااااااا والله يرزقها بالزوج الصالح


بالعكس خلج مثل مانتي لا تغيرين تصرفج بس فهميهم وحسسيهم واذا معرسين اخوانها تشكي حق ححريمهم وتقولللهم يخفون عليها شوي يمكن مب منتبهين لهشي بس خليهم ينتبهون وان شاء الله مايصير الا كل خير

[فتاة ليبيا]

شكرا على طرحك الطيب لمشكلة صديقتك

لكن بنقولك نصيحة لأختك.. (إن الله لا يضيع أجر من احسن عملا)

وأي أجر .. هى تخدم في أهلها وتبر في والدينها يااختى.. حتى لو تعبت.. حتى لو انظلمت ... مأجورة ومأجورة ونعم الاجر

صديقتك صدقيني مش خاسرة ولا شئ أولا اكتسبت خبرة في ادارة البيت.. ثانيا اكيد اكيد والدينها من الداخل راضيين عليها... واخوانها متعلقين بيها ... وثمرة كفاحها حا تجنيها مش اليوم ... بكرة يا اختي


لو صبرت داومت على العطاء اللامحدود مع ارحامها (والديها واخوانها) حتشوف ايام في المستقبل حلوة جدا.. لأن الدنيا سلف ودين... حايسخرلها الله زوج طيب ان شاء الله وقل الطيبين في هالايام او ابناء باريين... المهم تصبر وتواصل جهادها لأن ربي يشوف فيها واكيد راضي عليها..

شوفي يا بنتي او يا اختي ... ممكن لو الوحدة بذلت الخير لزوجها ممكن ما يثمرش فيه ويخونها ويحتقرها وممكن جدا يبدلها او يتخلى عنها... لكن اهلك لا...

قيمكتك وقدرك عند اهلك حاتشوفيه لما تكوني متزوجة وهم اكيد حايفتقدوك.. وحايتفكروا دورك اللي لا يقدر بثمن وحا يدعولك... فواصلي المسيرة وما تيأسيش ... حتى اخوانك لما يكبروا حايتفكروا حنيتك عليهم.. بس انجحي في الامتحان الرباني هذا وحاتشوفي جزيل العطاء من الله سريع الحساب

كلنا لما تزوجنا واولهم انا نتمنوا كيف انبروا اهلنا لكن كيف مش عارفيين..

[عليونة]

حليييييلهااااا
الله يرزقها الزوج الصالح واكيد الله بيرزقها ريال يخافه فيها (الطيبون للطيبات)
واكيد الله بيرزقها الذرية الصالحه لانها تسوي كل هاذا لاهلها

[اللآلئ]

المسأله بسيطه ...
و اربيعتج على ما اعتقد عندها القولون االعصبي ..
شكلهاا واايد حسااسه و ابوها كان خاايف عليها بس ..
و اعج عليها بلحظه غضب و الابو ما يحب يشوف بناته طالعات و داشات برووحهم .. هاي كل المسأله يووم و عدى
و ان شااء الله ما يمر هالشهر الا و اربيعتج مخطبوله لريال صالح

[شهيق]

الله يعينها والله وايد غمضتني
الله يرزقها من فضله يارب

[al-jo0oharh]

الصراحه اختي ربيعتج ذكرتني بحالي انا شراتها تقريبا

بس في شوي اختلاف

انا ابوي اذا ناوعني شوي ازعل صج بس اطوف لني عارفه انه خايف علي والناس ما ترحم وخايف الناس ترمس عني

يعني هي في موقف الحينه اهلها مسافرين واي احد يشوفها داشه وطالعه بيقولون شوف اهلها سافروا خذت راحتها

الناس كلهم جي تفكيرهم سلبي

مو عارفين هي ليش طالعه اصلا

بس الناس جي تفكيرهم

عسب جي ابوها خايف عليها حياتي خلها اطوف يالغاليه وتحدد طلعاتها انها تسوي طلعه وحده تجيب فيها كل شي

والله يرزقها ويرزقني ويرزق كل بنات المنتدى بالرجال الصالحين يارب

[ميره ابوظبي]

تسلمووون فديتكم ع ردودكم
و انشاالله تقراهم و ترتاح شوي

[khalejeya]

الله يهديج

خدمة الاهل هي بر لهم

وتحاول ما تطلع كثير

الله يهدي اهلها و يهديها للخير

[وفية حق زوجي]

حليييييلهااااا
الله يرزقها الزوج الصالح واكيد الله بيرزقها ريال يخافه فيها (الطيبون للطيبات)
واكيد الله بيرزقها الذرية الصالحه لانها تسوي كل هاذا لاهلها

[* الأسطوره *]

شكرا على طرحك الطيب لمشكلة صديقتك

لكن بنقولك نصيحة لأختك.. (إن الله لا يضيع أجر من احسن عملا)

وأي أجر .. هى تخدم في أهلها وتبر في والدينها يااختى.. حتى لو تعبت.. حتى لو انظلمت ... مأجورة ومأجورة ونعم الاجر

صديقتك صدقيني مش خاسرة ولا شئ أولا اكتسبت خبرة في ادارة البيت.. ثانيا اكيد اكيد والدينها من الداخل راضيين عليها... واخوانها متعلقين بيها ... وثمرة كفاحها حا تجنيها مش اليوم ... بكرة يا اختي


لو صبرت داومت على العطاء اللامحدود مع ارحامها (والديها واخوانها) حتشوف ايام في المستقبل حلوة جدا.. لأن الدنيا سلف ودين... حايسخرلها الله زوج طيب ان شاء الله وقل الطيبين في هالايام او ابناء باريين... المهم تصبر وتواصل جهادها لأن ربي يشوف فيها واكيد راضي عليها..

شوفي يا بنتي او يا اختي ... ممكن لو الوحدة بذلت الخير لزوجها ممكن ما يثمرش فيه ويخونها ويحتقرها وممكن جدا يبدلها او يتخلى عنها... لكن اهلك لا...

قيمكتك وقدرك عند اهلك حاتشوفيه لما تكوني متزوجة وهم اكيد حايفتقدوك.. وحايتفكروا دورك اللي لا يقدر بثمن وحا يدعولك... فواصلي المسيرة وما تيأسيش ... حتى اخوانك لما يكبروا حايتفكروا حنيتك عليهم.. بس انجحي في الامتحان الرباني هذا وحاتشوفي جزيل العطاء من الله سريع الحساب

كلنا لما تزوجنا واولهم انا نتمنوا كيف انبروا اهلنا لكن كيف مش عارفيين..

[ميره ابوظبي]

تسلمووون فديتكم
و هي قررت بعض ردودكم و قالتلي اشكركم واااااااااايد

[أم سيفان]

عن الويع يمكن القولون و هذا من العصبية

خلها تهتم في صحتها احسن

عن اهلها خلها قبل لا تظهر تستأذن من ابوها عسب اذا حد قاله شي يكون على علم بكل شي

اذا هزبوها تعاتبهم وتناقشهم بهدوء

ترا الاهل مايحبون يشوفون عيالهم زعلانين بسبتهم

لا تكتم في داخلها ولا ترد عليهم بضرابة ووقاحه

و الله يسعدها ان شاء الله

[اماراتي الحبيبة]

كيف ابوها عرف انها طالعه دامهم مسافرين !!!

ع العموم ,،
خلها تستغفر ربها .. بس لين ماقدرت تتحمل
خلاص خلها تترك المسوؤليه عليهم وعقبها بيعرفون قيمتها