مالجة واخاف اطلق؟!!

**آآآه** · 2010-07-17, 22:57

السلام عليكم ورحمة الله وبركاته

بنااااات دخيلكم شو اسوي ؟؟؟

أنا وحده مالجة ومن قبل كنت مرمسه شاب والحمدلله تبت وسرت العمره وما يخصني فيه خير شر
تخيلو البارحة ريلي عندي !!!
ورن الفون !!
جفت رقم غريب وما رضيت ارد عليه قال ريلي ردي واذا بنت ارمسي واذا واحد عطيني الفون قتله اوكي ..
يوم رديت الا وحده واقسم بالله بعمري ما رمستها ولا لي خص فيها وماعرفها تقولي انتي فلانه قتلها انتي منو ؟
قالت انا وحده اعرفج وما تعرفيني ؟
قتلها خير في شي .. ردت علي بكل وقاحة رمسي اخوي يبا يرمسج وقالت لي اسمه .. حزتها عرفت الشخص والشخص هذا اللي انا كنت مرمستنه قبل ..
المهم كيف اصرف جدام ريلي شو اقول ؟
اذا ظهرت بشك بالموضوع فيلس ويتسمع لما ارمس .. المهم انا قتلها اسمحيلي وانا وحده مالجة وما اروم اخون ريلي ..
يلست تصر عليه الا ارمس اخوها قلتلها لو شو يستوي ما برمسه ..
انتي ترضين انا ارمس ريلج وريلج يخونج قالت لا ما ارضى ؟!
قتلها وكيف ترضينهاعلى بنات الناس؟؟؟!!
قالت والله ما ارضاها وحاولت وياه بس هو قال للحين ما مسح صورج ودخلته ع الخط ؟؟!!
جان ابند فويها ..
ريلي حزتها يلس يقولي شو السالفة ؟ ومنو هاي ؟ ومن هالاسئلة تخيلو ؟
المهم شوي وردت اتصلت قال ريلي هاتي انا بردلها!!
رد عليها الا تقوله وين فلانه ؟
قالها خير شو تبين ؟؟!
شو الموضوع اللي دار بينكم ؟؟!
لاني انا كنت يالسه اصيح .. وهالشخص من متى ما اتصل ولا لي خص فيه احينه رد مره ثانية ؟؟

المهم ريلي حاول يطلع منها كلام ما رضت .
قالها نص ساعة وانتي بتكونين موجوده فمركز الشرطة وبنعرف كل شي ؟!
اهنا انا قلت خلاص انا بطلق من ريلي والسبه هالشخص ..

ويلس يجوف تلفوني جاف ارقام غريبة وقالي منو ؟ قتله ماعرف وانا اعرف ان هالشخص حسبي الله ونعم الوكيل عليه ان هاي ارقامه .. المهم دق عليه بالغلط ويا دوبك رن نص رنه وبند ..
هذاك ما صدق على طول اتصل جان يرد عليه ريلي !!
جان يقوله انت متصل من يومين ع رقمي .. الا هو رقمي انا يعني .. بس هو يكلمه على اساس ان الرقم عنده خلاص ..
رد عليه الخسيس وقال والله هالرقم رقم الدوام وما عرف منو داق لك ؟؟؟!
ريلي هنا عاااااد خلاص بنفجر يقولي اي دوام هذا ؟!
يتمصخر حظرته ؟؟؟؟

المهم منا ومنا الحمدلله قدرت انسيه السالفة وصح هو ما نساها للحين ومستحيل ينساها بس يلسنا نكمل سوالف وضحك ..
وبعدها شل عمره وطلع توكل وربي يحفظه ان شاء الله ويحفظه لي يارب ..

فالصدمة الكبييييييييييييييييرة شوووووووو ؟؟
اليوم الصبح رد يدق ويدق وريلي قال لي اذا ياج رقم غريب خبريني قتله ان شاء الله ..
بس انا مستحيل اقوله فالوقح تخيلو شو سوا ؟؟!
على اساس ان ريلي البارحة يوم مرمسنه ها رقمة ؟
مطرش صوري له ؟!!!
ويقوله هاي الصور اخوي وابغيك ضروري ؟

احب ريلي والله ،، وخايفة اطلق ..

بنااااااااات دخيلكم شو اسوي ؟
كل انسان يغلط ويتوب والحمدلله باب التوبه مفتوح بس شو اسوي ؟

والبطاقة قال لي لو شو ما بتكنسلينها هاي ؟
قتله اكيد .. وانا ارمسه وانا واثقة من عمري بس عسبت ما يشك فيني ؟

بنات شو اسوي ؟
افكر بالشرطة بس صوري ؟
الحقير كم مره حلف ومش اي حلف وصل للغموس ان صوري مسحها واخر شي موجوده عنده ؟

بنات اختكم طالبه منكم الفزعه

المزيد من آخر المواضيع من نفس القسم:

**أنسة_سارة** · 2010-07-17, 23:01

والله مادري شو اقولج انا مره سمعت شيخ دين يقول ان في وحده كلمته وقالتله عن مشكله نفس مشكلتج ان صورها موجوده عند واحد ويهددها فالشيخ اتصل حق هالريال وكلمه ونصحه ليش ما اتجربين هالشي؟؟؟ مادري هذا اللي عندي وانشالله البنات بيفيدونج

رددي هالدعاء على طول ( اللهم استرنا فوق الارض وتحت الارض ويوم العرض )

**umsalem7** · 2010-07-17, 23:02

الله يكون في عونج ...........تقبل الله توبتج .........

نصيحتي لج اولا غيري رقمج .......

ثاني شي رددي استغفر الله واتوب اليه على الاقل 100 مرة قبل ما تلتقين بريلج وعن تجربة وان شاء الله ما يستوي الا كل خير....

والله يوفقج .......

**آآآه** · 2010-07-17, 23:05

فديتكم والله ..
تسلمون لي ع النصايح ..
بس البطاقة هو قال ما بتغيرينها ما بتغيرينها ؟

بس اختي لو تعرفين رقم الشيخ عطيني اياه ؟
او تعرفين اسمه ؟

**baby-rak-** · 2010-07-17, 23:06

اتصلي فخدمة الأمين

**هيااام** · 2010-07-17, 23:07

اختي الله يكون في عونج سالفة خطيييرة هاي
اتخلصي من هالرقم
حتى لو ريلج زعل بيرضى عقب المهم تخلصي من الرقم لانه وراه مشااكل وفضايح
وخبري ريلج انه طفرتي من كثر المكالمات وقولي له انا ما ابغي يستوي مشاكل
او انج كان رديتي على الريال بمسج على اساس انه انتي هي ريلج وقولي له انا اعرف كل شي والحرمة خبرتني ومصارحتني بكل شي اذا شفت رقمك في الفون مرة ثانية ما تلوم الا نفسك

**زمـــن هموم** · 2010-07-17, 23:08

حقيييييييير الله ياخذه ان شاء الله ترد عليه

حلوة فكرة الشيخ او اتصلي عالامين بس ماعرف كيف تعاملهم

**أنسة_سارة** · 2010-07-17, 23:08

أأه ما اتذكر والله انا شايفه هالشيخ في التلفزيون واحد من شيوخ السعوديه جربي اتصلي لمركز الفتاوي هني عندنا ماعرف بصراحه رقمه يمكن يطلع في قووقل اكتبي مركز الفتاوي الامارات واسأليهم اذا تقدرين تكلمين اي شيخ يمكن يساعدج وبالتوفيق انشاالله

**آآآه** · 2010-07-17, 23:09

عطوني رقم الامين ..
بنات والله خااااااااااايفة

**بنت العقيد** · 2010-07-17, 23:10

ربي يستر عليج دنيا وآخره ..

ما اعرف شو اقوولج والله ..

**سوارة** · 2010-07-17, 23:10

دخلي امج-في-السالفه-قوليلها-ريال-ناوي-يخرب-سمعتي-شلي-الرقم-وقولي-لريلي-انه-انتي-تبينه
جي-احسن-خل-تيي-من-اهلج-علشان-ما-يشك-بس-مب-الحينه-بعد-اسبوع-جي

**آآآه** · 2010-07-17, 23:10

ان شاء الله بتصل غناتيه انسة سارة
ولا تنسوني من صالح الدعاء

**baby-rak-** · 2010-07-17, 23:11

هذا موقعهم وفيه ارقامهم

http://www.alameen.ae/

**قمره** · 2010-07-17, 23:11

حبيبتي اقري صورة البقره و كرريها
الوضع الي انتي فيه ما يخلصج منه الا رب العالمين
و انتي بشر و ما عليج ملام يا رب تكون توبه نصوحه
و ريلج بيتمسك فيج مدامج مستعينه بربج

الله معاج يا قلبي

**بنت الدار828** · 2010-07-17, 23:11

غيري رقمج اقنعي ريلج بها الشي ..........الباب الي ايي منه الريح صكه واستريح

الموضوع: مالجة واخاف اطلق؟!!

أدوات الموضوع

عرض

مالجة واخاف اطلق؟!!

المزيد من آخر المواضيع من نفس القسم:

المواضيع المتشابهه

مالجة ... واريد اطلق..

ابي اطلق

ابي اطلق

ابا اطلق بس متردده