عروس متوهقة

**معشووقه** · 2010-07-16, 16:58

الحقو علي
عرسي في العيد ماحجزت فستان ولا مسكة ولا مكياج ولازفة
وفلوسي خلصت كلها صرفتها
شو اسوي شورو علي
بقدر ادبر حدود ال15 الف قبل العيد يكفون بس كيف بدفع عربون واحجز

المزيد من آخر المواضيع من نفس القسم:

**SaяσǾ** · 2010-07-16, 17:04

ان شاء الله بيسدونج
شي وايد فساتين تاجرينها فحدود ال 5000 وتكون حلوه
وحتى المكياج شي على 5000 اذا بتتمكيجين فالقاعه واقل اذا فالصالون اتوقع
وال5000 قسميها بين الزفه والمسكه
شي زفات تشترينها ب2000 وفي وحده فالمنتدى تسوي زفات في هالحدود
او حتى اذا بتيبين دي جي عادي تختارين الزفه من عندهم
وفالنهايه ماله داعي وايد تبالغين في الاشياء اللي بتاخذينها
خذي على قد ميزانيتج
والله يتمم لج ع خير ^^

**أوراق خريفية** · 2010-07-16, 17:07

مثل ماقالوا الخوات
اصرفي ع قد الميزانية
بالتوفيق

**بنتuae** · 2010-07-16, 17:18

رتبي أمورج ع ميزانيتج وإن شاء الله بتيسر

**طفلة مطر** · 2010-07-16, 17:26

هلا الغالية شو اخبارج انا كنت متوهق مثل بس حمدالله رحت عند وحدة في الشارقة اسمها ام مرتضي عندها محل في الشارع الوحدة اسمة مدهش صراحة وايد راعتي في فستان وقل واااااااااااااااايد حلو خذت معها فساتن 7500 مع مسكة وعقد وتمكيج مع وحدة من راس الخيمة يتني البيت وسويت مكياجي مع مدام لينا 3500
واذا تريد مساعدة الثانية انا في خدمة

**cutyah.87** · 2010-07-16, 17:27

حياج الله
إذا حابة أسويلج ميكب وشعر

**لاليك** · 2010-07-16, 17:40

الزفه في زفات ب 500 انا بصراحه اشوف زفه فوق ال 1000 مبالغ فيه وماله داعي..

**معشووقه** · 2010-07-16, 18:05

يزاكم الله خير وبخصوص الزفة مابا شعر ابا باسمي واسم زوجي وابا شي على مستوى لان اعراس اهالينا الفترة الاخيرة كل زفاتهم روعة ومايطيعون يخبرون وين سووهم وبكم

**عذّبني وتركني** · 2010-07-16, 19:30

الله يوفقج
ويتم لج على خير
بس لا تفكرين وااايد وراج عرس

أااااالـــــف مبروك مقدما

**أم راشد العين** · 2010-07-16, 20:10

مبروك الغالية

عادي حبيبتي مب الكل ياخذ عربون

موفقة

**مهاوي الغوى** · 2010-07-16, 20:14

الله يهديج ليش لعبتي بفلوسج اهم شي تحجزين مكياج دفعي عربون وفساتين بتحصلين وايد باسعار حلوة وعن الزفات شوفي احلى عروس وايد متساعدة وطيبة وعندها زفات بالاسامي حتى على 500 خلصي امورج قبل مايبدا رمضان الله يعوده علينا بالخير لانه زحمة وايد ولمي ايدج ولا تصرفين حطي مبلغ كل شي في ظرف والله يتمم عرسج على خير

**um_salwa** · 2010-07-18, 09:25

موفقه الغالية

**امل التونسية** · 2010-07-18, 11:14

موفقة

**باااااربي** · 2010-07-18, 16:55

الله ييسر أمورج اختي ويتمم لج على خير

**zenar** · 2010-07-18, 19:49

بالتوفيق اختي
والله يباركلك في الفلوس و تكفيكي وزيادة يا رب

الموضوع: عروس متوهقة

أدوات الموضوع

عرض