ابوي ولا ريلي !!

[Ro7 AlRo7]

السلام عليكم ورحمة الله وبركاته

اشحالكم خواتي؟؟

حبيت اقولكم عن مشكلتي

والله متوهقه وماعرف شو اسوي

ااسمع كلام ريلي ولا ابوي !!!!

الله يسلمكم انا متزوجه من جريب وعايشه ويا ريلي برع البلاد لان هو شغله برع

ومن فتره رديت البلاد لاني كنت تعبانه ويلست فبيت هلي

الحين تقريبا بكمل 3 اسابيع من ييت ولا اسبوعين

وريلي يباني اسير ايلس عند هله فبوظبي

يعني اشوي عند هلي واشوي عند هله

والمشكله اني يوم قلت حق ابوي اني بروح قال : ريلج بيرجع؟

قلتله لا .. جان يقول خلاص ماتروحين !!

لان بيت ريلي اكثرهم شباب

وابوي قال يوم ريلج موجود تكونين وياه ويوم هو محد تيلسين اهنييه !!

شو رايكم برمسته؟؟

وهل ها تدخل من ابوي ف حياتي؟؟ يعني هل ها شي مايخصه بما اني متزوجه وريلي هو ولي امري والمسؤول عني؟؟

والله مب عارفه شو اسوي ريلي مضايق ويقول ان كلامه هو اللي لازم يمشي بس مايباني ازعل ابوي ..

اتريا ردوودكم ..

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المقر]

كلام ابوج عين العقل

لو ريلج مب موجود مب حلوة انتي تروحين

وانتي الحين يالسه في بيت ابوج يعني مب مع حد غريب

والسنع انه ريلج ايي ويشلج بيت هله

واذا يباج تكونين هناك في بيت هله كان ييتوا من السفر ورحتوا بيت هله ويسافر يعني ع اساس هو مخليج امانه عندهم

مب انتي الحين تروحين بروحج جي وخاصه انج توج تقولين توج معرسه

ومابترتاحين والبيت كله شباب

عشان جي كلام ابوج كلام صح وخبري ريلج وقولي ابوي يقول جي يوم تي انت بروح وياك وخلاص^^

ومافيها تدخل في الخصوصيات لانه اشوفه شي عادي لو ابوج ولا امج عرفوا لانه هم بعد لهم راي ما دام ريلج مب موجود ولا تخلين هالامور تسبب حساسيه بين ريلج وابوج وبينج حاولي تحلين الوضع بالمسايس ^^

[روح وليد]

كلام ابوج عين العقل

لو ريلج مب موجود مب حلوة انتي تروحين

وانتي الحين يالسه في بيت ابوج يعني مب مع حد غريب

والسنع انه ريلج ايي ويشلج بيت هله

واذا يباج تكونين هناك في بيت هله كان ييتوا من السفر ورحتوا بيت هله ويسافر يعني ع اساس هو مخليج امانه عندهم

مب انتي الحين تروحين بروحج جي وخاصه انج توج تقولين توج معرسه

ومابترتاحين والبيت كله شباب

عشان جي كلام ابوج كلام صح وخبري ريلج وقولي ابوي يقول جي يوم تي انت بروح وياك وخلاص^^

ومافيها تدخل في الخصوصيات لانه اشوفه شي عادي لو ابوج ولا امج عرفوا لانه هم بعد لهم راي ما دام ريلج مب موجود ولا تخلين هالامور تسبب حساسيه بين ريلج وابوج وبينج حاولي تحلين الوضع بالمسايس ^^

كلامج100%

[زهرة المروج]

والله ابوج معاه حق لان تقولين اكثر خوان ريلج ريايل ....
انتي حاولي تفهمين ريلج وقوليله لا سمح الله صار لج ضرف طارى بتستحين ادقين وتطلبين من خوانه شي ..

وانتي ف بيت ابووج بترتاحين اكثر لان خوانه هنااك ..

والله يوفقج فديتج ويرد ريلج بالسلامه

[احلى بلوشية]

كلام ابوج صح وعين العقل

احيد مره المس قالت ان وحده ريلها سافر وودرها روحها بالبيت وقالها لاتطلعين ولامكان تمي بالبيت ..

اتصلوا اهل الحرمه قالولها ابوج مريض ويبا يجوفج

قالت ماقدر اطلع ريلي مايخليني اظهر

يوم الثاني قالولها تعالي ابوج توفى تعالي عزيه

قالت ما اقدر ريلي مب مخلني اطلع مكان @.@

عاد مادري والله هاي المس قالتلنا هاي القصه الي تلوع الجبد صارت الحرمه ريمود كنترول

ومره وحده متصله بالشيخ قايله ريلي مايخليني ازور اهلي واهلي معصبين عليه قالها الشيخ : هالامر محير زوري اهلج بدون مايدري ريلج .! لأن امر الوالدين واجب فرضي

[قـــطريه]

صح كلام ابوج عين العقل ..

ولاتحسسينه ان كلام ابوج يعتبر تدخل لا تحملي ..بعدين انتي قوليله انج مرتاحه في بيت اهلج وماراح ترتاحين هناك وهو مب موجود وان البيت كله شباب ..ييبيها بطريقه حلوه واقنعيه وهو ماراح يقولج لا ..

[عليونة]

من رايي لاتزعلين ولا واحد فيهم
كلمي ريلج وقوليله الوالد جي قال وانا ماحبيت ازعله قوليله بحاول اكلمه بطيب وبسير بيت اهلك
وحاولي تسيرين بيت اهله كل فترة وفترة زيارة ..عشان اكيد بيوصله الخبر من اهله وبيستانس
وفنفس الوقت ماتكونين زعلتي ابوج

[هجير الشمس]

ابوج ربي يحفظج لكم ما قال شئ غلط

بالعكس عين الصواب والله

اسمعي كلامه لان بالاخر مالج الا والدينج

وريلج اقنعيه بطيب وانتي وشطارتج

اهم شئ البابا ما يزعل

[Ro7 AlRo7]

تسلمون ع ردودكم

المشكله ان اهل ريلي يقربولي يعني بيت عمي مش انهم غريبين عني او اني مب متعوده عليهم

الله كرييم

[جنة أمل]

إنتي توك معرسه وما تعرفين أهل زوجك زين، وما أعتقد بترتاحين في تصرفاتك هناك مثل ما هو في بيت أهلك. وأستر لك بيت أبوكي لأن بيت زوجك كله شباب. وفي الآخر هذا راي وإنتي أدرى باللي يناسبك.

[Bronzya]

انا بعد مع كلام ابوج الله يخليه لج

[وفية حق زوجي]

ما أدري بس أحس كلام الوالد صح ..
يعني البيت كله رياييل وانتي ريلج مب وياج مب حلوة بعد
ريلج يوم بيرجع سيري وياه بيت هله وقعدي هناكي
خبري ريلج وطالعي شو يقول .. والله يوفقج انشالله

[معشووقه]

والله ابوج معاه حق لان تقولين اكثر خوان ريلج ريايل ....
انتي حاولي تفهمين ريلج وقوليله لا سمح الله صار لج ضرف طارى بتستحين ادقين وتطلبين من خوانه شي ..

وانتي ف بيت ابووج بترتاحين اكثر لان خوانه هنااك ..

والله يوفقج فديتج ويرد ريلج بالسلامه

[حروف الحب]

اختي كلام ابوج مافيه اي غلط .. اصلا انتي روحج لو سرتي و تميتي هناك بتنحرجين و هم ما بيكونون مرتاحين
حتى لو انهم بيت عمج ..

انتي قولي حق ريلج هالشي بدون لا تفهمينه انج خايفة من ابوج او تسمعين رمسة ابوج على حسابه ..
قوليله انا بسير عندهم ازورهم و اسلم عليهم انا و امي او وحدة من خواتج و خلاف تردين بيت ابوج ..

[Jathebeyah]

بالعكس كلام ابوج هو الصح