لكل عروس بتعرس قريب وبقى على عرسها أسابيع...متى موعد شيل الشعر!

[Rocky]

يا هلا خواتي

لما بيقرب العرس ويبقى 3 أسابيع
متى نبدا نشل الشعر؟

قبل العرس بيوم؟ ولا كيف؟

وثانيا أحس الشعر الي يكون عالجسم،الصدر..الظهر

الواحد يخاف يشيله بالحلاوة لان أكيد بيطلع الشعر غير

فشرايكم بالتشقير؟
وأحسن مشقر بالنسبة لككم...طبعا أول مرة بنسوي في الصالون أو نخلي حرمة تسوي لنا في بيوتنا
آممم
و
يعني اليد والريل بالحلاوة

والمنطقة الحساسة بالحلاوة وبعدين نداوم عالمكينة

بس عاد متى هذا كله؟
وأي وقت يكون مناسب؟

فيدوووني

الله يوفقكم

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[...A...]

3 أيام قبل العرس شيلي الشعر

و التشقير قبل العرس بأسبوع طبعا و سويه على مرتين ... و نحن دوم نسويه في البيت و ناخذ التشقير من نزيه

[Rocky]

3 أيام قبل العرس شيلي الشعر

و التشقير قبل العرس بأسبوع طبعا و سويه على مرتين ... و نحن دوم نسويه في البيت و ناخذ التشقير من نزيه

وين هذا نزية! دوم أسمع عنه وين مكانه بالضبط..والتشقير مايزيد الشعر؟ لاني لما سويته على منطقة الذراع حسيت إن الشعر كان قبل خفيف وقام يسووود مادري كل التشقير هيك

[~EmmY~]

يوم العرس..
رح اشيل الشعر كله ولا اشي رح اخلي..
لازم الوحدة تكون نظيفة مو بس بالشكل وكمان بالملمس..لووول
ورح اشيله قبل حفلة الحنة بيوم..يعني عرسي الأحد وحفلة الحنا الجمعة ورح اشيل الشعر يوم الخميس ان شاء الله..

[Jathebeyah]

احس لو انا ،، بشيله قبل العرس بيوم ،، وبنفس اليوم بتحنى ..
وعن شعر الصدر والظهر ... الخ
لا تشيلينه بس شقريه .. محلات نزيه في كل مكان دقي البدالة وشوفي امارتج فيها ولا

موفقة

[Rocky]

يوم العرس..
رح اشيل الشعر كله ولا اشي رح اخلي..
لازم الوحدة تكون نظيفة مو بس بالشكل وكمان بالملمس..لووول
ورح اشيله قبل حفلة الحنة بيوم..يعني عرسي الأحد وحفلة الحنا الجمعة ورح اشيل الشعر يوم الخميس ان شاء الله..

صح كلامج بس شعر الصدر مثلا لو شلتية بيطلع غير عن خلقته الأولى
يعني ماتخيل يكون غليظ..ومحتارة..أحيانا أفكر أقول صح المفروض بالكامل حلاوة
بس عاد لازم نداوم في الصوالين دوووم وطول حياتنا عشان خاطر الحبايب الي نعودهم عالشكل الحلو

تعب! والله يعين

[Rocky]

احس لو انا ،، بشيله قبل العرس بيوم ،، وبنفس اليوم بتحنى ..
وعن شعر الصدر والظهر ... الخ
لا تشيلينه بس شقريه .. محلات نزيه في كل مكان دقي البدالة وشوفي امارتج فيها ولا

موفقة

مشكووورة بدق باجر وبشوووووف

[الفلاسييه]

سوي ليزر الحين محد يخلي عمره بالشعر الزمن تغير عيل عقب العرس باسبوع شو بتسوين جدام الريل والشعر طالع

[الدانه 2009]

للرفع

[غلا شهوب]

انا ان شاءالله المناطق الحساسه بسوي ليزر
شعر ايديه وريلي بسوي حلاوه قبل العرس ب 3 ايام
بس المصيبه
شعر صدري وظهري
قبل كان وااايد خفيف ومايبين ف الملجه سويت تشقير واستوى غااامج
واخاف اسوي الحلاوه لانه جسمي واايد حساس
ماعرف شو الحل

[باااااربي]

موفقين

[Anwaar]

الخوات ما قصروا بس ما انصحج تسوين اي شي اول مرة تسوينه في حياتج قبل العرس باسبوع..

مثلا سوي التشقير عند وحده شاطره ومعروفه في هالمجال الحين عشان تتأكدين انه ما بيحسسج او يحرقج وردي سوي قبل العرس ب 3 ايام..

الحلاوة انا افضل البنت تسوي لنفسها بس اذا ما تعرف ممكن المكينه او الصالون (بس مب العورة المغلظه!!!!!!!!!!!!!!!)

والاماكن الحساسه طبعا انتي الي بتنظفينها والافضل قبل العرس ب 3 ايام..

بعطيج جدول عكسي.. فرضا عرسج بالجمعه:

- الجمعه: المكياج والشعر والفستان والاحتفال
- الخميس: مساج واسترخاااااااااااااء تام وفيشيال وماسكات للوجه بس تكون مجربه ومكان ثقه (اذا ما كان عندج وقت قبل رتبي شنطة السفر/ الفندق بهاليوم بس ما انصح ابدا ابدا بتتعبين وبتتوترين)
- الاربعاء: الحنا
- الثلاثاء: الحلاوة او الواكس او المكينه
- الاثنين: الحمام المغربي (عشان اذا في شعر تحت الجلد يطلع قبل لا تسوين الحلاوة او تزيلين بالمكينه)
- الاحد: التشقير (انصح تسوينه قبل الحمام المغربي عشان ما يتحسس جلدج عقب)
- السبت: فيشيال تنظيف البشره او الكرستال البيلنج (تحتاجين اسبوع قبل العرس عشان يسترجع الوجه نظارته وحيويته بعد تنظيف البشره لان احيانا التنظيف يترك علامات عالجلد يبالها اسبوع قبل لا تختفي)
- الجمعه (رتبي شنطة السفر والفندق اذا كنتي بتسافرين او بتياتين ليلة العرس في الفندق) بتلاحظين ان في اشيا بتكون ناقصه فبيكون عندج وقت تشترينهن. في مواضيع وايد كتبوها الخوات عن شنطة السفر والعرس.. في موضوع لي بخصوص شنطة شهر العسل
http://forum.uaewomen.net/showthread.php?t=566265

[Nm_Nm]

فكي عمرج من كل هالسوالف والم شل الشعر وسوي ليزر حق جسمج انظفلج واريحلج بس لازم يكون قبل العرس بكم من شهر لانه الجلسات اطول .. لاني انا مجربه هالشي

[88 so sweet]

موفقات حبيباتي

[أوراق خريفية]

ماقصرواا البنات ماشاء الله
موفقه الغالية