عندي سؤالين؟!

**Moon!** · 2010-07-10, 22:46

السلام عليكم...

شخباركم عساكم مرتاحين!!

عندي كم سؤال و حبيت اناقشكم فيه!! بس حاليا بطرح لكم سؤالين!!
و ان شاءالله بعدين بطرح لكم الباجي!!

1_شو رايكم في عقد القرآن و حفله الملجه في نفس الوقت؟

2_ بعتقادكم كم الفتره الكافيه بين الملجه و العرس؟!

اتمنى الردود تكون واضحه و مقنعه،،،

و سلامتكم *_*

المزيد من آخر المواضيع من نفس القسم:

**مربوشة دبي** · 2010-07-10, 23:54

كلنو اهلي يبون ايسوون ملجه الرياييل وعقب اسبوعين ملجه الحريم بس ماحس ان الفرحه بتكون مثل يوم بيملجون وحالحفله فنفس اليوم

عشان جي اجلت وخليت عقد القران ويا الحفله فنفس اليوم اجوف ان جي احسن

ولا تخلين المده طويله بين الملجه والعرس لان فهالفتره تستوي حساسيه بين الطرفين

يعني خليها 3 شهور او 5 بالكثير

**شموووه** · 2010-07-10, 23:57

الملجه وعقد القران نفس اليوم احلى بواااااااايد
والعرس عاادي ع حسب نحن ع سنه بالضبط اكثرهم يعني ع حسب

**شووقـ** · 2010-07-11, 00:50

شوفي ,, الله يسلمج الحفله اذا كانت في يوم العقد او عقب كم يوم من العقد فهذا بيكون احلى من الفتره الطويله بين العقد و الحفله .. يعني عادي مثلا لو خليتي بين العقد و الحفله كم يوم او كم اسبووع

و اذا عن العرس و الملجه يستحسن ماااااااتطولين وااايد لأن السالفه تتحول من حلاوة الى بيااخه .. خليها اكثر شي 6 شهور << و علفكره هالرقم موب من عندي لكن اغلب الناس بتعطيج 5 او 6 شهور بين الملجه و العرس

انا عن نفســــــي ان شاء الله 6 شهور و دعوااااااااتج لي اختي ..

الله يوفقج و ييسر امرج

**N 95** · 2010-07-11, 00:52

الله ييسر لج امورج
وانا مع الاخت مربوشه دبي

**88 so sweet** · 2010-07-11, 01:04

الله يسر امورج حبيبتي
انا احس لو عقد القارن يوم و الحفله اقل عن اسبوع وتصير ايكون احسن لان الفرحه بتكون طازجه
اما عن العرس اكثر شي 6 شهور هذا من رايه لاني انا جي سويت

**bent_elbadyah** · 2010-07-11, 01:07

اوكيه حلو الملجه والحفله في نفس اليوم

مش حلو الفت ه بين الملجه والعرس تكون وايد

يعني شهر شهرين مب اكثر

انا اهلي ما يحبون انه نملج الا قبل العرس بيوم والا يومين

الله يوفق اليميع

**باااااربي** · 2010-07-11, 08:25

موفقه اختي

**شهد الظاهري** · 2010-07-11, 10:20

1_شو رايكم في عقد القرآن و حفله الملجه في نفس الوقت؟

مـآدري بس أشـوفه أحـلـى ^^

2_ بعتقادكم كم الفتره الكافيه بين الملجه و العرس؟!

بعد مـآدري ( عيـل ليش حـآدره ..)) خخخ
بس أشـوف الأفضـل إن الفتـرة مـآتكون طويـله ..))
موفقه غنـآتي ..))

**نور حياتي** · 2010-07-11, 10:26

افضل الحفلة و الملجة نفس اليوم بيكون احلى

و الفترة بين الملجة و العرس يعني 6 شهور اوكي اما لو البنت تبغي تطول عسب تخلص دراستها مب مشكلة

**حتى حين** · 2010-07-11, 11:24

انا سويت حفله الملجه بعد بـ10 ايام و العرس بعد 5 شهور بالتمام ..

**ام خالد2010** · 2010-07-11, 11:37

الله يوفقج حبيبتي بس يستحسن ان الملجه مااتطول زياده بيكون افضل وبتوفيج والله يتمملج ع خيررررر

**ميمي غير** · 2010-07-12, 17:16

انا ملجتي كانت بالحميس والحفله بعدها بيوم الجمعه
والعرس ان شاء الله بعد 4 شهوووور

**أوراق خريفية** · 2010-07-12, 17:38

انا عن نفسي يوم عقد القرآن سويت عزومه صغير اهلي واهله بس وبعد اسبوع سويت حفلة الملجة
عزمت الاهل والربع والمدة تعتمد ع حسب عاداتكم وتقاليدكم اذا تسمح انكم تطولون او لا
انا كملت سنة وشي .. مع اني كنت ابا شهرين كحد اقصى بس تمشي الرياح بما لاتشتهي السفن<< فيلسوفه خخخ

والله يوفقج فديتج

**Miss_Patchi** · 2010-07-13, 13:57

ربي يوفقج و يسعدج ان شا الله

و مبروووووووووووووك مقدما

موفقه الشيخة ^^

الموضوع: عندي سؤالين؟!

أدوات الموضوع

عرض

عندي سؤالين؟!

المزيد من آخر المواضيع من نفس القسم:

المواضيع المتشابهه

عندي سؤالين ..؟؟؟

عندي سؤالين

عندي سؤالين أبا حل

عندي سؤالين