عندي مشكلة في الوزن !

**حَنينْ** · 2010-07-10, 22:04

السلام عليكم بنات ...

أنا من زمان أتابعكم وحبيت تفاعلكم فهالقسم .. مشكلتي إنه طولي 154 ووزني 51 ونص .. أعرف أبي أنقص كم من كيلو .. بس مشكلتي الحقيقية جسمي وايد اوكيه وخصري حلو بس عندي الأرداف مليانة وأحس ابدن ما تناسب جسمي .. يعني من فوق اوكيه ومن تحت لا .. وغير جيه صدري وايد صغير .. بجد مشكلة وايد أعاني منها .. الكل يجوف جسمي بالفساتين والتنانير يتخبل عليه لكن انا مو مرتاحة بالأرداف جنه حق حرمة عووودة مب بنية ... ووايد أمشي بطريقة ما تتصورونها ... مستعدة أمشي ساعة فعز الظهر ما أقول لأ .. أحب المشي وايد وأحب انط على الحبل وايد وفي الأكل الخيارات عندي صحية بالأول نادرن ما أخربط بالأكل .. تعبت من الأرداف والله ..
الحين يالسة أجرب القهوة التركية ويّا الخل والحمدلله أحس شدهن بس أنا أبا أخففهن بعد : ( وما عندي سيكل فالبيت كيف أعوض هالشي

ساعدوني بنات ..!

المزيد من آخر المواضيع من نفس القسم:

**أم توماس** · 2010-07-10, 22:22

حبيبتي بالعكس وزنش اوكي بالعكس ناقصه 3 كيلو انصحش لاتسوي رجيم بس ممكن تستخدمي كريمات تذيب الدهون بس لازم تستشيري دكتور اما بخصوص صدرش شي طبيعي بس بعد ماتتزوجي بيتغير

**um-beereg3** · 2010-07-10, 22:29

للرفــــ‘ع ^^

**المقر** · 2010-07-10, 22:40

بالعكس وزنج تحت المثالي ليش بعد تبين تنزلين

اذا ع الارداف سوي رياضه خاصه بالجزء السفلي

وكتبي بقوقل ويوتوب بتشوفين التمارين كيف يسوونها

**miss funny** · 2010-07-10, 22:41

سوي رياااضة وامشي ^^

واشربي مااي واايد

**Al-Darmaki** · 2010-07-10, 22:47

حياااتي حنييين في ريااضهــ معينه حق الأرداف ..

هذا اولا .. سوي سيرج في جوووجل مثل ما قالت الاخت اللي قبلي ..

ودوري تمارين مع الصور وسوويهن كل يومــ

هذا غير يوم تدورين في جوجل ( انا امس سووييت لأنه عندي نفس المشكله.. الأرداف مصيبه) .. لقيييت في انواع من الاكل لازم ما تاكلينها ..

فســوي سيريج وبتستفيدين

سلامي

**مــــلاك شوق** · 2010-07-10, 23:02

ان شاء الله الخوااات فادوووج

**cuddly** · 2010-07-11, 01:51

أختي مثل ما قالولج البنات في رياضة خاصه
ونصيحة جربتها بنفسي طبعا حصلتها بالانترنت وطبقتها وكان مفعولها حلووو
اذا تبين تخفين الارداف قللي منتجات الحليب والالبان يعني كل مشتقات الحليب خففي منها ولما بتشربين حليب او لبن او بتاكلين روب او اي شي من مشتقاتها احسن شي تكوون قليله الدسم او منزوعه الدسم .. خففي منها قد ما تقدرين
وطبعا مارسي الرياضة وشربي مااي
الله يوفقج ويسعدج

**.:شذى الورد:.** · 2010-07-11, 02:28

يبااالج بارتنر لاف من التاجرة المتألقة واااااايد زين للأردااف وعن تجربة
ف اسبوع بتحصلين النتيجة ^^
حطيه وامشي ساعة كل يوم وبتشوفين .. بيشد وينحف وينعم الاردااف
وبعد عندهاا كريم طبيعي لتكبير الصدر وهي شخصياا استخدمته وتمدحه
ومنتجاتها اصلية حبيبتي لأن هي الوكيل الحصري لهم ^^
لها متجر ف المول الذهبي

وموفقة ان شالله

الموضوع: عندي مشكلة في الوزن !

أدوات الموضوع

عرض

عندي مشكلة في الوزن !

المزيد من آخر المواضيع من نفس القسم:

المواضيع المتشابهه

مشكلة ثبات الوزن مع الرجيم

حل مشكلة ثبوت الوزن على الرغم من الالتزام بالرجيم

مشكلة ثبات الوزن...ساعدوني

انا في عندي مشكلة يمكن بسيطة عندكم بس بالنسبة إلي بعتبرها مشكلة

مشكلة الوزن الزائد