اللقيييييمات والفشل ويايه ..

**عالية المقـام** · 2005-10-24, 20:52

مرحباااااا مليااااااااااااااار ..

:1 (60):

اشحااااااااااااااالكن ؟! ......

بقوولكن قصتيه .. البارحه كنت سايره صحارى .. وشي حرمتين عيايز .. يطبخن هناك .. وعاد اشتريت منهن لقيمات .. بصراحه تخبلت عليييييييييه .. لذيييييييييييييييييييذ .. ولين الحينه في خاطري ..

اللي عندها طريقة اللقيمات تخبرني .. لاني ما اعرف اسويه ..

بس اباااااااا طريقه مضموونه ..

احم .. انا احب اللقيمات يوم يكووون يابس .. مادااااااانيه وهو لين .. وكل ما احاول اسويه يستوي لين ..

اتريااااااااااا ردوووودكن ..

السموحه ^_^ ...

المزيد من آخر المواضيع من نفس القسم:

**صدى حنيني** · 2005-10-25, 00:53

السلام عليكم ...

مرحبا الغالية ..

سألت أمي وعطتني الطريقة وجربيها وإذا ضبطت طرشيلي لان اتخبل عاللقيمات :22 (23):

جيله طحين ( او حسب الكمية اللي انتي تبينها ).

خاشوقة صغيرة خميرة ( اذا تبين تذوبينها في الماي او تحطينها سيدة عالطيحين بس لازم تضيفين نص فنجان شكر او زيادة على حسب رغبتج.

شوي زعفران واذا حبيتي شوي هال.

رشة ملح.

اخلطي كل المقادير وضيفي لها ماي وشوفي الكمية المناسبة وخليها تتخمر نص ساعة او زيادة.

وابدي الطبخ وترا الزيت لازم يكون حار.

ملاحظة مهمة جدا جدا جدا

امي تقول لو تبين اللقيمات تكون يابسة ضيفي عالعيينه قوطي روب رايب أو خاشوقتين حليب بودرة واذا بغيتي العيينه تلين ضيفي بيضة بدون الحليب والروب.

ان شاءالله فهمتي عليه الغالية ...

ولاي استفسار انا حاضرة ..

**عالية المقـام** · 2005-10-25, 16:24

مشكووووووووووووووووووره والله ما تقصرين .. بصرااااااااحه انتي جييييييه .. :22 (7):

ان شاء الله بجربها اليوووووووووووووووووووووووووووووم ..

و فااااااااااااااالج طيب .. وااااااااصل ^_^ ..

يالله كيف خااااااطري في اللقيمات ..

وان شااااااااء الله عقب الفطووور بقوولج كيف ظهرت ويااااااايه ..

مشكووره الغلا ..

**صدى حنيني** · 2005-10-25, 19:38

[08]أترياااااج الغالية [/08]

**عالية المقـام** · 2005-10-25, 20:35

[05]بعدني ما سوووووويتها .. [/05]

كنت بسوويها بس المشكله ماكان في وقت .. حسيت اني ما بخلص ..

هممممممممم .. بس بغيت أسأل ..

وانا يالسه ادقق في المقاااااااااادير ..

مافهمت قصدج بخصووص الروب الرايب .. كيف يعني ؟!! ..

الروب العادي !! ..

وبالنسبه لحليب البودره لو بغيت احطه شو احسن شي ؟! ..

نيييييييييدو !! .. ولا في غيييييييييره ؟! ..

بس تراااااااااااني لازم بسوووويها باجر .. ومن عقب الفطوور ع طوول بخبرج

..

ع العموووووووووووم مشكوووووووووووره .. والله ما تتصورين كيف استانست بردج ..

**منى الحمادي** · 2005-10-26, 19:53

اختي سوي خلطج العادية للقيما وحطي 3 ملاعق سكر بتصير يابسة وهشة مب لينة مع بطاطا مهروسة

**صدى حنيني** · 2005-10-26, 22:51

الغالية الروب الرايب اللي هو روب عادي ... روب قواطي سهل مايباله شيء ... يعني زبادي ...

وبالنسبة للحليب عندج نيدو اوكي ...

جربي وردي عليه ... والله يوفقج عزيزتي ..

**عالية المقـام** · 2005-10-27, 22:42

خلاااااااااااااص تمااااااااااااام

**فطيم** · 2005-10-28, 04:50

جربي لقيمات القاضي الجاهزه واااااااااااايد لذيذه و مب لينه

**فطيم** · 2005-10-28, 05:02

جربي لقيمات القاضي الجاهزه واااااااااااايد لذيذه و مب لينه

**فطيم** · 2005-10-28, 05:02

جربي لقيمات القاضي الجاهزه واااااااااااايد لذيذه و مب لينه

**عالية المقـام** · 2005-10-28, 17:38

مشكوووووووووووووه فطيم .. ان شاء الله بمر الجمعيه اليوم و باخذها ..

صدى حنيني .. اول ما بجربها برد عليييييييييييج

..

**alyazih** · 2005-10-28, 22:16

[10]الحمد الله لقيت حد شراتي هههههه[/10]

**عالية المقـام** · 2005-10-28, 23:34

لوووووووووووووول ..

خلاص انا وانتي بنسويها رباعه باااااااااااجر ..

وبنشوف منو مالته الاحلى

..

**مضاوي** · 2005-11-06, 00:16

بكتبلج طريقتي وان شاء الله تعيبج ( الخنفروش )

2 جيله طحين عادي
2 ملعقه كستر
2 بيض
2 فنجان سكر
1 كوب حليب نيدو بودره
نص ملعقه ملح
1 ملعقه كبيره خميره
1ملعقه كبيره بكنج بودر
زعفران
ماء
تخلطين كل المقادير ما عدا الطحين في الخلاط الكهربائي وبعدها تصبينه على الطحين مع الخلط المستمر وتضيفين الماء لين تصير العجينه متوسطه ( ارفع شوي من عجينه خبز الرقاق ) وخليه مدة ساعه ونص لين يتخمر وحطي زيت على النار بس ما يكون غزير لانه بعد ما يحمر تقلبينه على الوجه الثاني وجهزي المشخله مال العيش وحطيه فيها وبعدين قدميها في صحن التقديم مع دبس الامارات
وبالهناء والعافيه

الموضوع: اللقيييييمات والفشل ويايه ..

أدوات الموضوع

عرض

اللقيييييمات والفشل ويايه ..

المزيد من آخر المواضيع من نفس القسم:

فاااااااااااااالج طيب

المواضيع المتشابهه

الفصام والفشل الدراسي

العزل الطبيعي بين النجاح والفشل

4 أشقاء يصارعون فقدان البصر والفشل الكلوي