كليه الحاسوب في دبي ~

**بنوتة الشارقة** · 2010-07-08, 03:03

السلام عليــــــــــــكم

بنات بغيت اسالكم عن كلية الحاسوب الي في دبي ــ ،
ابا اعرف كل شي عنها ـ

- عن التوفل اذا شي او لا و اذا شي التوفل يحسبونه في امتحانات الفاينل ؟
- و بالنسبه للدراسه شو الاسهل البزنس و الا الحاسب الالي ، ؟
- و التدريس كيف و المدرسين مشددين واايد ، يعني صعب الواحد اييب عندهم درجات ؟
- انا لما كنت في الثانويه كانت نسبتي في التسعينات ؟ يعني ممكن اني اييب عندهم 3.5 في الكورسات ؟
- و بالنسبه للمختلط انا عرفت انه الكلاسات مب مختلطه بس الباصات ما اعرف عنها شي ؟
- انزين و بعد اي شي ثاني تعرفوونه خبرووني ترى بستفيد ؟

انا قررت ادخل البزنس بس بعد محتاره شوي ابا حد ينورني

اتمنى تردوون علي بسرعه ، انا ابا ادخل الكليه سبحان الله ارتحت لها بشكل غريب

بس خايفه اني ما اييب درجه 3.5 و فووق >> ها الي مخوفني اهم شي عندي الدرجه و مشكله بعدلو كانت الدراسه بالعربي كنت بظمن الدرجه بس الدراسه بالانجلش عسب جي

المزيد من آخر المواضيع من نفس القسم:

**بنوتة الشارقة** · 2010-07-08, 03:45

بليز ردوا علي ^^

**هند سلطان** · 2010-07-08, 05:45

للرفع

**بنوتة الشارقة** · 2010-07-09, 13:54

بنات وين الردود ‏،،‏ بلبز اي وحده عندها معلومه
حتى لو بسيطه تقول لي ‏

**كول بيبي** · 2010-07-09, 14:29

هالكليه خذت فيها دورات فقط وما اتمنى اني ارجع لها ابدا

بالنسبه للاختلاط في كل مكان في الكليه حتى في المواصلات

بالنسبه للدراسه المدرسين إلي يدرسون دورات الانجليزي نفسهم إلي يدرسون حق البزنس

والكلاسات الله لا يراويج كيف

انتي سيري وشوفي المكان بنفسج وشوفي المدرسين >>> المدرسين مب اجانب

**بنوتة الشارقة** · 2010-07-09, 19:12

بصرااحه خرعتيني منها انزين الكلاسات مختلطه ‏؟
المشكلة انا ما لقيت منحه الا هني لاني بدون

**برونزيه غاويه** · 2010-07-09, 20:37

حبوووبه ماانصحج فييه

انصحج في جامعة الجزيره / جامعة دبي / جامعة حمدان / برتش كاونسل << واايد اووكي هالمعهد
جامعة الغرير / كلية دبي الامريكيه

**غزالة فرعونية** · 2010-07-09, 21:19

**,,ورد جوري,,** · 2010-07-09, 21:24

هلا حبوبة انا بعد قررت ادرس هناك ربيعتي درست وتقول وايد اوكي ..... انا سجلت ببدى ان شاء الله من يوم الاحد .

ادعولي بالتوفيق......والله يوفقج انتي استخيري وان شاء الله ترتاحين.

**بنوتة الشارقة** · 2010-07-10, 05:25

‏ انا مشكلتي انه هاي الكلية الوحيدة الي عطتني منحه عسب ‏
جي يعني مو بيدي لو الشغلة بيدي جان ما قعدت في ‏
البيت سنه بالنسبة للكلاسات قالوا انها مب مختلطه هالسنه
بس الباصات مختلطة ابووي قال لي لو شي باصات خاصة
للبنات توديج من عيمان لدبي بياجر لي
ادعولي احصل با
ص
شو ‏
تقول اربيعتج عن يالكلية ‏

شو انزين بنات ما خبرتووني عن الدرجات يعني سهل الواحد ‏
اييب ‏
3.5 و الا صعبه ‏؟

**بنوتة الشارقة** · 2010-07-10, 05:26

‏ انا مشكلتي انه هاي الكلية الوحيدة الي عطتني منحه عسب ‏
جي يعني مو بيدي لو الشغلة بيدي جان ما قعدت في ‏
البيت سنه بالنسبة للكلاسات قالوا انها مب مختلطه هالسنه
بس الباصات مختلطة ابووي قال لي لو شي باصات خاصة
للبنات توديج من عيمان لدبي بياجر لي
ادعولي احصل با
ص

انزين بنات ما خبرتووني عن الدرجات يعني سهل الواحد ‏
اييب ‏3.5 و الا صعبه ‏؟

**,,ورد جوري,,** · 2010-07-11, 08:18

انا ارتحت للكلية وسجلت الحين ببدا ادرس عندهم التوفل. وبعدين بدخل دبلوم ادارة اعمال.

**عسل وردي** · 2010-07-11, 08:51

هلا اختي
انا رحت عندهم قبل يومين وبسجل عندهم ان شالله

بالنسبه للفصول اعتقد انها مختلطه
بس لو كان الكلاس فيه وايد بنات اكثر عن 8 بيفتحون كلاس خاص لهم
اتوقع البزنس انسب للبنات من الاي تي الى هو يناسب الشباب اكثر
الدراسه يبالها مذاكره وشد حيل علشان تيبين نتيجه حلوه
نسبتج وايد حلوه وباين علشج متفوقه وان شالله تييبين الدرجه الى تتمنينها
اذا عندج توفل فماراح تدرسين عندهم التوفل
واذا ماعندج توفل فهم بيسوون لج تحديد مستوي
المستويات من واحد لين اربعه
واذا كستواج 4 فبتتاهلين للتوفل بسهوله والامتحان عندهم بطريقتين
اون لاين وورقي
الاون لاين صعب شوي
والورقي اسهل
وكلهم نفس النتيجه == توفل
الدراسه بالانجلش بس اتوقع يساعدون شوي
المدرسين عرب وفيه شويه اجانب

كل الى قلتلج فووووق من خلال كلام المدرس معاي
انا بعدي مارحت لان الدوام الى سجلت فيه من شهر 9

على فكره انتي صباح ولا مسا ؟
ومن الساعه كم لين كم..؟

**هادية الطبع** · 2010-07-11, 11:19

هي كليه اتمشي الحال
انا درست فيها وكان تخصصي ادارة اعمال
الكلاسات على حسب المواد شي كلاسات مختلطه وشي مب مختطله بس الشباب محترمين وطيبين ومايخصهم في البنات واذا كان الكلاس مختلط يكون احسن تكون الدرجات اكثر ما يقصرون الشباب يساعدون عادي ياخذون ورقج ويحلونها عنج خخخخ
اهم شي دراستهم وايد سهله وتقدرين اتيبين الدرجات بالسهوله والغش حدث ولا حرج
كلاساتهم بسيطه عاديه اهم شي انها مكيفه ومب حاره وكل مرافقهم بسيطه جدا هو الاهم انج تاخذين الشهاده
بس ليش اتضيعين عمرج سنتين في الكليه على الدبلوم
دشي كليه ثانيه لمدة 4 سنين دبلوم عالي والا بكالوريوس
عندج كلية الغرير في المدينه الجامعيه في دبي بتكون جريبه عليج
كلية دبي شي وايد كليات احسن عنها
وبالنسبه للباصات باصاتهم ما تشجع صغيره وايد شرات باص المخبز
الحمدالله كنت اسير وارد بسيارتي
اما بخصوص التوفل ماعرف لانه ما لحقت على التوفل خلصت قبل ما يطبقون القرار خخخ
موفقه اختيه

**بنوتة الشارقة** · 2010-07-11, 21:34

هلا خوااتي ، اآآآآه لو بيدي جان سرت جامعه الشارجه قسم العلاقات العامه ،
بس الدبلوم بالنسبه لي احسن من اليلسه في البيت
ما شي جامعه عطتني منحه عسب اسيرها بس هالكليه عطتني ،
و بالنسبه للمواصلات طلعت مختلطه يعني امي وابووي مستحيل يدخلوني هالكليه اذا
ما توفرت لي مواصلات للبنات بس
عسب جي يالسه ادور على مواصلات للبنات بس احس انها صعبه من عيمان لدبي
شكلي بقعد في البيت ، هع

بنات اذا تعرفوون كليات تعطي منح للبدون خبرووني او اذا عندكم خلفيه عن مواصلات
للبنات من عيمان لدبي خبرووني بليز ،

الموضوع: كليه الحاسوب في دبي ~

أدوات الموضوع

عرض

كليه الحاسوب في دبي ~

المزيد من آخر المواضيع من نفس القسم:

المواضيع المتشابهه

منهاج الحاسوب

تحويل من كليه لـ كليه ..~

كلية الحاسوب في دبي

بنات استفسار بخصوص التحويل من كليه الى كليه بلييز