مادونا يا مادونا ...

[i wish]

مساء الخير

عزيزاتي ممكن اعرف رايكم بمكياج مادونا

وكم اسعارها

وتسريحاتهم بعد

ومكانها بالضبط وين

ابغي المكياج حق عروس

المزيد من آخر المواضيع من نفس القسم:

• كل ما تحتاجين لمعرفته عن عطر كلوي نرسيس...
• حل مشكلة تكتل كريم الاساس بخطوات بسيطة وفعالة
• خطوات تطبيق مكياج شتوي ساحر للسهرات
• اخطاء في تطيق البرايمر انتبهي لها
• طريقة عمل مزيل مناكير طبيعي في البيت حصري
• طريقة عمل منظف فرش مكياج سهل وفعال في المنزل
• طريقة عمل منايل ازالة المكياج في البيت
• كيفية تنظيف فرش المكياج بفاعلية
• خطوات بسيطة وفعالة لتثبيت العطر
• نصائح هامة قبل شراء العدسات اللاصقة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[تاااااالو]

للرفع

[علوه]

بملجه اختي سرنا نسوي عندها انا واختي العروس
مكياجها واايد حلو اييج ناعم موب دفش واايد مع انه لبناني سوت لي حطت لي التركواز والذهبي وطبعا سوت لي تان وحبه خال تحت الشفايف الي للحين اتساءل شو العضه والعبره منها بس كان واااااااايد حلو
يعني خبيره تجميل بمعنى الكلمه تعرف لج بالفلاش كيف بيطلع المكياج واايد روعه المكياج طالع بالتصويييييير شي فوق الخيال ما شالله الصراحه مقارنه بالي سوت لبنت خالتي العروس في ملجتها على الطبيعه كان يجنن وبالصور وبالفلاش استغفر الله كيف طالع وايد انصدمت حتى كلهم سئلوني شو رايج بالمكياج بالصور قلت وايد غير لانه اي حد شايفها بالملجه يعلق انه غير
وصدق الالوان على الطبيعه غير عن الفلاش وهني عاد تعرفين منو الخبير والي دارس لج الالوان صح وعن هذول الي يخبصون الالوان على ويهج
انصح فيها
اسعارها غاليه اكيد يعني زلمان شو تتوقعين منهم
اختي سارت الصالون وخذت عنها 4000 درهم بس مكياج والتسريحه حلوة بعد سوتها في صالون ماي ستايل الي هو نفسه تشتغل معاه مادونا اعتقد التسريحه كانت على 1500 درهم
انا سوت لي المكياج على 850 درهم ولشعر على 500 درهم من غير اكستينشن او شي بس فيلر ومال الشعر وحده من البنات مو جمانه لانه جمانه كانت مسافره حزتها وبعد سووا السعر رووعه الصراحه شي عجيب وحلو
اختي شعرها طويل انا مول ما فيني شعر وسوته لي رفعه حلوة صح ما قدرت تسوي فيه حركات عجيبه مثل اختي العروس بس يختي فرق بينه وبين هذول تفانين والله ماسويت لي شي بس عششت لي شعري حسيت عمري كاني متسبحه وحاكه لي شعري بالفوطه وسايره العرس ولا خذوا عني 300 دره ممالت عليهم يعني ماي ستايل شغلهم صدق مضمون ولو اني ابد ما اداني هالجنسيات بس الحق ينقال وصدق حلو شغلهم وما من خساره البيزات الي خذوها
واحنا مو من دبي خلصنا على الساعه 3 الظهر وطلعنا مشوار بالسياره ساعتين لين ما وصلنا والحمد لله لا شعر ولا مكياج ساح ولا اخترب شي وكنا مسوين الملجه بالصيف وبالحوش في خيمه والحمد لله ماشي قف والا اخترب صدق شغلهم مضبووط
مكانه مقابل ستي سنتر من صوب الافته الي مكتوب عليها كارفور في مول اسمه دبي مول ابد ما يضيع مكانه وحلو مرة تدخلين الباب مالي المول على اليدج اليسار اول باب ومن تطلعين تخلين السياره توفقج عن باب المول وتركبين وتروحين ومافيه زحمه مول هالمول شكله محد يعرف عنه على حزتها نص المحلات فاضيه
توكلي على الله واحجزي عندهم
ولو تبين سيري بنفسج لصالون شوفي مكانه وسوي بروفه
احنا جيه سوينا اول شي طبعا شفت الشغل على ربيعتي بملجتها ووايد عيبني الشغل ووايد الملجته من مكياج وشعر طلع احلى عن العرس هالي معرف بشو اوصفها زغت عنا 10 الاف بس مكياج العروس وصدق استغفر الله بس

[مبدعة الجمال]

موفقه حبيبتي

[سوالف بحر]

مادونا فنانة وعلوه ماقصرت
مكياجها ناعم لكن رااااقي تلعب بالملامح وترسمها لهدف التصوير وهالشي اغلب الماكييرات فوقتنا يغفلون عنه لان العروس مايبقى لها شي من العرس الا الصور والالبوم والفاونديشن ورسم الملامح تلعب دور اساسي بنجاح البوم العرس
اما اسعارها اللي اعرفه انها تاخذ 6000 او اكثر لو هي تسير لج
معلوماتي من اكثر من سنة وهالسنة ماصدفتها ولا مرة وماعندي فكرة عن السعر انتي اطلبي رقمها من البدالة واستفسري منها شخصيا اضمن بس مكياجها فعلا متقن ومرتب
مووووووفقة حبيبتي

[احتاجك..]

اب اب اب اب اب اب اب
سبحان الله وبحمده,, سبحان الله العظيم..

[باااااربي]

للرفع

[اهلين و سهلين]

الحلو ف مادونا انها تلعب ف ملامح الويه مكياجها وايد حلووو

[oshana]

للرفع

[i wish]

مشكورات عزيزاتي ما قصرتوا وياي

بس بصراحة اسعارها ناااااااااااار

اختي هي العروس وأحس ان ميزانيتها ما تسمح

وانا أدور وحدة اتييني للبيت علشان ترتاح اختي

شكرا مرة اخرى

باااااااااااااااي

[مواليد2010]

موفقه

[بـنـوتـه]

انا سرت عندها وسويت بروفه خذت 500 بس عشان البروفه .. المكياج كان حلو الصراحه .. بس ماحجزت عندها .. قالتلي المكياج ب 7000 اذا هيي بتيني لين القاعه .. والتسريحه ب 3000 .. عشان جذا غيرت .. يعني تخيلي ادفع 10000 بس عشان مكياج وتسريحه !!! شي يعور القلب الصراحه .. والله يهدي الماكييرات المواطنات وغيرهن الطمع عمى قلوبهم ..

[حليمة الملا]

انا سرت عندها وسويت بروفه خذت 500 بس عشان البروفه .. المكياج كان حلو الصراحه .. بس ماحجزت عندها .. قالتلي المكياج ب 7000 اذا هيي بتيني لين القاعه .. والتسريحه ب 3000 .. عشان جذا غيرت .. يعني تخيلي ادفع 10000 بس عشان مكياج وتسريحه !!! شي يعور القلب الصراحه .. والله يهدي الماكييرات المواطنات وغيرهن الطمع عمى قلوبهم ..

موفقه الغالية بس انت تتكلمين عن مادونا مافي داعي اتدخلينا احنا المواطنات بالموضوع حبوبة والسموحه الغالية