اختي

**كلي برآءه** · 2010-07-07, 15:03

شحالكم

بنات اختي عمرها 16 بس ما اتصلي

كم مره انصحهآ ..
واقول لهآ قصص عن الصلاه
و اقول لهآ افضآل الصلاه

بس بعد مآ اتصلي

يعني يوم انآ ايي بيت امي اصلي جدآمهآ و هيه ولاآ تتحرك ولاآ تصلي

و يوم اقول لهآ الفييل قبل النوم .. بآجر بنصلي الفجر مع بعض حطي منبه بفونج
اتقول موب متفيضه .. خليني انآم

وآيد تجذب
احيآنآ اقول لهآ قومي صلاه .. اتقولي مآ عليه فيني الدوره
انآ قبل كنت اصدقهآ .. بس مره تمييت عندهم اسبوعيين .. طول الآسبوعين اتقول فيني الدوره
والبآرحه اتقول فيني الدوره ..
قلت لهآ .. انتي دورتج مآ تخلص ..
قآلت بختصآر مآ فيني الدوره ولآ شي بس عسب تفكيني ولاآ تقولين صلي ..

بنآت انآ اقول لهآ بآسلوب حلوو .. واحيآنآ أسلوب تخويف

يعني مره اقول لهآ : شو رآيج انصلي جمآآعه ..
ومره : قومي صلي قبل لا يصلون عليج
ومره : ترى اول شي ربج بيسآلأ عنج صلاـآتج ..
ومره حبيبتي قومي صلي ..

بس مآ نفع معآهآ ابدن ..
حتى ريلي يعرف انهآ مآ اتصلي .. و كم يعطينآ محآظرآت عن الصلاه جدآمهآ عسب تسمع
وهيه خبر خييييير ..

شو اسسوي معآهآآ ..!
هيه كبير مب يآآآآآآهل ..!!

المزيد من آخر المواضيع من نفس القسم:

**والله عصبت** · 2010-07-07, 15:08

هالزمن ناس وايد تتهاو فالصلاة انا ما عرف بصراحة كيف عايشين والله ان قلبي يعورني يوم اسمع مثل هالقصص الله يهدي اختج ويهدي كل وحدة وواحد ما يصلون

**طيوبة زعولة** · 2010-07-07, 15:09

حرموها ... أنا أختي كانت تخربط شوي بأوقات الصلاة مب شرات أختج ما تصلي موول و جربت وياها الزين و الشين أختي ما تحب بعد حد يقولها سوي وسوي و جربت وياها نفسج كل شي أحيانا ينفع و أحيانا لأ جربي أحرميها من أشياء تحبها و قوليلها تبين الشي الفلاني صلي و أدعي ربج جربي يمكن الحرمان ينفع و مالج غير تدعيلها بالهداية لها و لكل المسلمين و المسلمات أن شاء الله

**دلووعتهم** · 2010-07-07, 15:10

الله يهديييييييييييييييييها ان شاء الله

**حبيته بجنون** · 2010-07-07, 15:21

الغاليه البنت مب من اول شهر او شهرين راح تطيعج وتسمع كلامج

لو كانت هي من البدايه ماتصلي صعب عليها انها تتقبل الصلاه فجاه

الغاليه لو الوالده الله يحفظها علمتها تصلي من هي وياهل جان مابتعاني وياها انتي الحين

يعني كل واحد على حسب تربيته.... انا ما اشكك في تربية امج طبعا لا حشى.... بس اكيد فيه اسباب غير مفهومه بالنسبه لكم ورا عدم صلاتها.......

تلاقيها حتى عقلها صغير وماتعرف تفكر صح عشان جي بعدها ماتصلي

اعرف ناس اكبر مني ومنج ومايصلون ونسال ليش شو السبب يقولون <<احس بعدي على الصلاه والالتزام بعدنا صغار يوم بنكبر شوي بنلتزم!!

الموت مايتريا حد يكبر ولا يصغر الموت ايي فجاه احياناا تكون له اسباب واحيانا ماتكون له اسباب عشان الناس يتعضون...

افتحي موقع اليوتيوب بتشوفين ناس قاعدين مع ربعهم وفجاه يدهمهم الموووت وكان ملك الموت جليسهم وهم مايدرون... خليها تشوف هالمقاطع عل وعسى تتعض والله يهديها.... واصبري عليها شوي لانها ماتعرف الصح من الغلط ... وكل شي بالحسنى يصير لانه عمره الشد والعصبيه يابت اي نتايج حلوه كل هالعصبيه والزعل تييب نتايج زفته ونندم عليها عقب...

الله يهديها ودام عندها اخت مثلج تنصح ع الصلاه ان شاءالله راح تقتدي فيج وراح تصلي بدون لاحد يعزمها....

الله يهديها لكم ان شاءالله

**فرح راكـ** · 2010-07-07, 15:23

ابتعدوا عنها لاتفهميني غلط يعني لا تأكلون وياها ولا تسولفون وياها كعقاب وقولي تارك الصلاه يعتبر كافر ونحن مانأكل ونشرب ويا الكافر يمكن يكون الاسلوب قوي بس حاولي انج تحسسينها انها الي تسويه غلط
اممم وشوفي ربيعاتها الي حولها يصلون ولا لا يمكن ربيعاتها مخربين عليها ويمكن مايصلون شراتها
يمكن حد مأثر عليها

*** ام خماس *** · 2010-07-07, 15:46

الله المستعاان00حبوبة الصبر وطوله الباال مطلوبه بموضوع ختج0

عزيزتي عليج بالكلمه الطيبه وطريقه حلوة معاهاا لانهاا بفترة مرااهقه والمراهقين

ما يتقبلون كلااام الكباار براحه 00ويشوفون ان كل النااس ضدهم ويفرضون اي شي عليهم0

اصبري عليهاا واختااري الوقت المنااسب يوم تكون راايقه وحالتهااا النفسيه مرتااحه 0

الله ايسر امورج ويزااج الله خير فديتج 00والله يهديهااا لدينهاا ياارب

**سوارة** · 2010-07-07, 15:50

فووووووووووووووق

**دلع فطوم** · 2010-07-09, 01:51

الله يوفقج الله يرزقنا الزوج الصالح

**دلع العاصمه** · 2010-07-09, 02:30

تعرفين حتى اختي بس اختي عمرها 14 والمشكله أإنها تجذب تقول صليت وهي تكون يالسه اتابع التلفزيون وخرط تكون لا تحركت من مكانها ولا اي شي خررررط

**المقر** · 2010-07-18, 22:02

انا اختي عمرها 21 وماتصلي

شفتي بالله...!!

ماتصلي الا شهر رمضان بس

قلنـآ وتعبنا وملينا ماشي فايده

عاد وهي حرمه عوده

وهذا كله من الدلـع لانهـآ اخر العنقود وماتسمع شور حد

بس كلن عقله براسه ودارس ويعرف مصلحته وين لانه خلاص تعبنـآآ من القيل والقال

**أم اشجان** · 2010-07-18, 22:05

الله يهديها ان شاء الله

**وفية حق زوجي** · 2010-07-18, 22:17

الله يهديهم انشالله .. المفروض تصلي وحد يتابع وياها بالبيت ويأكد عليها
يعني مثلاً الوالدة لما تقوم تصلي تزقرها حق الصلاة بعد وجي
كل وقت بوقته
الله يكون بالعون انشالله

**UAEGIRL08** · 2010-07-18, 22:19

الله يهديها يارب

احرموها من كل شي اتحبه واذ سألت عن السبب قولولها صلي وبنعطيج

**{شمۈخيےيڪسرڪ❤** · 2010-07-18, 22:24

انا الصراحه من عمر اختج وماكنت اصلي
بديت من فترة 3 شهور اصلي واقرا قرآن
واقرا الاذكار واصلي قيام الليل والفجر
شفت راحتي فالصلاه حتى يوم اكون ضايجه
افرش سيادتي واصلي واصيح وادعى
عسى الله يراويها السعاده والراحه الي شفتها فصلاتي
وادعولي اتم مواضبه لين ما اموت

الموضوع: اختي

أدوات الموضوع

عرض

اختي

المزيد من آخر المواضيع من نفس القسم:

المواضيع المتشابهه

خلطة اختي وبنت اختي السرررررررررريه وضعتها بين اديكم ياويلي منهم لو عرفو هههههههه

صور بنت اختي وابن اختي فعمر الاربع شهور من سنتين شوفوهم

عرس اختي صور

اختي و................؟

بس هذي اختي