جزيرة صير بني ياس

[redmoon]

لو سمحت حابة أعرف كيف اقدر اوصل للجزيرة ؟ من وين احجز ؟ وعلى كم؟؟


السموحه منكم

المزيد من آخر المواضيع من نفس القسم:

• شتاء دبي غير مع كنوزها التاريخية والتراثية...
• دبي تستعد لليلة رأس السنة بعروضٍ مبهرة
• اجمل الأماكن السياحية في جميرا دبي
• حوض الحجرات المفقودة في دبي
• اهم المعالم السياحية الجذابة في دبي
• جولة في فندق والدورف أستوريا دبي بالم جميرا
• منتجع وسبا دبل تري من هيلتون جزيرة المرجان
• جزيرة ياس افضل الوجهات الترفيهية للعائلات
• اجمل اماكن السياحة الشتوية في الامارات
• اقوى عروض فنادق ريكسوس لعيد الأضحى

[شاعرة شجن]

انا سرت للجزيرة هاي وكانت روعه بكل معنى الكلمة حسيت احلى يوم ونص في حياتي ^^
بس انصحج الغالية هالوقت لاتسيرين مب شي
لانه بيكون حر وايد انا سرت في وقت كان اخر الشتاء والجوء معتدل وكانت الاقامة في الفندق روعه الغرفة وايد حلوة اذكر انه سرنا من بوظبي لين جبل الظنة هني في مكان توقفين سيارتج وتيلسين في مكان نفس الاستراحه تاكلين وتشربين فري وتترين الين ايي المركب الي ياخذج للجزيرة وكانت مدة الرحلة الين الجزيرة 15 بس كنت لحظات ممتعه خاصة انه الجو حلو سرنا يلسنا داخل الفندق وفيه انشطة هاي تدفعين عليها من حسابج
مثلا رحلة بالسياكل وتجدفين في البحر بس اللي كان فري ومن ضمن الباكج مال الرحلة هو طلعة ثاني يوم الصبح
تشوفيين المحمية وتشوفين الحيوانات اللي هناك يشلنا باص مع مجموعة ويكون فيه مرشد سياحي يخبرنا عن كل شي
اللي سمعته انه الاقامة في الفندق مع طلعة البحر مع رحلة اسكتشاف الجزيرة كان بـ 1400
واللي سمعته الحينه فيه خصم
بس كيف الحجز اختي انا ماعرف والله اخو ريلي هو اللي حجز حق العائلة كلها
بس انصحج فيها مكان راقي وتجربة روعه

[redmoon]

مشكورة اختي بس ممكن تخل ريلج يسال اخوه

اذا ماعليج كلافة

[عنجهيه]

كم يبعد المينا عن بوظبي نفسها ؟؟

[دوا العوق]

جبل الظنه بين الرويس والسلع ^_^

يعني تقريبا من بوظبي ليييييين جبل الظنه 280 كيلو او 250

تقريبا ..~

^_^

[شوكليت توي]

وايد بعيده المنطقة

[Darb alwed]

شووقتونا انسير لها ^^

[^ نونوه ^]

نا سرت لها سنة تقريباً 2002 ,, ما فيها غير المحميات ما عيبتني صراحه ,,

[حلاوة جلكسي]

انا رحتلها مرتين مع عمتي وربعاتها وكنت صغيره ورحتلها بطياره بس طياره حربيه ,رووووعه المكان في شاليهات وع طول البحر جدامج وفي باص يشلج ومفتوح من فوق يمشيج وتطالعين الحيوانات والنباتات وهناك بيت الشيخ زايد رحمه الله روووووووعه وانصحج تروحيلهااا