انا و ............. النقاب!!!

[بيبي حبيبي]

مشكلتي هي
انا اتنقب والحمد الله وسافرت مع ريلي السنة الي طافت بس ما ارتحت
كنت وين ما اروح الناس تاكلني بنظراتها ويشوفوني ع اساس اني شي غرييييب
وكل هذا بسبت نقابي
والحين بنسافرانا وريلي قريب وخايفة لا تنعاد نفس التجربة
خاصة وانا استحي اذا حد طالعني فما بالكم بعالم ما شاء الله!!!
شورو علي ... ماتهنيت بسفرتي الاوليه وما ابي اعيدها بها السفرة

المزيد من آخر المواضيع من نفس القسم:

• اجمل موديلات احذية بيتي شتوية انيقة ودافئة
• شنط بتصميمات والوان عصرية لاطلالتك هذا الشتاء
• احدث تصاميم اكسسوارات باللون الذهبي لاناقتك
• اجمل موديلات شنط انيقة لاطلالة مثالية
• باقة مختارة من اروع تصاميم اقراط لاناقتك
• اروع تصاميم اكسسوارات غاية النعومة والاناقة
• موديلات بوت بتصميمات والوان عصرية لاطلالة...
• احدث تصاميم فساتين سهره فخمة وانيقة
• اجمل تنسيقات ملابس شتوية لاطلالة عصرية
• نصائح للبنات القصيرة لاختيار الملابس المناسبة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[سوارة]

حبيبتي النقاب مب واجب شرعا .... وفي الدول الاجنبيه تلفت النظر وهذا شي حرام .. الاحسن تتحجبين ..

والله يوووفقج

[فرحة 94]

أختي أنتي وقناعاتج .. أقولج عن نفسي أنا رحت هولندا وامريكا ولندن وانا لابسه النقاب ,, وعمري مالاحظت حد بقق عيونه فيني إلا القليل جدا .. والقليل لايذكر ,, ومره كنا في أمريكا وسمعنا اثنين أجانب يثنون على لبسي .. وبصراحه هذا الشيئ خلاني أتمسك بالنقاب أكثر . .. ف نصيحه مني لاتتنازلين عن قناعاتج بسهوله .

[فرح الامارات]

ما عليج من غيرج خلج واثقة من نفسج وخليج بالنقاب احسن

[baby-rak-]

انزين تحجبي ولا تتبرجين

[S A R S H A]

الغاليه النقاب لا انذكر لا في القرآن ولا في السنه
و اكثر المشايخ يقولون ان النقاب مكمل للحجاب يعني سواء انتي تنقبتي او ما تنقبتي عادي
لان اهم شي انج مغطيه جسمج كله ماعدا الوجه و الكفين و هذا اللي الله و رسوله قالوا عنه
يعني النقاب مب فرض ولا سنه ولا غصب . . . هو مجرد اكسسوار كمالي للحجاب ..

و بصراحه انا اشوف انقاب يلفت للنظر اكثر من الحجاب العادي و صدق العين روحها لو طلعت تلفت النظر اكثر
و لان جمال البنت في عيونها فـ شوفي كيف لما تلفتين الناس يشوفون عيونج . . .

بس في رايي وقت السفر لا تلبسين النقاب لان هناك الناس بشوفج كل ما مشيتي و وين ما سرتي
يعني بعكس المناطق العربيه عارفين هالشي و مسلمين اما هناك شو عرفهم ؟! و بجذي بتلفتين النظر لج اكثر من انج بحجابج بس . . .


لبسي عبايتج و استري عمرج و تحجبي .

[ام هاني ونودي]

في كل سفرة نفس المشكلة الصراحة
بس البعض مثل ماقالوا البنات يقولون مفروض مانلبس شي ملفت
وربي ييسر لج الخير

[ذعذاع]

قال الله تعالى .. وليضربن بخمرهن على جيوبهن ..

اتنقب وسافرت معظم دول العالم .. دول الخليج كلهاو سوريا والمغرب ومصر وتايلند ولندن وايرلندا وماليزيا واسبانيا واستراليا وسنغفورا والصين وتركيا وايران والهند وسريلنكا والنمسا بصراحه فالدول الاسلاميه كانهم اول مره يشوفوني فالغرب كاااااااااان عادي واللي تفتي احسلها تحتفظ بفتواها لنفسها ماتعرفين فلاتخمنين قبل تتحاسبين ترا كل كلمه انتوا محاسبين عليها...

[القطوة الدلوعة]

ما عليج من غيرج خلج واثقة من نفسج وخليج بالنقاب احسن

يزاااج الله خير اختي عالنصيحة الطيبة


خلج مثل الجبل صاااااامده ولا ما تهزج نظرات حد ولا كلام حد وتذكري مكانتج و اجرج عند رب العالمين كبيــــر وما يضيع


ومحد بيلتفت ولا بيصد صوبج اذا انتي اقتنعني وطنشتي الكل لكن انتي يمكن في خاطرج متردده عشان جيه يتهيأ لج ان كل الناس اتجوفج

وبالنهايه قوي ثقتج فنفسج و انتي وقناااعتج والسمووووحه منج

[زيباشو]

ما دام سالتي معناتها انج متردده واذا فسختي النقاب ما راح ترتاحين فيفضل انج ما اتطلعينه

[دلووعتهم]

سوى الى يريحج الغلااا

[j.h.s]

خلّج ثابتة على قيمج

البسي نقاب وحجاب أبيض مثل الكويتيات ..لأن الأسود أعتقد هو إلي يلفت

[مجموعة مملكتي]

رايي سوي إلي إنت مرتاحة منه، وما عليج من حد

[شذى الألحان]

الغاليــهـ ..

شووفي شوو يريــحج وسويــهـ .. اذا تحسيـن انه النقاب مسولج ازمــه .. تحجبي وتوكلي على الله تراج بتكونين ساتره عمرج ..

واذا حسيتي انج هب مرتاحه بدون نقاب ومتعوده عليه .. توكلي على الله وماعليــج من حد ^_^

[السلامة]

اتمسكي بنقابج تراج ترضين ربج.. مو الناس إللي مو عاجبة كيفة
هم يتفصخون في بلدنا ومحد قادر عليهم وألحين نتكشف لهم بكل سهولة عشان محد يستغرب مني
لا تلتفتين لهالأمور
خلج غالية بنقابج وحجابج مثل ما غلاج رب العباد سبحانة لا تخلين إللي يسوى وإللي ما يسوى يشوفج
ورسول الله يقول ((يأتي على الناس زمان القابض على دينه كالقابض على الجمر))