شو أسوي ويا هالريال

**بدر البدو** · 2010-07-05, 16:56

مرحبا أنا داشة بنك نيم اختي

اليوم بغيت أكتبلكم مشكلتي ويا ريلي أبي أفضفض أنا معرسة صارلي سنتين و عندي بنوته تسع شهور الله يحفظها يااارب من عرست وأنا موب مرتاحة وياه كله مشاكل وياه و عنده سوالف البنات صدقوني دوم ازخه وكذا مرة رحت السيارة و احصل هدايا من هاييل بنات الشوارع حسبي الله و نعم الوكيل فيهم ويوم أواجهة يقولي ها مال ربيعي موب مالي هو كان وياي ونساه فالسيارة وكله يسهر برع و يرد متأخر ويوم اتصل فيه عسب أسأل عنه وأطمن عليه ما يرد علي ولا يصكر ف ويهي وفوق هاذا ما يطلعني موووول قبل لا احمل و اربي كان يطلعني و يمشيني مرات أما الحين لا وايد عليه فالشهر مرة اسير الجمعية أاخذ أغراض البيت كله يقولي أنتي محرومة من الطلعات اقوله ليش اونه بس جي ويقولي انا متزوج عليج وحدة ثانية احسه يجذب علي من وين له فلوس ترى هو وااايد يذلني ع مصروفي وما يعطيني الا يوم أطلب منه اتخيلو ثلاثمية فالشهر بس و بعد عقب مذلة أبا حل ويت ويا هالريال مليت مليت خاطري أطلع وياه اتمشى مكان أغير الجو بس ماشي فايدة كله يطلع ويا هالخياس ودوم أحصل مكياج ولمع ع كندورته كذا مرة كلمت أخوه وأخواني كل ما كلموه يقول اوكي أوكي بصرف عليها بطلعها و بودر سوالفي بس ولا عالبال
موب عارفة شو أسوي ابي أطلق منه بس أخاف أنه ياخذ بنتي و أنا كذا مرة قتله طلقني يقولي اوكي بس البنت بتنسحب منج
لا تشكي جرحك على أي مخلوق الجرح مايوجع سوى راعيه

المزيد من آخر المواضيع من نفس القسم:

**ام سعووود^_^** · 2010-07-05, 17:01

الله يهدييييييييه ياااارب

لا تلجئين لي حد غير ربج هو اللي يقدر يغيره من حال لحال

ادعي ربج بكل وقت وفي قياااام الليل
ويااااارب تتيسر امورج يااارب

واااايد يشتكن الحريم ريلي يسوي وريل قال لكن الحريم مااابيدهن شي غير انهن يدعلج انه الله يهديه

مالج غير ربج

**فدييت قلبه** · 2010-07-05, 17:03

الله يعينج و يفرج همج ..

ما إلج إلا ربج ..

**غدر الليالي** · 2010-07-05, 17:27

الرياييل مامنهم الا القهر الله يصبرج حبيبتي ولا تندلين له خليه يتهنى بالحرام مايدري انه هو الخسران

**اناناسة** · 2010-07-05, 18:13

الغالية ان هو فعلا عنده علاقات محرمه و زنا لا سمح الله تطلقي منه قبل ما تيبين عيال اكثر

و لكن بعد الامر راجع لج انتي

انا خبرتج باللي انا لو كنت مكانج بسوي و السموحه

**أبكاني ذنبي** · 2010-07-05, 18:26

المشاركة الأصلية كتبت بواسطة ام سعووود^_^

الله يهدييييييييه ياااارب

لا تلجئين لي حد غير ربج هو اللي يقدر يغيره من حال لحال

ادعي ربج بكل وقت وفي قياااام الليل
ويااااارب تتيسر امورج يااارب

واااايد يشتكن الحريم ريلي يسوي وريل قال لكن الحريم مااابيدهن شي غير انهن يدعلج انه الله يهديه

مالج غير ربج

**tadom** · 2010-07-05, 18:31

بنتج بعدها صغيره والحضانه بدون كلام لج انتي
الله يعينج ع هالريال

**رؤوس الجبال** · 2010-07-05, 18:33

الله يهديه لج ويصبرج عليه يا رب
الغالية انا اقول اصبري عليه مع الايام بيمل والله بيهديه ان شاءالله
اكثرية الشباب جي بعد فترة الله هداهم انصحية يروح العمرة وان شاءالله ربي يهديه
لأن الطلاق مب حل حبوبة الله يسخره لج يا رب

**بنت 22** · 2010-07-05, 18:37

حبيبتي صدقيني مايقدر يسحبها منج اولا مب فاضي للبنت عنده اشغال ثانيه وهو من كلامج مب قدها بس يهددج لان يعرف ماتقدرين تستغنين عنها
والله يعينج عليه الصراحه ادعيله من قالبج الله يهدي واصبري عليه ترراج ماجوره باذن الله

**menoo** · 2010-07-05, 18:48

آخر شي تفكرين فيه الطلاق ....
جوفي ...هذا ريلج حقج انتي ونصيبج ولا تخلين حد ياخذه منج ...مب حق اي وحدة غيرج...

واذا بتطلقين مب حلوة في حقج يقولون عنج ( مطلقة )
والله كثري من الدعاء والاستغفار ترى الاستغفار له مفعول سحري والله وعن تجربة .....الله يهديه

**برونزيه غاويه** · 2010-07-05, 18:59

لو تدعين ربج ان الله يهديه .. احسن لج من الطلاق .. صدقيني المطلقه مايرحمونها في مجتمعنا وشو ذنب البنووته تتبهدل بسبتكم .. انا اقولج اصبري تراه مرده بيمل .. وانتي صلي قيام الليل واكثري من الدعاء وقرآة القرأن .. واكثري من الاستغفااااااااااار
والله يهديه

**عواشهـ** · 2010-07-05, 19:01

ما يقدر ياخذ البنت الحضانه لج

بس اول شي سيري بيت امج كم يوم يمكن يتوب؟؟

**Asooma** · 2010-07-05, 19:20

لو مكانج ماظن بقدر استحمله

سوالف بنات و مايعطيج مصروفج و مايطلعج بالمره وفوق هذا اهلج مرمسينه

ليش الوحده اتم في عذاب والريال مستانس

بالنهايه هذا راي انا

وانتي سوي الي يريحج وتحسينه صح

**بدر البدو** · 2010-07-05, 20:34

اشكر الخوات ع المرور فديتكم ما قصرتو
بس انا تعبت نفسيا واااايد صبرت عليه وااايد اتحملت
ابي أطلق بس أخاف ع بنتي

**❥~S** · 2010-07-05, 20:45

الله يهدي ريلج يآربَ =)
اصبري واتحملي وادعيله في قيآمً الليل
لج أجر

الموضوع: شو أسوي ويا هالريال

أدوات الموضوع

عرض

شو أسوي ويا هالريال

المزيد من آخر المواضيع من نفس القسم:

المواضيع المتشابهه

سمعتوا قصة هالريال :(

شو رايكم في هالريال ...

شوفوا شو سوى هالريال !!!!

:::::::::::::::ليت هالريال عمي ابو ريلي :::::::::::::::::::

ذبحني هالريال