وينكم يا حريم تجاربكم بستغلال الاكل في رمضــــــــــان!!!! الكل يدخل ارجوكم

**يحـــــ ام يى** · 2010-07-03, 11:49

السلام عليكم

ربي يبلغنا رمضان بصحة وعافية يارب

بغيت حلول وتجارب من البعض بكيف نستغل الاكل الزائد عن الحاجة خاصة بعد الفطور بنات ما احب ارمي الاكل قلبي يعورني لكن شو اسوي

اتخيل ناس يموتون جوع ونحن نرمي الاكل

نبغي حلول للأسراف او الاكل الي ينرمي برمضان ارجوووكم نبغي تفاعل النعمة تنرمي ورمضان الخير يصير رمضان الاسراف والاكل

انا من رأيي اننا نكتفي بصنف واحد من الاكل وشوربة وحلى وعصير ...

الحمدلله لا بتعب وطبخ وتحضير وغيره ولا الاكل بينرمي وكل يوم اسوي اكلة غير ولا احرم نفسي لأني بنوع مع مرور الايام ولا اسرف ولا اتعب ..

وبس شو حلولكم انتم؟

المزيد من آخر المواضيع من نفس القسم:

**ام الصبر** · 2010-07-03, 12:21

اللهم بلغنا رمضان وهون علينا صومه في الغربه...أختي الغالية ممكن طرشين لجيرانج أو طرشين للمسجدأو لراعي البقالة أو ممكن لعمال يشتغلون جريب منكم وتاخذين أجر تفطيرهم,,وطبعا الأولى ان ما نسرف في طبخ الأكل ونسوي أنواع بس بكميات صغيرة...والسموحة

**Baby-Batcha** · 2010-07-03, 13:29

بصراحه ... أنا بقول للخدامة ... اتسوي أكل خفيف ...

يعني شوربة .. /سلطة / فطاير / ونوع من الحلويات .. وبس !

شراتج تقريبا ...

وع العشاء ولا السحور .. نوع معين!! يا عيش يا ثريد ... وبس ...

لا اسراف ولا شيء ...

ومثل ماقالت لج الاخت ... طرشي للمسيد ..! ننحن انسوي جيه ..

**سوارة** · 2010-07-03, 17:14

ابصراااحه انا ما اطبخ وااايد انسوي خفااايف حق الفطوور وشووربه ...وعقب حق العشا تكوون وجبه دسمه ...

**Mįşš●Ċlaśŝįč** · 2010-07-03, 22:08

ناوية هالمرة ما أكثر أكل وايد
واذا زاد الاكل اوديه للراعي الدكان او فقير ..ناخذ من وراه أجر

**ام وعووودي** · 2010-07-04, 04:31

اذا زاد الاكل ليش ينرمى بالعكس الاكل النظيف والي مب متاكل منه مطوع المسيد وعياله ولا راعي الدكان ولا العمال الي في الشركات بعد الفطور يتيمع الاكل النظيف ونوديه لهم وعالعشاء نفس الشي نغرفلهم قبل مانغرف لنا وبجي ماشي اسراف ونكون كسبنا اجر الله يبلغنا رمضان على خير

**يحـــــ ام يى** · 2010-07-04, 04:47

يزاكن الله خير عجبتنني فكرة اني اعطي الاكل لراعي الدكان

حتى لو حبيينا نقتصد صحن اكل من الجيران وصحن اكل من فلان والحمدلله يارب يصير الاكل وايد

اللهم لك الحمد والشكر نعمة من ربنا

**عليونة** · 2010-07-04, 09:05

ممكن تنوعين بس بكميات قلييييله
او
اللي يزيد خليه حق السحور<<نحن جي نسوي محد يعترض من الاهل
او
اللي يزيد خلي ريلج او اي ريال فالبيت يوديه حق الهنود العزابيه بيتسحرونه لان الهنود يفطرون فالمسيد يعني مايطبخون فعطوهم اياه حسب يتسحرونه
ويكونون فوق ال 25 شخص فبيت واحد يعني مافي شي بينرمي كثر ماعطيتيهم بياكلونه بتكسبين اجر فيهم
نحن مرات نسوي وايينا اكل من الجيران مثلا يكون عندنا 3 صحون كبار هريس ناكل من صحن وعقب نودي الصحنين للهنود ياكلونه حليلهم عالسحور

**يحـــــ ام يى** · 2010-07-05, 00:01

شكرا خواتي وننتظر تفاعل البنات

**mischocolat** · 2010-07-05, 20:49

الصراحه اختي الحمدلله انا ماعندي شي يزيد في رمضان لاني ما أسوي أكلات وايد
الجيلي والكريم كراميل والمحلبيه هالاشيا كل يوم أسوي منها نوع واحد
الوجبه الرئيسيه(حق العشا يعني الساعه 11 تقريبا) صنف واحد بس كل يوم واللي يزيد من الفطور ماشي دلع
السلطه واللقيمات والباكوره والثريد والشوربه يوميا
المعجنات والسمبوسه كل يومين
السويتات 3 مرات بالاسبوع لان كل يوم بيكون فيه جيلي أو كريم كراميل
الحمدلله بناتي اتعودوا على هالنظام ومرتاحين منه وعاجبهم ان مافي أكل ينرمي واستوو يهتمون بالنعمه ويحرصون انهم مايطلبون اشكال والوان من الاكل يعني ماشي ابغي وابغي لا ..أقولهم اتفقوا شو تبغون تاكلون واسويلكم اياه بس مب كل وحده شكل ..
طبعا غير ان كل يوم لازم نودي لجيرانا قبل الفطور يطعمون من اكلنا وهم بعد يطرشون لنا
الله يعوده علينا وعليكم وعلى امة لا اله الا الله بالخير والعافيه والسلام يارب العالمين

**منورة** · 2010-07-06, 01:17

نحن عندنا مزارع عقب ما نفطر عطيناه الباجي يتسحرونه هوه وربعه

**يحـــــ ام يى** · 2010-07-10, 04:24

شكرا خواتي

**خفقـــة قلــب** · 2010-07-10, 08:47

انا امايه ماتحب تعق الاكل توزع على اليران لازم لانه في بيتنا محد ياكل اكل البيت

وزعي على يرانج الغلاا ونحن بعد شرات منورة

**سراب 44** · 2010-07-10, 13:12

ومنكم نستفيد ربي يبلغنا اجمعين يارب

**~متميزة~** · 2010-07-10, 23:48

الله يعوده علينا وعليكم وعلى امة لا اله الا الله بالخير والعافيه والسلام يارب العالمين

الموضوع: وينكم يا حريم تجاربكم بستغلال الاكل في رمضــــــــــان!!!! الكل يدخل ارجوكم

أدوات الموضوع

عرض

وينكم يا حريم تجاربكم بستغلال الاكل في رمضــــــــــان!!!! الكل يدخل ارجوكم

المزيد من آخر المواضيع من نفس القسم:

المواضيع المتشابهه

حريم تجاربكم في ................

ارجوكم ســــــــــــاعدوني وطمنوني الكل يدخل

المطااااااااااط !!!!!! عند الاكل الضحك وغيرها تجاربكم .....قوم التقويييم.... حياكم^^

الكل يدخل متزوجه اعزوبيه ..ادري الكل بيرد وبيبدع برده