عريس بس داخل بشروطه

[shoshooo]

سؤال يدور في ذهني:
شرايكم في العريس اللي يدخل بشروطه؟
مثلا يتقدم لوحده تشتغل ويقولها يلسي في البيت
أو يتقدم لوحده تشتغل في مكان مختلط ويقولها اشتغلي مدرسه
أو يدور وحده free ويقولها تغشي
ليش ما يتقدم لوحده فيها الشروط اللي تعجبه من البدايه؟
خبروني عن الشروط الغريبه اللي سمعتوا بها

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ملكان]

شروووووط بامكان الوحدة ترفضها او توافق عليهااا..

[shoshooo]

شروووووط بامكان الوحدة ترفضها او توافق عليهااا..

طبعا بإمكانها ترفض لكن المنطق غريب

[قـــطريه]

انا ماكنت اتغشى ولاعرف التغشي بس تغشيت ماعرف اشلون بس غيرت رايي وسندرته ابي اشيل الغشوه تحسفت اني وافقت لاني لحد الحين ماتقبلتها اف منها ههههههه بس على قولته يغااار ..مايبي حد يجوف هالويه غيره احم احم خخخخخخخخخ...

باقولج يمكن لان الي اختارها هي فتات احلامه على قولتهم بس يبي اشويه اشياء يغيرها مثل ماقلتي مايبيها تشتغل او اتغشى ..بس كله بلتفاهم يصير ..يعني مب كل شي غصب ..

[* ام خماس *]

مثل ماا يقولون الي اوله شرط اخره نوور0

ويحق لكلااا الطرفين التشرط ويحق لهم الرفض 0

[mazyo0na]

انتي تقولين ان ليش ما دور من الاساس على وحده فيها الشروط اللي يباها

انزين يمكن هوو تعب من كثر الدواره وحصل البنت اللي كل شي فيها زين بس امثلا تشتغل وهو ما يباها تشتغل او مثلا ما تتغشى .. ممكن يشرط عليها هي يا توافق يا ترفض .. يحق للاثنين الشرط والموافقه او الرفض

[جنـه الــورد]

انا الصراحه عن نفسي ماحب الريال الي يتشرط

يخلي البنت براحتها دامها محترمه بمكان عملها ومتحجبه مب غصب يخليها تتغشى

والي يضحكني الريال الي سامح لخواته ياخذون الليسن ومب راضي يخلي حرمته تقدم على الليسن ! ابا اعرف هذا كيف يفكر ..

بس بالاخير البنت تقدر باسلوبها تقنع الريال وتغير رايه

[Designee]

الحرمه تتبع ريلها واحسن انه يقولها شروطه قبل لا ياخذها ويتوهقون
اذا هي حابه تعرس وتشوف عمرها تقدر اتسوي اللي يباه ليش لا؟
واذا اوفر خلاص -ـ- مب غصب !!


ماسمعت شروط عجيبه ولله الحمد غير سالفه الشغل والنقاب، ، شي عادي ومعتاد لول

[روح السلطان]

مثل ماا يقولون الي اوله شرط اخره نوور0

ويحق لكلااا الطرفين التشرط ويحق لهم الرفض 0

[Back 2 Home]

up up up

[أم حصه]

يشترط من البدايه ولا يغصبها على شئ بعد الزواج وتستوي امبينهم مشااكل ..

فالي اوله شرط اخره نور والله يوفق اليميع ..

[alaserah123]

عادي مافيها شي لو يطلب من حرمته تتغشى ولا تتنقب ترا الزواج اسمه ستر وهو يبا يستر حرمته عن عيون الناس
ومثل ما البنيه تتشرط بعد الريال يحق له يتشرط <<احسن لهم عسب يتفقون من البدايه ولا يواجهون مشاكل خلاف

[mazyo0na]

انا الصراحه عن نفسي ماحب الريال الي يتشرط

يخلي البنت براحتها دامها محترمه بمكان عملها ومتحجبه مب غصب يخليها تتغشى

والي يضحكني الريال الي سامح لخواته ياخذون الليسن ومب راضي يخلي حرمته تقدم على الليسن ! ابا اعرف هذا كيف يفكر ..

بس بالاخير البنت تقدر باسلوبها تقنع الريال وتغير رايه

بس مب كل الرياييل لهم سلطه على اخواتهم

عن اخواني مالهم سلطه علينا نهائيا .. في اشيااا اخوي يمنعها على حرمته بس اخواتي يسوون هالشي لان امي وابوي راضيين ..

[أم مغاوي]

من حقه يتشرط مثل ما البنت تتشرط

اذا تبين وافقي ماتبين الله وياج



اذكر اغرب شرط سمعته من زميلاتي

ان واحد تقدم لها ويوم عرف ان امها تسوق قال خلها تودر السواقه !

الام تسوق مش البنت !

[حلم المسافر]

جزاه الله خير وضح شروطه من البداية أحسن من واحد عقب الزواج يتشرط ويأمر والبنت مالها الا السمع والطاعه لان يعرف ان خلاص مالها ترفض ..

انا بالعكس احترم الطرفين في الشروط وهذا مب تعسفي بالعكس واضح وصريح وخصوصا ان الامر سهل وفي صالح البنت مثلا الشغل كم بتم تشتغل سنتين ثلاث أو عشر سنين خيرتها بتمل واخرها في البيت لاشغل ولا ريل او شرط النقاب او الغشوة بعد مصلحتها لان واجب ديني بس الكل مساهل فيه ..


واخيرا للطرفين الحق في الرفض والقبول