استفسار

**أم اشجان** · 2010-07-02, 23:24

السلام عليكم ..
شحالكن خواتي شخباركن عساكن بخير ..
بغيت مشورتكن وين تنصحوني افتح فايل في اي مستشفى فالعين..
بشو تنصحوني لانه اول حمل وماعرف وين ادق براسي ..

المزيد من آخر المواضيع من نفس القسم:

**آهـــات الصمت** · 2010-07-02, 23:29

حبيبتي عندج مستشفى توام معروووووف بأجهزته المتطوره
والصراحه بالنسبه لي أفضل مستشفى بس لازم تعالجين في عياده خاصه اول الشهور لانهم ما يدخلون من الشهور الاولى الا الحالات الخاصه
الله يتمملج ع خير

**نسايم روح** · 2010-07-02, 23:30

ان شاء الله البنات يساعدونج بس حبيت ارفع لج الموضوع

**ام رآشد** · 2010-07-02, 23:33

للرفع

**أم اشجان** · 2010-07-02, 23:57

يزاكن الله خير ..
توام قالولي اهلي مواعيده بعيده وطويلة ..
وربيعاتي قالولي مستشفى الواحه اوكي بس زحمه موت ..
وهب عارفه وين ادق براسي ..
يلا يزاكن الله خير ..

**عالية المعالي** · 2010-07-03, 00:01

ما اعرف واالله حبيبتي

عندي خوات ساكنات العين

وحه ولدت في مستشفى كند

ووحده في nmc

وكلهن يمدحنهن

**أم اشجان** · 2010-07-03, 00:13

الواحه هي كند والثاني يمدحونه بس يمدحون دكتوره تاكور وماشاء الله عليها زحمه وكل اجازات

**الجريحه_555** · 2010-07-03, 15:22

للرفع

اللهم ارزق كل وحدة تتمنى الحمل بالذرية الصالحة عاجلا غير آجل اللهم آمييييييين

اللهم عاملنا برحمتك

وبشر الصابريييين

اللهم إني أحمدك على كل المحامد ما علمت منها وما لم أعلم وأشكرك على كل النعم ما علمت منها وما لم أعلم.

ربي لا تذرني فردا وأنت خير الوارثييييييين.

**أم اشجان** · 2010-07-03, 21:03

الله ينولج الي بخاطرج يا اختي ومشكوره ع الرفع

**عيوون احمد** · 2010-07-03, 21:18

حبوبة انا مثلج كنت في اول الشهور وللاسف مالقيت اجابة شافية فااتخذت قراري بناءآ على احاسيسي واخترت مستشفى النور
والحمدلله احس اني توفقت في البداية رحت عند الدكتورة سميرة مواعيدها روعة ماتاخذين عشر دقايق في الانتظار ومن حسن حظي ان جهازها كان ثلاثي الابعاد ملون مع اني ماتوقعت ولاكنت اعرف ولا افكر في جهازها والصراحة ولا مرة حسيتها مستعجلة علي اول ماادخلل تسئلني شو عندج مشاكل فيه شي متعبج اقولها لا بعدين تقولي قومي نشوف البيبي ونشوفه واطلب صورة وتعطيني وبعدها اسئلها كل الي بخاطري

بس مرة حصلها ظرف انه زوجها كان في الطيارة الليبيه الي طاحت وتوفى وهي غابت اكثر من شهر ونص ورحت عند وحدة باكستانية اسمها ناظره بس الصراحة اول شي فاجئني لغتها العربية ممتاااااااازة وهاذا دليل انها خبرة طويلة هنا وحسيتها فاهمة وتعرف وعقبهاااا رديت لسميرة بس كانت جدآ حزينة وانا حزنانه اكثر منها مااحس اني استفدت نفس كل مرة بالاسئلة واخر مرة رحت لها ودتني غرفة ثانية عشان نشوف البيبي وكان الجهاز موملون مادري ليش قلت يمكن جهاز خاص عشان اخر الحمل الله واعلم

هاذي خبرتي في النور وانا ان شاءالله ناوية اربي عندهم وادعولي ربي يسرلي واقوم بالسلامة انا والبيبي وبرجع اكتبلكم تجربة الولادة

**أم اشجان** · 2010-07-03, 21:24

يزاج الله خير يااختي وان شاء الله تقومين بالسلامه والله يسهل عليج وتقر عينج بجوفت ضناج وتبشريني ياقلبي

الموضوع: استفسار

أدوات الموضوع

عرض

استفسار

المزيد من آخر المواضيع من نفس القسم:

المواضيع المتشابهه

استفسار

^_^ استفسار

استفسار ؟؟

استفسار ...