ابغي آخذ ميك اب ومب عآرفه .. ؟ حد بيساعدني ؟

[H E A R T]

السلام عليكم ورحمة الله وبركاااااته

،،

كيفكوون بنوتآآت ؟؟

شو الجو عندكم ؟؟

يقولون حر .. هيهيهي

شسمه بناات

يقوولكم انا بنوته وجيه ~ سبحان الله !!!

وهذآآ .. ابغي آآخذ ميك اب يدييييد ..

،،


بس شو المشكله .. ؟!!!


المششكلـه الله يسلمكم .. اني ماعرف غير .. الفاونديشن .. البلشر .. مسكارا مالت نيفيا الزرقآ هع .. و الروجات ..


باقي الاشيا لاتسألوني عنها ولا تتخبروون .. ماااااااااا اعرف شي

ابد

ف بغيت مساعده يعني ..


شو الاشيا اللي لازم اخذها .. ؟

كريمات .. فاوندشين ؟ .. شدوو .. بلشرات .. يعني اشياء الميك اب
~ ترومون ع التعبير ؟ هع

والله اني ماعرف و راسي داير ماعرف شو اخذ يوم ادخل محلات الميك اب


ف اللي اباه منكم .. تخبروني الاشيا اللي لازم اخذها

الماركات الحلوه والزييينـه

احسن المنتجات اللي جربتوها

وكم تقريبا لازم تكون ميزانية الميك اب ؟

وبس

المزيد من آخر المواضيع من نفس القسم:

• كل ما تحتاجين لمعرفته عن عطر كلوي نرسيس...
• حل مشكلة تكتل كريم الاساس بخطوات بسيطة وفعالة
• خطوات تطبيق مكياج شتوي ساحر للسهرات
• اخطاء في تطيق البرايمر انتبهي لها
• طريقة عمل مزيل مناكير طبيعي في البيت حصري
• طريقة عمل منظف فرش مكياج سهل وفعال في المنزل
• طريقة عمل منايل ازالة المكياج في البيت
• كيفية تنظيف فرش المكياج بفاعلية
• خطوات بسيطة وفعالة لتثبيت العطر
• نصائح هامة قبل شراء العدسات اللاصقة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[H E A R T]

وينكم بنوتـآآت ؟؟

[طموحه بوظبي]

كريم الاساس يعتمد على بشرتج ،، انا جربت اكثر عن ماركه بس ارتحت لشانيل

والبودره استخدم مال جيرلاند البلشر من ماك

الروجات مختلفه من ديور ،، جيرلاند ،،، يعني اجرب لان الروجات تختلف ووايد الوان

المسكره والكحل دوم من لانكوم اخذه خاصه الكحل استخدم نفسه الكحل من 10 سنوات ما غيرت هخخخخ

[روح الميث]

نفس الحاله
ابا شيً للمناسبات

[سوارة]

فوووووووووووووووووووووووووووووق

[H E A R T]

طموحه بوظبي مشكوره فديتج =)

روح الميث .. حـآآسه فيج =\

ثـآنكس سوارة ع الرفع ^^



يلـآ اتريآآ بـآقي البنـآت

[حليمة الملا]

لازم تعرفين الغالية شو نوع بشرتج وشو الي يناسبها عندج ماركات حلوة مثل فورايفير ماك وكريولان والميزانية تحدد حسب الاشياء الي تبينها الغالية احنا خبيرات التجميل نشتري بمبالغ كبيرة ما عندنا ميزانية محددة اما انت تقدرين تقدرين ميزانيتج حسب احتياجات المهمة ولاي استفسار او مساعدة حاضرين للطيبين

[ماحد شراتي]

حيااتي على حسب نوع بشرتج .. انا بشرتي مختلطه..

البودره : فور ايفر، شانيل ، ماكس فاكتور
كريم الاساس : HD فورايفر ، اف سان لوران
الماسكرا : ديور ، لوريال ، برجوا
الروج : جيرلاين ، ديور ، ماك ، ماكس فاكتور ، بودي شوب
الجلوس : نينا ريتشي ، HR ، اف سان لوران ، ماك
البلاشر : ماك ، كيلفن كلاين ، وبودي شوب

[H E A R T]

اوكي الحين عرفت اي كريم اساس اخذ ويناسب بشرتي .. و البلشرات ماعندي مشكله .. والروجات اوكي

الشدووز والاشيا اللي تنحط ع العين .. شو يحطون ابا اعرف هع !

[علوه]

نصيحتي الغلا انه لالازم يكون عندج

1-فاونديشن (واحد سائل وواحد ستيك )) الستيك فاونديشن ممكن تستخدمينه كونسيلر والا فاونديشن سايل ولازم تييبين معاه كونسيلر
السايل حيالله اي ماركه كلهم زينين وعادي لو ما يكون تغطيته قوية لانج تبين واحد بتغطيه قوية وبيكون الستيك فاونديشن والثاني بتغطيه خفيفه الي هو السايل (حق كل يوم )
اما الستيك فاونديشن انصح بكريولان السوبرا كلر تغطيتهم واايد قوية وحلوة بس تتعب البشره فاحسن شي تستخدمينه بس للمناسبات والعروس
2-بودرات ((اما حرة او مضغوطه )) بس المضغوطه اسهل في استخدامها وتعيش معاج اطول عن اللوز بودره
اما البودرات المائية ما انصح فيها صعب بالاستخدام
3-البلاشرات ماشي احسن عن بلاشرات نارس وماك لا تلعوزين عمرج وتخسرين بيزاتج على بلاشرات غير عن هذول ممكن تاخذن ايلف تقريبا تقريبا نفس الكواليتي بس يظل ماك ونارس افضل
4-اما الارواج فحيالله اي مااركه وما لازم تخسرين بيزاتج على الماركات الغاليه
اهم شي ارواج تكون الوانها حلوة وقوية وافضل تكون يابسه اكثر عن السايحه لانها تسيح وتطير بسرعه مع التلحيس ((ترانا نتعشا بالمناسبات وناكل الروج مع الاكل )) ^_^
وانصح بروجات فورايفر 52 على الاقل تجمعين الالوان الاساسيه لانه الوان هالماركه مات وما فيها انعكاسات على الوان ثانية واييج الروج على 25 او 30 درهم هالماركه بالمعارض والا بالمنتدى بنات يبيعونها ^_^
اما الالوان الي تعكس على لونين جربي قوم ماك والا نجوليت بعده ارخص عن ارواج ماك والا غيرلاين بس غيرلاين وايد غالي مثل ما قلت لج الالوان الاساسيه مثل الاحمر او الوردي او البيج او البرتقالي ... كلها من ماركات رخيصه بتخسرين بيزاتج لو بتشترين كل هالالوان
5-اما القلوسات يعتمد على استخدامها
لو تبين تستخدمينهم فوق الروج فخذي حيالله اي قلوس بس يعطي لمعه
اما لو تبينه بلون قوي فمالج الا قلوسات انجولت يالله روعه روعه وتغطيتهم ثقيله ولون لون يعطيج ولو انه قلوس الصراحه ينفع روج وينفع قلوس والواحد على 40 درهم وعندج قلوسات برجوا وااايد حلوين بس اغلى عن انجولت على 60 الا اشوي تقريبا بس لمعتهم اكثر عن اللون
6-الكحل داخل العين جربي ريفيلون اروع كحل واسود كحل للحين بس لانه وايد كريمي تراه بيسيح عنج لو استخدميته من غير فاونديشن
ولو تبين كحل داخل العين يا تاخذين كحال كريمي وانصح بهالشي لانه الكحال الكريمي تستخدمينه برا وداخل العين بالفرشاه
اما لو تبين اقلام مالج الا برستيج يالله هالكحول رووعه الوانهم بالذات الزرق وااايد يمدحونهم وشفته على عيون ربيعتي والكل سألها عن الكحل كلنا على بالنا سايل7
7-زين خلصنا تقريبا بس باجي الاي شادو
هذا عاد لا يعد ولا يحصى لو تبين الصدق احسن اي شادو وايد ماركات وانا شخصيا اموت في بن ناي وماك وميك اب ستيديو لومينير كوليكشن بس هذول كلهم غالين وايونج بالحبات
واحسن شي تاخذين البلتات الي فيهم كذا لون والا ما بتخسرين وايد بيزات وانصح في بلتات كوستل سينتس بس عاد ما تكون موجوده الا تطلبينها من النت او عندج هني فيراروتشي وااايد حلوة بلتات الاي شادو مالهم
وايه عندج ميك اب فور لايف مال المعارض الاي شادوات مالهم رووووعه ورخيص على 15 للحبه خذي لين ما تعيزين وعندهم الوان حلوة من قوم الي يعكسون على لونين والميتاليك
8-الكحل السايل ما يبالها ماركات هاي خذي من قوم لايف ستايل من اي ماركه بس تحملي في ماركات الاي لاينر مالهم يكون قوي ويسوي حساسيه
اعتقد ريميل الي سوالي حساسيه ونفخ لي يفني وكان يحححرق وانا احطه ولو تبين خذي كحل كريمي وتقدرين تستخدميننه داخل وبرا العين ^_^
9- اخيرا الفراشي (وايد انصح باطقم الفراشي احسن من الفراشي الحبات ووايد فراشي حلوات بس صدق صدق صدق ما بتندمين لو تاخذينهم فراشي فورايفر 52 بالذات الحمر الي في باكيت فضي يالله ناعمااات ويعيشن ويكدن لا يتقطعن ولا يختربن لا بالغسيل ولا بالاستخدام ولا شعره تطيح منهم والاحلى من هذا كله سعرهم 24 فرشاه ب اقل عن 200 درهم )) شو تبين احسن عن جيه
هذا كل الي عندي
ان شالله افدتج
^_^

[H E A R T]

حبيييبتي علوووووه .. مشكووووورة فديتج ع الرد

ريحتيني وايد فديتج والله =)

يزاج الله خير =)