ابا اتبنى طفلة

**ralbadi01** · 2010-06-27, 07:09

الله يوفقنا جميعاً لفعل الخير

**بنت العديد** · 2010-06-27, 07:36

الله يعطيج ع قد نيتج وبحكم ان احنا عندنا والحمدلله بنوته ربي يحفظها ويخليها يارب خذناها من دريمه وكان عمرها اسبوع ولازم تتوافر شروط معينه في الاسره او الشخص المكفول وتنعرض على لجنة وعلى قرار اللجنه تتم الموافقه وبالنسبه لوجودها بينا اختي رضعتها بكورس حبوب يحفز هرمون الحليب .. بس حبيت افيدج بأنه في حبوب للرضاعه وتكون او يكون ابنج بالرضاعه .. والله يرزقج وع فكره دريمه بقطر

**ماحد شراتي** · 2010-06-27, 08:00

حياااااااتي والله
الله يعطيج على قد نيتج الغاااليه

**هلاك** · 2010-06-27, 08:07

ترومين تكفلين يتيم وتتكفلين بمصارفيه وتابعين حالته وتروحين له وتشلينه تمشينه وجيه

بس يعطونج اياه لا يجوز شرعا الا اذا رضعيته وهالكلام يمشي على البنات والاولاد

**ام عبدالله والريم** · 2010-06-27, 08:21

يزاج الله خير وكثر من امثالج ياحبيبتى

والله يجعلة فى ميزان حسناتج ان شاء الله

انا بحكى لج عن خالتى

عندها بنتين توم وتوفى ريلها وعمر البنتين سنتين

والحمد لله ترك لهم ثروة كبيرة جدا جدا والبنتين كبرو وتزوجو فى عمر 17 سنة

وحدة منهم سافرت امريكا مع ريلها للدراسة

والثانيه عاشت بنفس البلد

المهم عيالها انشغلو عنها والسنين تمر وتمر وهى وحيدة

ماعندها احد البنت اللى بامريكا عجبها الوضع واخذت الجنسية وتمت هناك مع ريلها

والبنت الثانية كل شهر تسافر سياحة بلد شكل مع ريلها ومب مهتمة بامها

لانها اصلا مب فاضية لاى احد غير للسياحة والسفر بنت مهملة وريلها مثلها

اثنين اهيف من بعض المهم خالتى لها جارة بنت فلسطينية متزوجة مصرى

المهم هالبنت ربت يابت بنت صغيره

البنت قالت لخالتى بروح اسكندرية اصيف مع زوجى واخواته

وخلى البنت عندج والبنت عمرها 20 يوم

المهم البنت سافرت مع ريلها واهل ريلها

والباص انقلب فيهم مع سيارة شحن كبيرة

وكل اللى بالباص توفو

المهم البنت البيبى مالها احد اهل ابوها اخواته وامة وعماتة كلهم توفو بالباص

والشرطة قالت لخالتى بناخذ البنت منج ونسلمها لدار الايتام لان مافى احد

من اهل ابوها رضا يستلمها خالتى تمت تصيح وقالت لا

انا باخذها واربيها واخذ عليها اجر وتمت تصيح وتحضن بالبنت

وفعلا سوت كل الاوراق وربت البنت والحين ماشاء الله عليها بنت خالتى القمر

بنت من بنات الجنة ان شاء الله مافيها اى عيب

تصلى وحافظة كتاب الله عندها الحين 15 سنة

وخالتى اتحبها اكثر من عيالها اتصدقون ان بنات خالتى عيالهم

يقولون لجدتهم احنا مانحبها ويستبخلون عليها

وانا امووووت فيها احبها ودوم اتى عندنا وتحبنى اتقولى

احس انج اختى لكبيرة او امى

والله يااختى خالتى كبيرة بالعمر مااعرف يوم الله ياخذ امانتة هالبنت شبتسوى

هالبنت مسكينة عيال خالتى وعيالهم يغارون منها مووووت ومايدانوها

تعرفين لو خالتى شرت لها شيء يتهاوشون مع خالتى ويمسخرونها

وبنت خالتى الثانية اللى بامريكا

بتى كل سنة مرتين ولا اكنها تعرفها حتى هدية ماتييب لها

وتناظرها بنظرات حقد وكراهيا وغيرة

اتقول لامها تعالى عيشي معاى بامريكا وقطى هالبنت بالشارع

00000000000000

ياريت يااختى تتبنى طفلة من دار الايتام

هالاطفال اليتامى محتاجين العطف والحنان والرحمة

محتاجين ام والله يقدرج على فعل الخير

وياليت لا تتراجعين عن كلامج وكلنا معاج ولو بغيتى منى اى مساعدة انا حاضرة

والله يقدرنى ويقدرج على فعل الخير

والنبى عليه الصلاة والسلام وصى باليتيم

**أبكاني ذنبي** · 2010-06-30, 00:23

ردودكم فادتني وايد
اشكركن كلكن
ربي يحقق لي امنيتي يارب

**بريق الاحلام** · 2010-06-30, 02:05

الحمدلله أحمده و أشكره إني إتبنيت طفل يتيم إتوفوا والدينه وهم بطريق العودة من العمرة ونا سبحان الله من خذته وربي ما كملت أقل من شهرين إلا وربي العلي العظيم رزقني الحمل وبعد طلع ولد
ياااااااالله كيف هالطفل الجديد بحياتنا أقصد اللي إنربيه له غلا و معزة بقلوبنا و زوجي متعلق به كأنه واااحد منا و فينا إبصراحة فعلا تربية اليتيم لها طعم خاص بالقلب
الله يرزقج يا الغالية و تلقييين لج اليتيم اللي ربنا سبحانه وتعالى بيجعل فيه كل الخير و البركة لكم
ويكفي الأجر والثوااااب العظيم

**قطر السحاب** · 2010-06-30, 03:05

تعاااالي

كانت عندنا نشرة في البيت يقولون عادي نكفل يتيم و نيبه البيت .. بس ايون كل فتره اللي بتاخذينه من عندهم يشيكون ع الطفل

و الله ما اذكر أي مؤسسة هذي

بس في امكانية تربين اليتيم عندج

الله يقدرني و أحصل النشرة

**الضياء** · 2010-06-30, 03:18

دار زايد عندهم حالات كثيره

**راس العرقوب** · 2010-06-30, 03:58

احسه ماله داعي ..

تبنيه من بعيد لبـعيد ودعي ربج ان الله يرزقج بالذريه الصالحه [ بنوته حلوه ] ..^_^"

**بطه22** · 2010-06-30, 04:19

**نهال بركات** · 2010-06-30, 07:10

وبشر الصابرين

**روح السلطان** · 2010-06-30, 07:40

ماعندي فكرة

**دلوعة البابا_20** · 2010-06-30, 09:18

عن التبني ما عندي فكره بس انا من فتره الحمد لله حصلت جمعيه في مصر بحكم اني دايما اروح لدراستي كفلت يتيم والحلو عندهم انج اذاحبيتي تتكفلين في هاليتيم من كل ناحيه تقدرين يعني عندهم برنامج اسمه الاخ تقدرين تاخذين اليتيم وياج لفتره انا حبيت الفكره بحكم اني ما اعرف اذا حلال او حرام اني اتبنى ياهل واييبه وياي الامارات فحسيت هاي احلى يعني وانا هنيه لهم مني كل شهر يوصلهم مصروفهم واول ما اوصل مصر ارتب ويا الجمعيه اني اخذهم وياي كم يوم والا حتى يوم واحد على حسب ضروفي وكل كم يوم امر عليهم الملجا والعب وياهم والله شعوووور روووووووعه والاحلى مستشفى الاطفال للسرطان انا ناويه باذن الله هالمره اروح انا وولدي عقب ما اربي ان شاء الله واسويلهم بارتي يا عمري لو تشووفوون اشكالهم والله تعور القلب واللي تبا تشاركني اهلا وسهلا حياهاا

**أم بشر** · 2010-06-30, 11:09

جزاك الله خير

الموضوع: ابا اتبنى طفلة

أدوات الموضوع

عرض

المواضيع المتشابهه

خاطري اتبنى ياهل

فرق بين طفلة حافظة أسماء مغنيين وبين طفلة حافظة أحكام الإسلام فيديو^^