واخيرا....خلصت كوليكشن عبايات العيد...اللي طال انتظاره

**جـــروح** · 2010-06-23, 19:50

الســـــــــــلام عليكم ورحمة الله وبركاته

عبــــــــايات بأشكال وألوان وديزاينات مميزه من ابداعي الخاص

الكوليكشن متنوع .....بين التطريز والاقمشة الملونه والقصات ....بالاضافة الى ديزاينات المناسبات والاعراس

وكل عباية مميزه في شي معين.......و التصاميم تختلف تماما عن اللي انشوفه في الاسواق .......سواء في قصة العباية او في التطريز

الاسعار تتراوح بين 800 درهم الى 2500 درهم

(العبايات على الطبيعه وايد احلى .........والصور ظالمه الديزاينات)

ملاحظـــــــــــــات:

- دفع المبلغ مسبقا (مقدما) ...ايداع او التحويل على الحساب البنكي في مصرف دبي الاسلامي

- التوصيل: سلم واستلم لأهل دبي والشارجه وعجمان وابوظبي والعين...اما الامارات الاخرى عن طريق شركات التوصيل في الامارات ......خارج الامارات: عن طريق بريد الممتاز

- البضاعة غير قابله للاسترجاع او الاستبدال

- الاسعار ثابته.....بس اللي بتطلب اكثر عن عبايتين ....بسوي لها خصم 15%

- اللي اتشوف عمرها متردده وخايفه .ومب واثقه من ديزايناتي وتفصيلي ...لا تعب عمرها وتراسلني ................فقط اللي جاده انها اتفصل ...تتواصل معاي ....

- واللي بتطلب ديزاين معين .....ارجوا انها اتخبرني:

( رقم الديزاين + اللون + قياساتها + عنوانها و رقم تلفونها )

استلام عبايات العيد في أخر شهر 8

انواع الاقمشة:

انتي اتحددين نوع القماش اللي تبينه ...........وانا مب مسؤوله اذا الخامة ما عجبتج

اقمشة العبايه هي:
1- صالونه (الياباني)
2- كريب سعودي (الياباني) اغلظ عن الصالونه واتكد عندج وعمليه
3- ندى ... كريب على حرير ...مافيها لمعه ...والقطعه خفيفه
4- انترنت (غليظه شوي)
5- حرير...عندي نوعين ....لمعة قويه .........و لمعة خفيفه
6- الاستريج.......تنفع للعبايات الوسيعه اللي فيها قصات ....

اقمشة الشيله:
1- ابراج الامارات
2- دجى الليل
3- دبل ساري
عرض الشيله: وارين وربع × 22

المقاسات المطلوبه:

(خذي قياساتج من اقرب خياط...لاني مب مسؤوله اذا المقاسات اللي عطيتيني ما كانت مضبوطه...أو... طرشي لي عباياتج المضبوطه عسب اخذ المقاسات)

المقـــــــــــاسات بالانش بلييييز:

1- طول العباية
2- طول الكم (تاخذين القياس من نص الرقبه او الهاي نيك الى المعصم)
3- نص دوران الابط
4- عرض فوق الكوع
5- دوران الرسغ او المعصم
6- دوران الرقبة (الهاي نيك)
7- نص محيط الصدر
8- نص محيط او دوران الارداف او الحوض...........تقايسين من عند الرقبة إلين ما توصلين 22 انش ,,,عقب اتقايسين نص محيط الارداف
9- محيط الخصر
9- نص عرض الكلوش (اسفل العباية)

العبايات كلها تحمل توقيعي ....عباره عن حرفين

((((اللي بتسرق الديزاين ...........ما اقولها إلا ربي فوقج وبيحاسبج على اللي اتسوينه ...))))

بنزل بعض صور العبايات.....عسب تاخذون فكره عن استايلي وتصاميمي ...

(1)

عباية البليسيه بالشغل الذهبي.....الطرابيش الذهبيه على كتف واحد مع اكسات بالحبل ....الاكمام قصتها وسيعه وعليها شغل
اللون: يفضل الذهبي او الفضي ...ممكن نزيد لون آخر في الشغل
السعر: 1500 درهم

(2)

عبايه ساده بقصات مربعه مع بروش راقي وناعم في الوسط ........
بامكاني تغيير لون البروش
السعر: 850 درهم

(3)

عبايه ساده بقصات الدرابيه ....تنفع للبنات الضعاف لانها تمتن شوي ....
السعر: 850 درهم

(4)

عبايه ساده فيها قصه حلوه وبسيطه ..
السعر: 800 درهم

(5)

عبايه هندسية التصميم مع اضافات الكريستالات في الزوايا .
افصل لج على اللون اللي يعجبج
السعر: 1000 درهم

(6)

عبايه ساده بقصه مميزه مع كسرات بسيطه بشكل هندسي على الصدر
السعر: 1000 درهم

(7)

عبايه عمليه وتنفع للطلعات ....الديزاين على الاكمام ...والصدر
السعر: 1000 درهم

(8)

عبايه بالشيفون الملون في الاكمام..........قصة الاكمام وسيعه وعلى شكل نص دائره....اللولو ممكن تلبسينه ويكون على شكل اساور ....بالاضافه يوجد بروش في نص الرقبة
السعر: 1200

عرضت في هذا الموضوع تصاميمي البسيطه للعبايات ...وتعتبر عمليه وللطلعات ...

عندي ديزاينات ثانيه صممتها للعيد .....تقريبا مجموع تصاميم العيد 25 عبايه...واللي حابه تشوف جميع تصاميمي ....تتواصل معاي

وما بنزل تصاميم جديده الى شهر 11 ...ان شاءالله

اللي عندها اي استفسار بخصوص العبايات ........او حابه اتشوف العبايات على الطبيعة ............

حياها الله عندي

في الاخير ........اتمنى الدعاء لي بالتوفيق .........ولا تنسون ترفعون الموضوع

الموضوع: واخيرا....خلصت كوليكشن عبايات العيد...اللي طال انتظاره

أدوات الموضوع

عرض

واخيرا....خلصت كوليكشن عبايات العيد...اللي طال انتظاره

المزيد من آخر المواضيع من نفس القسم:

المواضيع المتشابهه

صور عبايات عبايات عبايات عبايات كوليكشن مريم الشيباني

كوليكشن عبايات العيد الدفعه الأولـــــــى حياكم ^^

عباتي .. واخيرا خلصت ..

كوليكشن عبايات العيد الدفعه الأولـــــــى حياكم ^^