ملابس بنات للمحتاجين

[ام بناتي3]

السلام عليكم خواتي اليوم سويت جرد لملابس بناتي الصغار وعندهم مجموعة صغرت عليهم وتقريبا اغلبية الملابس من محل ادمزمن 3-4 سنوات وسبع سنوات اللي تعرف احد محتاج ياليت اتخبرني لاني سمعت ان الهلال الاحمر ماياخذون الا الملابس المكوية والموضوعة في اكياس خاصة وبعدين نص الملابس تنعج وانا بصراحة اذا باوديهم اللندري راح يطلع عليه اغلى من سعرهم فياليت احد يساعدني في الموضوع ولها نفس الاجرانشاء الله

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام العيال4]

انا اعرف وحدة كانت تمر علينا كل فترة تاخذ اللي مانباه وترسله للبلاد الفقيرة بس صارلها فترة طويالة مايت مادري شو استوى عليها
بعد بشوف لج اذا حد يباهن
ويزاج الله خير

[مسايا غاليري]

شوفي الجمعيات الخيريه ياخذون عادي ..

وفي ميزان حسناتج

[optmistic_lady]

شوفي حبيبتي خلي خدامتج اكرفيها شويه اتغسل الثياب و عطريها و اذا يبلها شوي كواي خليها تكوي يعني مش الغسيل و الكوي كله بيوم واحد على ايام اتقسمه المهم اتكون نظيفه و مرتبه و سيري عندي الدوبي و خبريه يعطيج كياس أو أسأليه منو يون يخذهن او اذا عندج كيس ممكن تستخدمينها و تحطينها فيها و بعدين و ديها الهلال الاحمر و انتي أسالي الهلال و خبريهم بعدين


الفكره الثانية انج اتغسلينهن و ترتبينها و تحطينها في كرتونه او كيس و تعطين دار ايتام او مركز المعاقين اللي في بوظبي لان عندهم يهال و اعمارهم مختلفه يربونهم ؟؟؟ ممكن تستفيدين منهم ؟؟؟


الفكره الثالثة ممكن تتصلين الهلال و تخربينهم اذا عندهم عنواين ناس فقراء ممكن تودينها لهم ؟؟ظ


الفكرهالرابعه و زعيهن على البشاكير لان نصهن فقراء من بلاد فقيره؟؟؟ظ

و اذا معيباتج اي فكره خبرين عشان أسال امايه اذا تعرف ناس محتاجين ايبلج ارقامهم او هم يونج ؟؟؟؟ اتريا ردج حبيبتي


إن شاء الله تؤجرين

[الوزيرة]

الغالية انا انصحج تودينهم بيت الخير ...
ياخذون اي شي وهم بروحهم يرتبون ..
واحلى شي فيهم ان التبرعات من الامارات وللامارات .. يعني اللي في البلاد اولى من اللى خارج الامارات ..
اتصلي 181 ويعطونج عنوانهم ..

[خليدة]

اختي ام بناتي انا ابيها ان شاء الله وارسلت لك تفاصيل علي الخاص

[shamsa8]

الله يجعله في ميزان حسناتج

[دعاني الشوق]

جزاك الله خير ختيه ،

[أكذب من اسراب]

الله يجعله في ميزان حسناتج

[هنودة1985]

هلا الغاليه أنا بخبرج عن بيت الخير لأني أنا كنت أشتغل هناك ودي الثياب هم ياخذونها يرتبونها ويوزعونها على الفقراء

[كو كو شانيل]

هلا الغاليه أنا بخبرج عن بيت الخير لأني أنا كنت أشتغل هناك ودي الثياب هم ياخذونها يرتبونها ويوزعونها على الفقراء

الغالية بيت الخير وين موقعة في أي إمارة
وإذا عندج رقمهم ياليت تحطينة.