أدبي ولا علمي =)

**فلة العين** · 2010-06-22, 02:24

صبآآح الخيير يا بنوتات الإمارات 3> شحالكم شخباركم وشو علومكم
امـمممم بما أني كتبت هالموضوع حابة أهني بنات الثانوية العاامة بمناسبة النسب الحلوة وأهني ربعي وبنت عمتي بنسبتها الحلوة

المهم أنا خلصت أول ثنوي ورايحة ثاني ثنوي

المهم أنا من عرفت انه في أدبي وعلمي قررت اني ادش علمي بس يوم دخلت الثنوية حسيت اني أميل للأدبي أكثر معنه درجاتي في المواد العلمية كانت فوق ال95

المهم يت الورقة اللي تحدد مصير البنات ولآخر لحظة كتبت علمي لأنهم حسسوني انه الأدبي مب شي معني أمييل له أكثر المهم أنا طمعانة ف مساعدتكم وأبغيكم تشرحولي القسم الأدبي والعلمي وشو المواد و النسب وأي قسم أسهل وو بعد شو مصير الوظيفة ل اللي يدشون أدبي وعلمي بغييت شرح وافي وكامل وملاحظة هل يستوي انه أغير ل ادبي لاني كتبت علمي ياريت تفيدوني بهاي المعلومة

أدري بتعبكم بس حسيييت انكم قراب مني عشان جي اخترت هالقسم اكتب مشكلتي فيه

المهم أنا يوم الخميس بسير آخذ الشهادة وبجوف اذا يستوي أغير
ف يارييييييييييييييييييييييييت تفيدوني قبل يوم الخميس
بلييييييييييييييييييييييييييز 3>

المزيد من آخر المواضيع من نفس القسم:

**بنت عز جميرا** · 2010-06-22, 10:17

هيه والله أنا بعد عندي هاي المشكلة أنا بعد أبا حد يساعدني
ما عرف وين أحدر علمي ولا أدبي بس أنا قلت بصلي صلاة الإستخارة

**وحدة ماركة 57** · 2010-06-22, 10:43

أنا داخلة علمي كان بالبداية صعب شوي بس عقب حسيته سهل
و العلمي مواده أقل من الأدبي
و طبعاً مجالات الوظايف للعلمي وايدة و أكثر عن الأدبي
استخيروا ربكم و شوفو انتو لأي المواد تميلون
و شو الأسهل بالنسبة لكم الحفظ و الا الفهم
انا ما أقول ان العلمي ما فيه حفظ بالعكس فيه حفظ , و هذيل المواد لكل قسم :
العلمي : التربية الإسلامية , اللغة العربية , الرياضيات , فيزياء , كيمياء , جيولوجيا , أحياء , انجليزي ...
الأدبي : التربية الاسلامية , اللغة العربية ، الرياضيات , فيزياء , كيمياء , أحياء , انجليزي , التاريخ , الجغرافيا , علم الاجتماع , علم الاقتصاد .
طبعاً الفيزياء و الكيمياء و الأحياء يختلف بالنسبة للعلمي أو الأدبي
و مرة ثانية أقول لكم استخيروا ربكم
و السمووووووووووووووووووووووووووووووووووحة على الإطالة
^_^

**dlloo3a** · 2010-06-22, 12:39

حيـاتي العلمي و الأدبي الحين صاار كلــه نفس الشي ..!!

يعني العلمي مب أصعب عن الأدبي و و لا اقوولج صاااار العكس الأدبي اصعــب بس رااحــه لأنه ضامنـه شو بيييج في الإمتحــان و استخيري و جووفي الله ويين كااتبــه لج ..!!!

**فلة العين** · 2010-06-22, 12:57

مشكورين حبايبي على المشاركة .. وانشاالله بقرر لانه يوم الخميس بسييييير اكتب

ومشكورين مرة ثانية :d

للرررررررررررررررررررررررررررررفع

**anoooooomah** · 2010-06-22, 18:55

up up up up up up up

**اميرة ^^** · 2010-06-22, 19:06

ختيـه الوظايف المطلوبة أكثر شي تكون للعلمـِي

فـآلنهآية هو ع حسب ميولج أدبيـّة أو علميـّة

وإذا حسيتي الإثنين صلي صلاة الإستخارة

وربي يوفقج

**♥ مَــــيْ ♥** · 2011-09-05, 02:30

المشاركة الأصلية كتبت بواسطة dlloo3a

حيـاتي العلمي و الأدبي الحين صاار كلــه نفس الشي ..!!

يعني العلمي مب أصعب عن الأدبي و و لا اقوولج صاااار العكس الأدبي اصعــب بس رااحــه لأنه ضامنـه شو بيييج في الإمتحــان و استخيري و جووفي الله ويين كااتبــه لج ..!!!

حبيبتيَ اسمحيليَ أقولجْ ان هذآ الشيَ غلط ^^'

بينْ العلميَ و الأدبي فرق اكبيرْ ,

بنآت العلميْ عليهمْ ضغطْ و بنآت الأدبي عليهمْ ضغطْ ,

بقولجْ كيفْ ؟

بنآت العلميَ موآدهمْ ( 8 ) بسْ وآيد مكثفينْ , اختبآرآتْ , أسئله و فيهمْ تعقيدْ

بنآت الأدبي موآدهنْ أكثر , و التآريخ يبآله + الجغرآفيـآ ,

و لكنْ بنآت الأدبيَ يرومنْ يعوضْ في الموآدْ الأخرىَ , الدرجآتْ الثآنيهَ ممكنْ ترفعهنْ ,

أما بنآتْ العلميَ , ( كل مآ قلت الموآد كل مآ كآنْ الشيَ أصعب ) . .

انتيَ يآ الغآليه و ميولجْ ^^'

المشاركة الأصلية كتبت بواسطة اميرة ^^

ختيـه الوظايف المطلوبة أكثر شي تكون للعلمـِي

فـآلنهآية هو ع حسب ميولج أدبيـّة أو علميـّة

وإذا حسيتي الإثنين صلي صلاة الإستخارة

وربي يوفقج

ويآج يآ الغآلية في كل كلمة كتبتيهـآ , !

**فلة العين** · 2010-06-23, 15:10

مشكوووووووووووووووورين على الرد

ويآآريييييييييييت تفيدوني أكثر

**صمتي غرووور** · 2010-06-24, 18:52

حبووووبة ( فلة العين )
أنا ان شاء الله بروح ثالث /~..
و كنت محتااره نفسج ادخل علمي و لآ أدبي
قلت انا بدش علمي بس هذيك السنة كانت امتحانتهم صعبة فانا قلت لا ما بدش علمي
و قلت بدش ادبي موادهم وايد قلت يلا المواد مب مشكلة و الله كريم بس قلت حفظ و تخصصات هب واايد
و يوووم عطوني الورقة جان اكتب أدبي /~..
و دشيت الادبي /~..
هيه صح يستوي انج اذا كنتي علمي في ثاني تغيرين في ثالث و دشين ادبي أما العكس ما يصير /~..
بس اقووووول هالسنة يقوووولون امتحانات العلمي مب صعبة لذاااكـ الزود /~..
و الله موفق الجميع /~..

**ديـوان الوفـا** · 2010-06-25, 01:11

لااااااااااااااااااااااا للعلــــــــــمي

ادبي ادبي ادبي..

**م بنت سويدان** · 2010-06-25, 01:25

انا اجوف ان العلمي احسن بوااااايد بس يمكن لاني من يوم صغيره داشه علمي و تعودت على هالشي و ربيعاتي اللي داشين ادبي يقولون ان الادبي احسن ...... انتي جوفي حق شو تميلين اكثر لان العلمي صعب و احس ان الادبي سهل ... و الله يوفقج انشالله

**المـHــآ** · 2010-06-25, 02:14

للرفع

**سوبر ومن** · 2010-06-25, 19:42

حسب معلومات الادبي مواده
جغرافيا وتاريخ واقتصاد وعلم نفس وعربي ودين رياضيات مبصط هذا الاعرف واخر شي ما في انج اخائيه اجتماعيه علم نفس في المراكز و مجاال التربيه والتعلييم

الاعلمي
عربي
دين
احياء
كيمياء
فيزيا
جلوجيا
رياضيات

الي تبيه ما عرف عاااد اخر شي شو تستويين ^^

**شعاع امل** · 2011-09-05, 09:26

اختي مادمتي قادرة على المواد العلمية وشاطره فيها العلمي احسن لانك بعدين في الجامعة تقدرين تتخصصين اي تخصص مادامت النسبة عالية وحتى في الجامعات الخاصة لو النسبة وسط

المهم شاطرة في الرياضيات عندك حب الحل والتفكير خلاص

الادبي يعتمد على الحفظ واكيد الفهم مطلوب والبنات بشكل عام عندهن حب الادب من علوم نفس والاجتماع و شعر والتاريخ الكتابه شي راقي بعد

الموضوع: أدبي ولا علمي =)

أدوات الموضوع

عرض

العرض المتطور

أدبي ولا علمي =)

المزيد من آخر المواضيع من نفس القسم:

المواضيع المتشابهه

أدبي أو علمي

علمي أدبي

جدول امتحانات الفصل الثالث (أدبي و علمي )

أدخل علمي ولا أدبي ؟!

الفرق بين بنات علمي وبنات أدبي..