اللي بتدخل بدعيلها...

[هدوية]

مرحبا بنات .. بغيت اسأل كل وحدة بنت بيت .. شو الاخطاء اللي ارتكبتها .. وشو نصيحتها لي .. وياليت لوعندكم نماذج من واجهات البيوت .. لاني محتارة .. والنموذج اللي عندي مب عايبني .. واللي بتساعدني لها مني دعوة حلوة

المزيد من آخر المواضيع من نفس القسم:

• احدث ديكورات مكاتب منزلية بتصميمات انيقة...
• ديكورات داخلية باللونين الأخضر والبني...
• صور ديكورات مطابخ لعشاق الرقي والاناقة
• صور ديكور غرف نوم مفعم بالرقي والفخامة
• اجمل تصاميم غرف طعام انيقة للعزومات والضيوف
• اروع تصاميم ديكورات مداخل غاية الرقي والجمال
• صور ديكورات مداخل منزل انيقة وعصرية
• احدث تصاميم غرف اطفال جميلة وعصرية
• اجمل ديكورات غرف طعام لاناقة منزلك في...
• ديكورات مكاتب منزلية غاية الرقي والاناقة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[دلوعة مايد]

بصراحة أنا واايد ندمانة لأني ماسويت غرفة كبتات في غرفتي يعني ( درسنج روم ) الكبت عندي في الغرفة وبصراحة مخرب شكل الغرفة ماشي مكان في الغرفة والسبة الكبت وووووبعد شوووووو ههي يوم كنا نبني قلت حج ريلي خلنا نبني ملحق قال يوم بنسكن بنبني ملحق والحين صارلي سنة واشوي ساكنة ولين الحينة ماعندي ملحق وااايد متلعوزة

بصراحة اسمحيلي ما عندي تصاميم واجهة فلل وبيتي مب من تصميمي لأن بيتنى منحة حكومة الشارجة ومعروفة ديزاينات منحة الشارجة مب حلوا لين هناك
بس يالله الحمدلله

يالله عاد ترآني طمعانة بدعواتج لي ادعيلي ان الله يحقق الي في بالي

[القلبـ...]

حبيبتي انا بعدني ما بنيت الحين ان شاء الله بعدنا الخطوه الاولى ندور تصاميم ..

بس من رايي انا دوري التصميم اللي اول ما تدخلين باب الصاله اتيج صاله كبيره .. احلى من الممرات ..

وخلي الغرف كلها صوب واحد .. والميلس وغرفة الطعام الصوب الثاني ..

اممم هذا اللي يخطر في بالي ..

والله يوفقج ..

[_أم الأولاد_]

الله يعينج ويتمم لج على خير ويجعله بيت معمور
و انشالله البنات ما بيقصرون معاج
انا ابني بس منحة الشارجة
يعني التصميم جاهز و اكيد ما راح يعيبج هههههههههههه
لانه بسيط وايد وما فيه روح
بس شو نقول غير الحمد لله رب العالمين

[شمعة أمـل&]

نحن نبني بيت <<< بس انا هب متزوجه ,, هذا بيت ابوي اللي نبنيه ^^

لحد الحين ما شفت فيه اخطاء ,, لانه ما شاء الله على الوالد يحب يسوي كل شي بوقته ,, و هو بعد اللي اختار التصميم لحد الحين اشوف التصميم اوكي

<<< الغاليه سوي سيرش في قوقل و بتحصلين مواقع يحطون واجهة الفيلا ,, اصلا على اساس تصميم بيتج تسوين الواجهه

ربي يوفقج حبوبه ^^

[انجلUAE]

الغلا المفروض من برع يعني عند باب المدخل يكون شوي المكان اوسع عسب تفصلين كبت للنعل ويكون المنظر مرتب واول ما تدخلين تكون بالواجه صاله عوده وعلى يسارج حركه توديج على الغرف

بس انا ما عرف انتي بتبنين دورين او دور ارضي بس :

لو دورين سوي لج :
اول ماتدخلين صاله عوده وعلى يمينج صالة الحريم ، وغرفة في دريسنق روم عسب لما تشيبون تنزلون انتي وزوجج تحت ، وغرفه وحمام بعد ويكون حمام تابع للصاله و صالة حريم

وعلى يسارج يكون بالمجلس الرياييل ، وباب يوديج لملحق ورى الي هو المطبخ ، واستور روم ، وغرفه غسيل وكوي ، وغرفة الطعام ، وغرفه صغير الي هي غرفة الالعاب لعيالج وحمام وغرفة الشغاله وحمام لها

وطبعا في الصاله يعني بالواجهه دري يوديج لفوق

هذا الدور الارضي وننتقل للدور الثاني
سوي 4 غرف شوي واسعه وكل غرفه فيها حمام ودريسنق روم وسوي صاله صغيره فوق وبس


اما اذا كنتي بتبنين دور ارضي بس :
سوي صاله عوده شوي وعلى يمينج 3 غرف وكل غرفه فيها حمام ودريسنق روم

على يمين الصاله سوي المجلس فيه حمام و حمام مطل للصاله وغرف ثانيه احتياط اونه صالة حريم

وبرع سوي ملحق الذي يتكون من
مطبخ وغرفة الطعام واستور وغرفة الشغاله وحمام لها

طبعا المجلس سواء كان دور او دورين لازم يكون باب برع صوب المدخل وباب ثاني طالع على داخل

وهذي افكاري اتمنى تعجبج
لانه البيت الي دورين حلمي يكون عندي بيت جذي
ودعواتج لي يكون عندي بيت واستقر وربي يحقق لي كل احلامي والي فبالي

اختج

انجل

[نواري80]

أختي ...
ادخلي على هالموقع

http://www.arcal.ae/projects/

بتلقين وايد ديزاينات حلوة لمخططات وواجهات

إن شاءالله تحصلين اللي فبالج

[مها الصغيرة]

فديتج انا اللي اعرفه اكثر اللي ندمن، ندمن لانهن ما سون:
- دريسنغ روم بكل الغرف
- مكان للغسالة خاص، بالملحق
- مطبخ تحضيري صغنون فوق اذا البيت طابقين
-الافياش او سوكت الكهربا انشريهم بالغرف وبالذات وين بتحطي السرير يكون باقصى اليمين وحدة واقصى الشمال بعدعلشان الابجورات اللي بتكون ع الكوميدينو..
-لا تسوين القبة الزجاجية باعلى البيت لانه مهما كان عملها متقن تسرب ماااي واعرف كذا وحده مبتلشة ابها..(ما اعرف اذا حد يمدحها لان اللي عرفتهم مسوين ذموها ابصراحة) هذا والله اعلم

لا تنسيني بالدعاء عااد
لي ولعائلتي الصغنونه
والله يوفقج الغالية..

[سراب 44]

ربي يوفقكم

[هدوية]

مشكورين ويزاكم الله الف خير وحقق اللي في بالكم

[ام الوجود]

الله يرزقني ببيت عاجلا غير اجل...يا رب
وبالبركه عليكم البيت اليديد

[ريم المناصير]

نحن ما سوينا صراحه ستور برع بس المطبخ الأساسي وكبير بس زحمه شوي وما سوينا درسنج روم ف كل غرفه وغرفه غسيل ....... بالتوفيق لج ^^

[هدوية]

للرفع

[cuddly]

بعدي لما بكبر ببني بيت ان شاء الله
ربي يوفقج

[بنوته.]

الصرااحه عيباني الوردي وكل شي عيباني الا الأزرق بسسسسسس>>>شغلج واايد ترتووب وحلوو ونظيف><>>>الله يوفقج في حياتج العمليه.