افرازات بنيه

[الـــدرة]

السلام عليكم ورحمة الله وبركاته

كيف الحال خواتي؟

فديتكن والله خايفه صار لي اسبوع مخلصه من الدورة وهاليومين اشوف فيني افرازات بنيه مثل الافرازات اللي تكون نهايه الدوره ...مع اني من اسبوع مخلصه من الدورة..والله خايفة شو تفسيره هذا؟

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

[بنت زايد 5]

عادي حبيبتي يمكن تام بقايا أنا مره صار لي جي وعقب وقف أو يمكن يكون التبويض أوكي عندج ويصير حمل..
هذا والله أعلم..

[flower111]

عادي حبيبتي انا تجيه مثلج الدكتورة تقول من التبويض زين ما شاء الله

[أحبه الغالي]

لاتحاتين سألت مره الدكتوره قالت تبويض وسبحان الله في هالشهر حملت

الله يرزقج الحمل الثابت السليم المعافى

[ورده نرجس]

مثل ما قالو الخواااااااااااات ,, ربي يرزقج ويرزقني ويرزق كل محرومه يااااااااااااااااااااااارب

[أم اشجان]

هذا من التبويض .. ويكون زين ويصير احيانا حمل

[الـــدرة]

بنت زايد 5

flower111

أحبه الغالي

ورده نرجس

أم اشجان


مشكووووووورات على المرور والله...والله يجزاكن الجنة

بس انا مب معرسه..<< يعني بيكون هالشي طبيعي بالنسبه لي ولا كيف؟؟؟؟

[الاذن تعشق]

انا بعد يصير هالشي مرات

الله يرزقج الزوج الصالح والذرية الصالحة يارب

[الـــدرة]

الاذن تعشق

تسلمين الغالية على المرور..وربي يوفقج ان شاء الله ويحقق اللي في بالج..

[برقع فوشي]

مثل ما قالو الخواااااااااااات ,, ربي يرزقج ويرزق كل محرومه يااااااااااااااااااااااارب ,,


آآستغفر آآلله ,,

آآستغفر آآلله ,,

آآستغفر آآلله ,,

[الـــدرة]

برقع فوشي

مشكووووره ختيه على المرور..ويزاج الله الجنة

[حبيبة حمادتي]

هلا اختي انا مريت بنفس تجربتج يوم كنت بنت

وكنت زايغة وايد ماخليت عياده ما سرتها كله يقولولي عادي وعقب يوم سافرت برع بعد قالتلي الدكتوره هذا شي طبيعي


المهم انا بغيت اعرف الاسباب فالنهايه


شو قالولي ؟؟؟؟


قالولي انه هالفتره اتكون احيانا فترة التبويض وعادي ينزل السائل بني احيانا ويوم يكون غامج يكون التبويض اوكي

بس يعني انتي سيري افحصي واذا قالولج مافيج شي عادي لا تستهمين ومافيج الا العافيه ان شاء الله

[الـــدرة]

حبيبة حمادتي

تسلمين الغالية على المرور..بس تعرفين انا زايغة صار لي ثلاث ايام ومتواصل هالشي..مع اني مخلصه دورة من اسبوع.....انا قلت يمكن بقايا بس مب 3 ايام وللحين مستمر هالشي

على العموم الله يجزاج الجنة ..وربي يحقق اللي في بالج

[حلى دنياي]

أنا بعد أختي استوى فيني نزل لي 10 أيام
كرهت عمري وكل ما أسير العيادة تقولي الدكتوره كل شيء سليم
بس هذا البني دليل على التبويض والله يرزقني ويرزق كل محرومه بالذرية الصالحه

[الـــدرة]

حلى دنياي

مشكوووووووره ختيه على المرور..والله يرزقج الجنة

وعسى خيييييييير