طبيعي والا؟؟؟؟؟؟؟؟؟؟؟؟؟؟؟

**عذاري1975** · 2010-06-19, 13:13

من دخلت الشهر الخامس وانا ما حسيت بحركة البيبي مع اني في الشهر الرابع حسيت بحركة بسيطة واخر مرة راجعت فيها قالت الدكتورة ان المشيمة نازلة بس عادي لأنها بترتفع بالأشهر الياية مادري ش اسوي؟؟؟؟وايد أحاتي أخاف يكون البيبي ميت في بطني ان شالله لأاااااااامتوكلة على الله وبتريا للمراجعة الياية علشان أتأكد لكن أخاف اذا ترييييت يصيرعندي تسمم............؟؟؟

المزيد من آخر المواضيع من نفس القسم:

**برق لمع** · 2010-06-19, 13:16

لا توسوسين حبيبتي عادي
انا ما احس بحركه الجنين الى في الشهر السادس في كل حمل امر فيه
ودام الدكتوره قالت عادي يعني عادي
لا تركزين وايد على الحركه ولا توسوسين

**بدر0البدور** · 2010-06-19, 13:38

عادي فديتج

أنا كنت مثلج وتميت أسبوع على أعصابي ويوم رحت العيادة شيكت طلع عادي طبيعي احيانا تكون فيهحركة بسيطة وما تحسين أبها فطمنتني الدكتورة

**غاية الضوء** · 2010-06-19, 13:51

لا ان شالله مافيه الا العافية .. بس اذا تبين تطمنين روحي العيادة ..
شكله النونو يدلع عليج ..

الله يحفظه من كل شر ..~

**ام قصـايد** · 2010-06-19, 13:59

ان شاء الله ما يكون فيه شي الرب حافظ ان شاء الله بس ا1ا انتي موسوسه روحي شيكي عليه احسن

انا نفسج يوم اوسوس اروح بصراحه ما اتريا اخاااااااااااااااف بس الكل يقول هالشي عادي وفعلا يوم اروح عند الدكتوره تقوول البيبي ما فيه شي وكل شي اوك بس شيطان يوسوس بي

الله يحفظ الجميع يا رب..

**وفية حق زوجي** · 2010-06-19, 14:07

أنا بعدني ما حسيت بشي مووولية .. بس شو أسوي متوكلة على الله .. وإنشالله خير
لا تحاتين بس اتوكلي على الله ولا توسوسين واااايد مب زين .. والله كريم حبيبتي ..

**بنت المرحوم** · 2010-06-19, 14:27

لا تحاتين حبوووووووبه

مافيه الا العافيه انا يوم ما احس بحركته بعد اوسوس وعقب اختي قالتلي طيحي على ظهرج وحطي ايدج على بطنج اسفل البطن بتحسين بمكان البيبي يابس وهوسي شوي شوي بتحسين بنبض البيبي وسبحااان الله كل مره اسوي جي واطمن

**الجريحه_555** · 2010-06-19, 14:34

للرفع

اللهم ارزق كل وحدة تتمنى الحمل بالذرية الصالحة عاجلا غير آجل اللهم آمييييييين

اللهم عاملنا برحمتك

وبشر الصابريييين

اللهم إني أحمدك على كل المحامد ما علمت منها وما لم أعلم وأشكرك على كل النعم ما علمت منها وما لم أعلم.

ربي لا تذرني فردا وأنت خير الوارثييييييين.

**hoor_23** · 2010-06-19, 14:34

فديت روحج عادي لا توسوسين

انا شراتج البيبي تم يتحرك ف نهاية الخامس

بتضحكين علي مرة كنت اشوف مسلسل واشوف وحده كانت بتولد واخر شي ما حست بالبيبي ومات ببطنها

ومن يومها تميت اوسوس وتميت اصيح واقول البيبي ما يتحرك

ما شي ريلي وداني اقرب عياده خاصه بس عسب اسمع دقات قلبه

والله الحمد لله ولدت ويبت بنوته شحلاتها وعمرها اللحين 8 شهور

**ابا اسافر** · 2010-06-19, 14:40

ان شالله كل شي بيكووون اوكييييييه بس اذا انتي خااايفه وااايد روووووحي عند الدكتووووره
اهم شي النفسيه

**أحلى بنوته8** · 2010-06-19, 15:29

مب زين اتوسوسيييين ... ان شاء الله مافيه الا العافيه ...

ريحي بالج الغلا . .. .. وحركه البيبي ماتكووون متواااصلصه مراات بالاياام ماتحسين فيهااا

•ஐ--------------❤---

āłl ćỏpψ © яiģĥτ Ḅψ a7la banota8 2009

استغفر الله ربي العظيم من كل ذنب عظيم..
•ஐ--------------❤---

**تناتيف** · 2010-06-19, 16:34

إن شالله مايكون فيه شي والله يعافيه لج يارب

**!M..** · 2010-06-19, 16:42

انتي مثلي هههههه

واتم اكح لين ماتتحرك

ومرات اتم عادي واتعوذ من الشيطان

**دلوعه بيبي** · 2010-06-20, 03:38

لا تحاتين ...
سيري العيادة عسب تتطمنين

**^%سمر%^** · 2010-06-20, 04:03

الله بسرلج أمورج ..

الموضوع: طبيعي والا؟؟؟؟؟؟؟؟؟؟؟؟؟؟؟

أدوات الموضوع

عرض

طبيعي والا؟؟؟؟؟؟؟؟؟؟؟؟؟؟؟

المزيد من آخر المواضيع من نفس القسم:

المواضيع المتشابهه

محتاره..هالشي طبيعي والا؟؟؟

شو نحن يالسين نلعب؟؟هل هالشي طبيعي والا لا .. !!

هل انا معقده ومكبره السالفه؟؟؟؟ والا هذا شي طبيعي؟؟؟؟؟؟ في حد يحس مثل ما احس انا؟؟؟؟؟

شوفو هشي طبيعي والا

طبيعي هالشئ والا شو بالضبط ؟!