ساعدوووني .. حفل تخرج

**عائـشة** · 2010-06-19, 04:56

بنات ابغي افكار حفلة تخرج اخوي من جامعة

ضروووووري

المزيد من آخر المواضيع من نفس القسم:

**غزال الفلى** · 2010-06-19, 07:28

توزيعات على شكل كاب التخرج يعني جيبي كرتون وسويه على شكل اسطوانه + مربع ولصقيه مع الخيط الذهبي
وزيني المكان كابات +بلون تحت كل ككاب والكيكة حطي صورة اخوج وهو اصغير وصورة وهو اكبيلر والأكل سوي ورق محشي وبشاميل وعيش برياني وعيش مجبوس ومشاوي + المتبل والحمص + العصير النوع الصغير + لاننسى الفطائر +الحلويات بأنواعها وبس

**alaserah123** · 2010-06-19, 10:37

1تلقين توزيعات جاهزة في الاماكن الي بو ريلاين ع شكل كاب التخرج وانتي عاد وابداعج ظيفي عليه حبة جوكليت وممكن بعد تسوين كروت بسيطه صغار في البيت وتكتبين فيه بيت شعر لاخوج .

2ممكن بعد تيبين وسيله سوده وتسوينها ع شكل كاااااب عود بحيث تحطينه في زاوية والي اييب له هديه يحطها داخل الكاب العود << ( تقصين الوسيلة السوده على شكل دايره والوسيله الثانيه ع شكل مربع وتحطين الداءريه فوق المربعه وتلزقينها بمسدس الشمع وانتي ابدي حطي فيها اول هديه عساس الكل يستوعب انه مكان الهدايا .)

3 ممكن تسوين كابات صغيره اذا شي يهال راح يحظرون مع اهاليهم عسب يحسون انهم في حفلة تخرج بنفس الطريقة الي شرحة لج واهني اسهل ممكن تستخدمين فرجان وتسوين الدايره او بامكانج تستخدمين صحن دواري في التحديد وتستخدمين مسدس الشمع .

4 عندج الكلينكس في الحفله مكان اسم الكلينكس طبعي بطايق حلوه وعليها صورة كاب التخرج ولزقيه عليه .

5 الكيك ممكن تسوينه على شكل كاب تخرج

6 روب التخرج ماله وكابه يكون معلق جدام الكل مع الكاب وشهادة التخرج وبعد صورته يوم هو صغير واذا عنده صور من ايام الطفوله بروب التخرج ظيفوها ويوم يقطعون الكيك ع نهاية الحفله تلبسونه روب التخرج وتتصورون وياه .

7 اممممممم ما انصح تحطون شموع وبالونات وزينة عسب ما يكون جو عيد ميلاد او تكون حفلة يهال ^_^

8 اذا عارضين حفلة تخرجه ع التلفزيون او عندكم دي في دي حفل التخرج مسجل ممكن تحطونه للضيوف ويشوفون حفلة التخرج <<< احسه فن

9 عن الاكل حطو كل شي <<< ما اعرف في سوالف الطبخ

10 ادعيلي بدعوه حلوة ومبرؤك لاخوج ع التخرج وعساكم تفرحون فيه معرس

**مبتسمةمتفائلة** · 2010-06-19, 10:39

سوي له كيك علية صورته و وهو بزي التخرج

**عائـشة** · 2010-06-19, 10:53

ابغي افكار للحفلة ,

**الشيخة** · 2010-06-19, 12:14

حطوله اناشيد تخرج
واعزموا كل الأهل واليهال لبسوهم لبس التخرج
وسويله تصاميم بالفوتوشوب وضيفي صوره فالتصاميم واطبعيها على لوحات وعلقيها فالبيت او مكان الحفلة (اذا تبين عادي بصمم لج)

حركة البوسترات واايد حلوة
ويبي كتيب مزينيه بقبعات التخرج وخلي الحضور يكتبوله فالكتيب
احسه بيستانس

ومبروكين

**ma3een** · 2010-06-19, 15:22

أولا مبروك على تخرج أخوج وعقبال الوظيفة..

ممكن تسوين عرض صور عالبوربوينت أو الموفي ميكر بيكون أحلى وتدخلين الصوت اللي تبينه
يكون فيها صوره من ولادته الين ما كبر وصار ريال ما شاء الله..

وبعد إذا في العايلة مواهب بالتمثيل ..
ممكن تمثلون موقف أو حركه هو دايما يسويها..أو لازمه هو دايما يقولها..

**ام سالم** · 2010-06-19, 21:54

الخوات ما قصرن

موفقه ان شاءالله

الموضوع: ساعدوووني .. حفل تخرج

أدوات الموضوع

عرض

العرض المتطور

ساعدوووني .. حفل تخرج

المزيد من آخر المواضيع من نفس القسم:

المواضيع المتشابهه

حفل تخرج

هدايــــــــــــــــــــــــــــــــا تخرج للعضوة ( حبوبة الطايفه) بمناسبة تخرج بنتها

تخرج

(ساعدوووني) ابغي حل لصدري الصغير والمترهل (ساعدوووني)

توزيعات تخرج + بوكسات تخرج ...