شو أحسن حمام زيت تستخدمونه؟

[*أم اسمـــا*]

السلام عليكم ورحمة الله وبركاته

بنات شو احسن حمام زيت للشعر المصبوغ؟؟
شعري اتبهدل من كثر الصبغات لكل مناسبة تقريبا .. كان دهني .. وأصح جااااف

الحين استخدم حمام زيت براشوت بالثوم .. بس ماشفت نتيجة مرضية..(للأمانة توني باديه أستخدمه) بس مستعيله :22 (8):

وانتوا شو تستخدمون؟ و كم مرة في الأسبوع؟

المزيد من آخر المواضيع من نفس القسم:

• روتين العناية بشعر المحجبات
• خلطة لتنعيم الشعر المصبوغ والتالف أقوى سر...
• ابرز فوائد غسل الشعر بالماء البارد
• افضل خلطات تكثيف الشعر امنه وفعالة
• فوائد فرشاة تدليك الشعر
• فوائد بذور الحلبة السحرية للشعر
• اسباب وطرق علاج جفاف الشعر اثناء الشتاء
• طريقة العناية بالشعر المصبوغ
• طريقة عمل شامبو طبيعية للشعر الجاف
• طريقة تثبيت لون صبغة الشعر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم أحمد]

هلا حبوبة

أستخدم حمام زيت بالصبار آخذه من عند نزيه ..ما أقولج ممتاز لكنه زين

لكن أحسن شي حق الشعر المصبوغ منتجات لوريال للشعر المصبوغ اللي علبها تكون حمراء

وايد نفعتني

[رهـ الاحساس ـف]

هلا ام اسما
انا استخدم ياطويلة العمر والقامه
حمام زيت براشوت اللي تستخدمينه واحسه يعطي ليونه للشعر
عني ماصبغته
فيمكن عطاني نتيجه حلووه
انتي استمري عليه
وحاولي تزيتين شعرج بكثره وخاصه الاطراف اذا كانت جافه
استخدمي زيت اللوز الحلو يرطب الشعر الجاف
وان شاء الله اكون افدتج

[*أم اسمـــا*]

هلا بنت زايد .. هزرج بحصلها في الصيدليات؟؟

حبيبتي رهـ الاحساس ـف الفروه عندي دهنية بس الأطراف المسكينه هي اللي رايحه فيها
ان شالله باستمر عليه .. وباستخدم لوريال بعد .. ما ورانا شغل كله تجارب في هالشعر

[منى الحمادي]

ما تصدقوني اذا قلت لكم احسن حمام زيت هو المايونيز لا تضحكون مرة جربته في صالون والحين اسبوعيا استخدمه في البيت

[صدى حنيني]

انا سمعت انه المايونيز وااااايد زين .....

[*أم اسمـــا*]

أم محمد شوفيلنا اياه بسرعة لا خليت منج

ريانة العود
صدى حنيني ..

خواتي المايونيز ريحته تلوّع بالجبد .. ما استخدمته بس يقولولي عنه.. ما أقدر أغامر
وشكرا على المشاركة حبيباتي

[فطيم]

انا جربت حمام زيت بس اعشاب طبيعيه ما خذتنه من صيدلية ابن سينا للاعشاب الطبيعيه و عندي مكينة بخار للشعر اسوي بالاسبوع مره و لاحظة في تحسن

[صدى حنيني]

عندج اعشاب تستعمل لحمام الزيت تنباع في الجمعية وتلقينها في الصوالين بعد بس تكون أغلى من الجمعيات شوفي شو اللي يناسب شعرج واستعمليه ...

[*أم اسمـــا*]

فطيم..
صدى حنيني..

مشكورات حبيباتي
بصراحة يبغيله شعري من عقب الربى راح فيها وانتوا اتعرفون الحمل والولادة تتعب الجسم

[*أم اسمـــا*]

أم محمد تعبتج ويايه
مشكورة الغالية

[*أم اسمـــا*]

انا استخدم في الصالون حمام زيت ايطالي

براشوت مب زين ،، اللهم كريم عادي يعطي مفعول سطحي لا اكثر

لا تقوليييين

[اماراتية طموحة]

مرحبا خواتي هاذي طبعا اول مشاركة لي في هاذا المنتدى اللي شكله انشالله له مستقبل.

وعن حمام الزيت الله يسلمكن

اكثر نوع فادني بما اني دايما اصبغ شعري... وشعري جاف وفيه تقصف kerestase من لوريال العلبة البرتقالية كان اكثر من روووووووووووووووعة عجيب على الشعر صدق بس انقطع من السوق... بس من فترة نزل الاحمر للشعر المصبوغ اعتقد بيكون زين... ولوريال بشكل عام سواءkrestase او غيره منتجاتهم زينه وعندهم ماسكات روعة للشعر للتنعيم وازلة التقصف وايضا التغذية على شكل انبولات.
ايضا ماركات kadus و matrix اوكي استخدمت حمام زيت ال matrix حسيتبه من اول يوم عجيب جني مسشورة شعري طايح وحلو وفيه لمعة بس الاستخدام الثاني ما حسيت بهاذا الشعور مب مثل ال لوريال
وبقولكم عن طريقة وايد زينة حمام زيت بروحج تسوينه في البيت اذا حبيتي او في الصالون نتيجته تغذية للجذور ة تنعيم وترطيب للشعر... تدلكين جذور الشعر بزيت الباراشوت الاصلي الذهبي عقب ما تدفين الزيت و تحركين فروة الراس الشوي بالمشط.. تسوين تدليك.. عقب ممكن تحطين المايونيز (مثل ما قالت الاخت المايونيز روعة للشعر اللبنانيات وايد يستخدمن المايونيز على شعورهن).وعقب تيلسين في البخار عشان تتفتح المسامات وعقب فترة تغسلين شعرج وايد بتستفيدن.... لان شعركن بيتغذى من الجذور و بعد بتستفيد الاطراف من الماسك للتنعيم وازلة التقصف.

وسلمتو

[رعبوبة العين]

مرحبا السااااااااااااااااع شحالكن بنيااااااااااااااااات؟؟؟؟؟؟
ممممممم>>>> سمعي أنا استخدم خلطة زيوت (زيت اللوز+زيت الزيتون+زيت الثوم+زيت الخروع+زيت جوز الهند)
نصيحه مني لج تستخدمين (محلب +زيت جوز الهند) هذا ربيعتي استخدمته >>> خليني أقولج كيف كان شعرها ؟وكيف صاااار ؟>>> قبل >>> كان مطاير >>مافي رونق أو لمعااااااااان >>جااف >>> من استخدمته شو صااااار؟؟؟
نعيييييم >>>> كله لمعاااااان وصحة >>> مثل شعر بنات صانسيلك>>خخخخخخخخخخ
صدقيني استخدميه ما بيضرج لانه طبيعي 100%>>>>> الشئ الثاني تقدرين تسيرين عند نزيه في العين أو عند جويل قي بوظبي إذا تريدين نصيحتهم
أن شااااااء الله أكون كفيت ووفيت

[*أم اسمـــا*]

مرحبا خواتي هاذي طبعا اول مشاركة لي في هاذا المنتدى اللي شكله انشالله له مستقبل.

وعن حمام الزيت الله يسلمكن

اكثر نوع فادني بما اني دايما اصبغ شعري... وشعري جاف وفيه تقصف kerestase من لوريال العلبة البرتقالية كان اكثر من روووووووووووووووعة عجيب على الشعر صدق بس انقطع من السوق... بس من فترة نزل الاحمر للشعر المصبوغ اعتقد بيكون زين... ولوريال بشكل عام سواءkrestase او غيره منتجاتهم زينه وعندهم ماسكات روعة للشعر للتنعيم وازلة التقصف وايضا التغذية على شكل انبولات.
ايضا ماركات kadus و matrix اوكي استخدمت حمام زيت ال matrix حسيتبه من اول يوم عجيب جني مسشورة شعري طايح وحلو وفيه لمعة بس الاستخدام الثاني ما حسيت بهاذا الشعور مب مثل ال لوريال
وبقولكم عن طريقة وايد زينة حمام زيت بروحج تسوينه في البيت اذا حبيتي او في الصالون نتيجته تغذية للجذور ة تنعيم وترطيب للشعر... تدلكين جذور الشعر بزيت الباراشوت الاصلي الذهبي عقب ما تدفين الزيت و تحركين فروة الراس الشوي بالمشط.. تسوين تدليك.. عقب ممكن تحطين المايونيز (مثل ما قالت الاخت المايونيز روعة للشعر اللبنانيات وايد يستخدمن المايونيز على شعورهن).وعقب تيلسين في البخار عشان تتفتح المسامات وعقب فترة تغسلين شعرج وايد بتستفيدن.... لان شعركن بيتغذى من الجذور و بعد بتستفيد الاطراف من الماسك للتنعيم وازلة التقصف.

وسلمتو

الله يسلمج الغالية مشكووورة
بس بغيت أسألج .. كيف اتسوين بخار في الحمام عزكم الله؟