جبل الاخضر عمان

**منوة الرووووح** · 2010-06-16, 20:47

مسا الخير بنات انا بعد اسبوعين رايحة جبل الاخضر في عمان بس ماعرف شو احسن الفنادق او الشقق الفندقيةهناك ولوسمحتن ابا شو احلى مكان اقدر اروحله واذا اريد احجز هل اقدر عن طريق النت
واذا بتعطني معلومات عن ها المكان بعد زين

وجزاكن الله الف خير

المزيد من آخر المواضيع من نفس القسم:

**أنا اهني** · 2010-06-16, 22:18

السلام عليكم .. السموحه من صاحبة الموضوع انا بعد ابا اعرف عن الشقق و الفنادق

**فديتك يا قلبي** · 2010-06-16, 22:29

السلام عليكم
أنا ما رحت بس أخوي راح ويقول ان الشارع فية انحناء وبعض الشي خطير فية ارتفاعات عالية وثم نزول للوادي بس شبهها بالشام وبالتوفيق

**أم أميروه** · 2010-06-16, 23:09

انا سايرة بس نسيت اسم الفندق ...
بس بتساتنسين المكااان وايد حلوو انا رايحه فالبرد مااادري كيف عن الصيف ..
رحلة موفقه ان شاء الله ..

**منوة الرووووح** · 2010-06-17, 00:35

انزين شو احسن الفندق ولا شقق فندقيه وشو اسعارهم ابا اعرف مناطق حلوه اقدر اروحلها

**cute me** · 2010-06-17, 00:46

قصدج صلاله ؟؟

اذكر رحنا لها من مادري كم سنه ..

وكان احسن فندق عندهم الهيلتون .. وسكنا فيه

موفقه خير اختي

**منوة الرووووح** · 2010-06-17, 01:54

لاء مب في صلاله بين العين والجبل الاخضر ست ساعات

**missuae3003** · 2010-06-18, 12:16

ههههههههه والله مت ضحك يوم قلتي فندق وشقق فندقيه ... لووول

غناتي اذا سرتي اقص ايدي اذا ماقلتي ردوووني نفس اليوم

انتي كيف متخيله الجبل الاخضر .. ؟ منتجعات وفنادق ..؟!

لا لا ياغناتي الجبل الاخضر عباره عن جبل صخري فيه مساحه بسيطه خضراء

والباقي كله اغبر ><

وماشي فنادق ... الا واحد في بدايه الجبل ومستواه نجمتين

ولا شي شقق الا بيوت الناس البعض فالصيف يطلع ويأجر بيته والشقق قولي غرفها

مثل فنادق نجمه وحده عندنا ...

سوري ما ابا اصدمج بس عشان تعرفين المكان الي سايرته مافيه اي وسيله ترفيه

حتى مطعم ماااافيه ...

زين اذا لقيتي دكان بعد ><

وفيه قرى بدائية جداااا ... الله يعين اهل الجبل الاخضر ..

اللي يشفع له الجو المعتدل فقط لا غيــــــــــر ..

انا اشوفه يصلح للتخييم فقط ولو عندكم يهال بيملون بسرعه

ينفع لطلعة شباب يحبون التخييم ومايدورون اشياء ترفيهيه ..

.
.

هاي تجربتي انا سرت اخر سبعه وكرهت حياتي والله

للاسف ماكنا نروم نرد بسرعه لانه كان ويانا شيبان واستانسو على الهدوء

وكنت اعد الايام والليالي عشان افتك وارد كان اتعس اسبوع في حياتي ><

**missuae3003** · 2010-06-18, 12:22

هذا الفندق الوحيد عندهم موجود اول ماتدخلين الجبل

.
.

اغلب المناظر جي

.
.
.

.
.

هذي قريه في الجبل

.
.

وهاي القريه المتطوره شوي وكنا ساكنين فيها

.
.
.

هذا الجبل الاخضر في الصيف ماعرف اذا فالشتاء غير ؟!

**missuae3003** · 2010-06-18, 12:23

والجو بالصبح حلو ... الظهر حررر موووت ... المسا حلو ...

الجبل يباله يوم واحد فقط بالكثير يومين ..

وخذو وياكم المونه

من عيش ومعلبات وهالسوالف

لانه كل الي يبيعونه في دكاكينهم مستورد ومب زين

واشيا بعضها معفن خاصه المعلبات ..

فالافضل تشلون كل شي من هني ...

.
.

وانصحكم بالذهاب لصلاله بعد القضاء يوم او يومين في الجبل الاخضر اذا انتو حابين تجربونه ..

الموضوع: جبل الاخضر عمان

أدوات الموضوع

عرض

جبل الاخضر عمان

المزيد من آخر المواضيع من نفس القسم:

المواضيع المتشابهه

حد يعرف شو الجو احين في الجبل الاخضر عمان ، او صلالة

الجبل الاخضر في عمان

الجبل الاخضر في عمان

الجبل الاخضر - عمان